لست كعاداتكم يا خطيبي .
32
الإستشارة:

سعادة المستشار الكريم/ هذه استشارة من مسترشد/ة نعرضها لكم للرد عليها مع الشكر...
عنوان الاستشارة :
لست كعاداتكم يا خطيبي .
أسم المسترشد :
انثى رقيقة

نص الإستشارة :
السلام عليكم ورحمة الله وبركاته
أنا فتاة عمري 26 سنة ومتعلمة ومثقفة تقدم لخطبتي شاب عمره 34 سنة .. وتم القبول والموافقة بالرغم من انه غير متعلم ووضعه ميسور الحال نوعا ما ولما نتزوج اشتغل واساعده بأمور الحياة وهذا مو غلط التعاون بين الزوجين على الحلو والمر ..

وتمت عقد القران (ملكة..كتبنا كتابنا) وكنت سعيدة جدا بهذا الارتباط .. سعيدة بخطيبي وامه ..
حماتي..واخواته وكل شي تمام ..طبعا انا عقدت القران بتاريخ 19 تموز وبعديها جاء شهر رمضان وكنت اذهب لمنزلهم معو يعزموني اهلو واخواتو المتزوجات وجد احلا ايام كانت

ومثل اي ثنين لابد من يصير مشاكل بيناتنا لعدم توافق الآراء بيني وبين خطيبي ونتشاجر وبعديها نتصالح .. ولكن بعد مرور شهر رمضان وعيد الفطر ,, ساءت الأمور بيناتنا صار يطلب مني آجي لبيتهم لوحدي ..او بدو يبعتلي شوفير من اصحابه ..

يعني يحكي شغلات مو منطقية ومابتتوافق مع العادات والتقاليد يلي عنا ..يعني ازا كان هوا عندو عادي هذا الشي واهلو متحررين بس انا عندي قيود معينة وبلتزم فيها ومتل ما اهلي ربوني بعمل وبما انه انا رفضت آجي عندهم لوحدي هوا زعل ولهلأ مطنشني ومو سائل فيني مابتصل ولا حتى رسالة عالموبايل ..

وأنا مقهورة كتير من هذا التصرف ..يعني عندي احساس انو حدا عم بعلم فيه وهوا ما الو رأي ولا شخصية
غير انو لما امو اجت تخطبني شرطنا كان اسكن في بيت لوحدي مو مع اهلو ..

واي مشكلة صغيرة تصير وأنا زوجته شرعا ومنم هالحكي هذا اهلي بقولو احنا هيك عاداتنا وتقاليدنا ازا بدك استعجل في استئجار البيت واتزوجو وهو بحكي لا بسكنها في بيت اهلي ..وهذا الشي مرفووووووض من اهلي وانا برفضووووو بردو.. لهيك مو عارفة كيف استمر معه ولما نتزوج كيف رح تكون حياتنا!!

انا عم فكر اتركو واطلب الطلاق..بعرف انها صعبة بس من يوم ما خطبنا بالرغم من اللحظات الحلوة كانت اللحظات الصعبة والمرة اكتر بكتييييير وانا مو قادرة على تطنيشو لإلي .. وازا تركنا بتكون فترة خطبتنا شهرين وشوي تقريبا

وبصراحة اكتر خايفة لما اتركو ما ارتبط بحدا وخاصة انا مو صغيرة بالعمر ..لأنو كلنا منعرف نظرة المجتمع للمطلقة ..

ملاحظة : كنت اجلس مع خطيبي لوحدنا جد مو عارفة شو اعمل ماعم بقدر انام الليل وراسي وجعني من كتر التفكير بدي نصيحتكم ..واهلي بشجعوني اتركو لأنو مو مكافيء لإلي واكتر شي تفكيرو الصعب

مشاركة الاستشارة
الرد على الإستشارة:

أشكرك أختي على طرحك لمشكلتك وثقتك بنا .
من الطبيعي بداية أي زواج  تحدث بعض المشاكل خاصة أنكِ حديثة عهد بالزواج ، وعادة مثلهذه المشاكل نحلها بالحوار والتفاهم وإعمال العقل بشكل صحيح .

فأنصحك أختي الكريمة بعدة أمور منها :
1) لا تستعجلي بالتفكير بالطلاق ، لابد أن تتحلي بالصبر وإيجاد الحلول المرضية لك وله .

2) لا تخرجي عن مشورة أهلك وأنت مخطوبة ، بعدم الذهاب لوحدك معه ، لأن لديهم نظرة مستقبلية  ومصلحة لك .

3) من ناحية السكن إذا شرطتِ بعقد القرآن سكن خاص فهذا من حقك ، أما اذا لم تشترطِ فهذا راجع إلى الإقناع والحوار بينكما ،  فأنصحك أختي الكريمة أن تكوني بسكن خاص لوحدك حتى تستطعين تأثري فيه وتغيري طبعه المتحرر ، وقناعته الخاطئة .

4) الزوج الغير متعلم يحتاج إلى مزيد من الصبر والتحمل  ، فهل يمكن تغيره ؟!  نعم ممكن تغييره إذا استطعتِ أن تفهمية واستحوتِ على حبه وقلبه .

5) حتى ترتاحي من التفكير الشديد والغلق المزعج لا تنسي تقوية صلتك بالله تعالى .

أسأل الله تعالى أن يوفقك ويبارك الله بزواجكما .

مقال المشرف

مع العودة.. جدد حياتك

العودة إلى الدوام المدرسي يمثل العودة إلى الحياة الطبيعية، فبقدر ما يفرح المربون والمربيات بالإجازة ...

شاركنا الرأي

هل «الوتساب» جعل أطفالنا أيتاماً؟

استطلاع رأي

رأيك يهمنا: ما رأيك في منصة المستشار الأستشارية؟

المراسلات