الإستشارة:
هذه الاستشاره من المسترشده(امة الله, العمر:23-29 , المستوى التعلمي:دراسات عليا, ربة منزل, السعوديه-الشرقيه-)
أنا اسفة لو اطلت .أنا متزوجة من 4سنين عن قصة حب محترمة وقوية زوجى يكبرنى بثلاث سنين يحبنى جدا واحبه جدا جدا طيب القلب حنين جدا حتى من غير ما يتكلم.
كريم معى فى كل شيء الا الكلام المعسول بخيل به. تحملت معه مشاكل كتير وظروف صعبة اكتر ولكن الحمد لله متفاهمين جدا.عمرنا ماطال زعلانا فوق يومين
وعمرى ما دخلت احد فى مشاكلنا .ولا هو حتى حدثت الكارثة منذ سنه تقريبا
دخل غرف الشات ولكنه اتى واعترف لى وانا سامحته لانه اعترف لى ونهيناالموضوع ولكن كانت الفاجعة عندما فتحت الكومبيوتر ووجدته تارك ايميله مفتوح اميل جديد غير ايميل العمل وضايف بنات ومتحدث معهم والله وقايل لهم كلام لا يقوله معى
لدرجة انه قايلهم انه غير متزوج ووحيد.سعات بحس انه جوزى يبحث عن شيء لا اعرفة علما بانى جميله وملتزمة ومرحة ومحبوبة الحمد لله من الناس كلها وهو يعرف كدا لدرجة اصدقائه واصحابه دائما يمدحونى وهو بيجى يحكيلى .
المهم واجهته وانهرت واحسست انه قصم ظهرى ووقفت على انى اتركه شويه حتى اوحشه او يحس بعدم وجودى فيتغير لان كل اصحابى يقولون انك مدلعاه و مدللاه زيادة عن اللزوم.
المهم حلف لى على المصحف انه كان بيسلى ومش هعمل كدا تانى وانه مقدرش يعيش من غيرى وسامحته وعديتها
علشان خاطر بناتى وعلشان بحبه ولكن جلست معه وطلبت منه اعرف اية الى مقصرة فيه ايه الخطأ الى عندى قالى والله انك ما مقصرة فى شيء وانك افضل ست فى الدنيا كلها
ولكن للأسف سرعان مارجع واصعب من الاول كل يوم يأتى من الشغل وهو ملهوف انه يفرغ فية ؟؟؟طيب دا يردى ربنا انا الان لا اعرف ان كان يعرف ستات وبيعمل شات او بيتفرج على مواقع اباحية او ايه بالضبط
جيت من اسبوع كنا قاعدين قاعدة رمانسيه وسألته وقلت له انك متغير سألنى لافضل او الاسوأ قلت له للاسوأ سكت قلت له ان غيارتك بتكون فيه مزى اليوم انت رجعت للموضوع دا تانى قالى سامحينى
قلت له بالله عليك لو مش مقضياك اتجوز او طلقنى واتجوز غيرى لكنى مش هسمح انى وحده تثيرك وتيجى تفرخ فيه زى الباهيمه ومش هقبل الوضع دا والله وقبلت رجله انه يراعى ربنا وان دا يعتبر زناوبيخرب البيوت الى تعبنة
انا وهو علشان نبني هوكله سلف ودين انت عندك بنات وطلبت منه اننا نروح نعمل عمرة لكى يتوب الله عنه اعترف انه غلطان وان تقصيره فى الصلى ونه هيلتزم وفعلا راح عمل عمره لوحده وبيجاهد فى الصلى وانا معاهولكن الن الشك هيموتنى والغيرة هتجننى
وحاسة انه معدش عندى ثقة بنفسى ودائما حاسه انى مش ماليه عنيه وحاسه انه عنيه فارغة ومبقتش واثقة فيه خالص,ودائما احس اننا مش هنكمل مع بعض وعلى طول مع نفسى وهو فى الشغل احس عندى اكتئاب ومش قادرة اكمل المسرحية انى ادلعه واضحك فى وشه واسعده
انا الان مش محسساه اى شيء ولكنى كل يوم بموت الالف المرات ومبقتش احب اخرج معاه لانى بتعب من النظر الى عنيه اشوفها بتبص على مين وحاسه انى ضايعة ودائما يراودنى انى ابعد عنه واطلق لانى مش واثقه فية
علما بان عندى 26سنه وعندى 3 بنات وخايفه واحده من الساقطط الى على النت تضحك عليه لانه طيب زيادة عن اللزوم . انا اسفة على الاطاله علما بانى مطبقة والله شاهد عليا معظم النصائح لاخواتى الذين وقعوا فى نفس مشكلتى ارجوكم ساعدونى