لن أعيش مع أهل زوجي
81
الإستشارة:

أنا متزوجه من ينه وحامل فى شهرى السادس واعانى من الايام الاولى من زواجى من سوء معملة زوجى لى دائما منفعل على على الصغيره والكبيره وبيعملنى مثل الخادمه

وبينزل يقول لوالدته على كل اللى بيحصل بينناوطبعا بيختار ما بين الكلام اللى يديننى فقط مش بيقول الحقيقه كامله لدرجه الله اعلم بتعاملى معهم كنت بعامل ربنا فيهم

ووالدته واخواتوا البنات بيدخلوا فى كل حاجه لدرجة انهم ممكن يدخلوا شقتى فى غير وجودى ويستعملوا حاجتى الخاصه وبيتعملوا معى بطريقه مستفزه جدا وقمه نجاهل فظيعه لدرجة الشتم والزعيق منهم على اتفه الامور كأن امنع طفل من ابناء اخته على الوقوع من السلام ده يبقى انا عملت ذنب فظيع

وهو ما عليه غير الدفاع عنهم وقوله دى حجاتى وشقتى انا واخواتى وربنا ياخد اللى يفرقنا عن بعض واشياء من هذا القبيل تعبت نفسيا جدا وجسديا لدرجه نزل عليا ماء من الحمل ورحت ارتاح على ظهرى عند والدتى لان للاسف حماتى زعقت لى قدمها

وماما حاولت تهدى الوضع قابلتها بزعيق وشكاوى ملفقه ادى ذلك الى زعل اهلى وامتناعهم عن زيارتى لان ده بمثابة اهانه ليهم ورحت عند اهلى وارتحت نفسيا وجسديا شوى مع العلم انوا كان سيبنى عند اهلى وبيتفسح وبيصيف هو واخواته وامه حتى الفلوس كل اما اكلمه عليها كان يرد بمعييش فلوس

المهم رجعت شقتى اذ بحماتى تفاجئنى انها واضعه سرير لبناتها المتزوجات فى عرفة الاستقبال بتاعتىمع العلم ان شقتى غرفتين فقط وكونى اعترض طبعا كان رد فعل زوجى ان اخبطى نفسك فى الحيط وعلشان متقوليش ان امى بتعند معاكى

انا بقى اللى جيبته واما دخلت ناس فى الموضوع اتمسكنت وقالت دى بنتى وانا اللى مختراها لابنى وهى اللى بتعملنى وحش انا وبناتى وربنا شاهد على انى اخاف ربنا من معاملتهم وحش اصلا انا حاليا عند اهلى بس تعبت ومش قادره اكمل ؟؟؟؟؟افيدونى وجزاكم الله كل خير

مشاركة الاستشارة
الرد على الإستشارة:

حياك الله أختي وأشكر تواصلك مع الموقع وحرصك على أخذ المشورة .
أود أن أوصيك بالآتي :
- التركيز في علاقتك الزوجية مع زوجك أكثر من العلاقة مع أهله .
- عدم إخبارالزوج بكل ما يحدث معك مع أهله .
- البعد عن انتقاد أهل الزوج وتصرفاتهم عند زوجك .
- اختيار الوقت المناسب للحديث مع زوجك حول بعض الأمور التي تحدث وأخذ رأيه فيها .
- حاولي التقرب لأهل الزوج بطريقة مناسبة لك وكذلك مقبولة لزوجك بعيداً عن المبالغة أو تحمل شي لا يحتمل .
- بداية الزواج ووجود الزوجين مع أهل الزوج قد يحدث فيه بعض الأمور من هذا القبيبل وهذا شي طبيعي فعليك الصبر وكلها بإذن الله مسألة وقت .
- عدم فتح المواضيع التي تحدث بينك وبين أهل زوجك للزوج وترك بعض الأمور التي تستطيعين تحملها والتغاضي عنها .

مقال المشرف

أطفالنا والرؤية

قرابة أربع عشرة سنة تمثل العمر الافتراضي المتبقي لتحقق جميع مؤشرات الرؤية الشاملة التي أطلقتها الممل...

شاركنا الرأي

ما مدى تأثير شبكات التواصل الاجتماعية على الأسرة

استطلاع رأي

ما رأيك في فترة الرد على الأستشارات حالياً ( خلال 5 - 7 أيام )؟

المراسلات