أشك في علاقة زوجي !
108
الإستشارة:

أنا فتاه عمري 22 سنه سبق ومريت بتجربة زواج فاشله كانت ملكه فقط وكان ولد عمتي مع العلم اني كنت رافضاه من البدايه وبعدها بسنتين تقدم لي ابن عمتي من عمه اخرى وسارت مشاكل بين عماتي ولكن وافقت لاني مااعرف عنه الا كل خير

 لكن طلع كلام انه مايبغاني انه يبغا بنت خالته تسير بنت عمتي وانو بينهم علاقه بس هوه انكر كل شيء تمت الملكه واستمرت 8 شهور بعدها خفت المشاكل لكن زوجي بدأ يتغير اسلوبه معايه يكلمني واسمعه يراسل من جواله الثاني ( بلاك بيري) واتكلم ولا هو معايه

 شكيت انه على علاقه في بنت عمتي او انه رجع لها فيه برنامج عندي اللي هوه الوتس اب يظهر اخر وقت دخول كل شخص عندي سرت اراقبه يفتح البرنامج وهوه يكلمني وبعدها أضفت بنت عمتي عندي

 وسرت اراقب دخوله ودخولها وانصدمت مدة شهر كامل ماتدخل هيه الا ويدخل بعدها ويجلسون طول الليل يفتح بعدها بدقيقه ويقفلون مع بعض في نفس الدقيقه

 تعبت وتدمرت نفسيتي وبعدها ماسرت اكلمه كم يوم وكان يقول اش فيه ويسال عني في النهايه قال براحتك قررت افاتحه واصارحه طبعاً انكر الموضوع وحلف بس كان يتبسم زي اللي مستغرب تصالحنا لكن الغريب بعدها انه لمن سارت هيه تدخل البرنامج ( الوتساب ) يدخل بعدها على طول وتقفل على طول ويقفل بعدها

 وكل ماله في تغيير خايفه وتعبت المشكله مافيه دليل،،حتى تصرفاتها معايه لمن نتقابل باين انها حاقده ماتسلم وتطالعني بنظرات تخوف وكأن بيني وبينها خلاف كبير رغم انها ماكانت كذا معايه قبل لا يخطبني

 أنا خايفه يكون بينهم علاقه وهوه يبغاها ويكون خطبني علشان يرضي امه لان امه (عمتي ) هيه الوحيده من عماتي اللي تحبني وانا كمان احبها واعتبرها زي امي .

 أنا زواجي قريب وخايفه أتمنى ألاقي دليل علشان ما أظلمه او الاقي شيء يثبت اني غلطانه تعبت الله يجزاكم خير ساعدوني..

مشاركة الاستشارة
الرد على الإستشارة:

السلام عليكم ورحمة الله وبركاته
أشكرك ابنتي الفاضلة على اختيارك وتواصلك مع موقع المستشار في طلب المساعدة والاستشارة .
كم هو جميل أن يسعى كلا من الزوج والزوجة إلى البحث عن وسائل وطرق تساعد في بناء علاقة زواج مستمرة لا يشوبها الخلاف السلبي الذي يفتك بالحياة الزوجية  .
لذلك جميل أن تتصلي مباشرة بالهاتف الاستشاري للموقع  والذي من خلاله يكون الحوار المباشر بينك وبين المستشارة  والتي من خلالها إن شاء الله تجدين الإرشاد المناسب لمثل هذه الحالة .رقم  الهاتف
هو 920000900
متمنيا لكم الحياة السعيدة وأن تجدي في هذا الموقع المبارك ما يسرك . والسلام عليكم .

مقال المشرف

مع العودة.. جدد حياتك

العودة إلى الدوام المدرسي يمثل العودة إلى الحياة الطبيعية، فبقدر ما يفرح المربون والمربيات بالإجازة ...

شاركنا الرأي

هل «الوتساب» جعل أطفالنا أيتاماً؟

استطلاع رأي

رأيك يهمنا: ما رأيك في منصة المستشار الأستشارية؟

المراسلات