أنا كذابة في عين خطيبي !
72
الإستشارة:

بسم الله الرحمن الرحيم . السلام عليكم . أنا جدا تعباااااانه واعذروني رح اكتب مشكلتي بلللغه العاميه . أنا مخطوبه من سنه تقريبا وكاتبه كتابي وانا وخطيبي نكلم بعض من اول شهر كان الوضع بيننا حلو ولكن انقلب الوضع بيننا وصار داااااائم مشاكل

صار خطيبي يسوي مشكله من اصغر الامور ويكبرها ويجلس بالايام حاقد علي ويجرحني بالكلام المشكله تكمن في انني اكذب عليه احيانا وانا والله ما احب اكذب ولكن اخاف من زعله علي فاأضطر اكذب وهو يكره الكذب وحين اكتشف انني كذبت عليه زعل بقوووه وبعدها استمرت مشاجرات دااائمه

بعدها قررت اتركه 3اشهر وفعلا قفلت جوالي وتركته وكان يكلم ع جوال امي  أنا والله احاول بكل مافيني اسعده هو يبي يغلط علي وانا ساكته وانا ما قدر اسكت عن الغلط وكمان عنده عزة نفس قويه مستحيل يعتذر لي او يراضيني دااااااااايم انا الغلطانه ودااااايم انا اللي اسامح واعتذر

أنا تعبت معااااه تعبت والله ماعرفت اي اسلوب اتبعه معه التطنيش ماينفع والحب والتسامح ماينفع
مااااادري ايش اسوي له بعد الثلاث الاشهر جانا البيت وجلسنا وتصالحنا انا وياه بدون تدخل احد جلسنا يمكن شهر الوضع مستقر

بعدها طلعت الجامعه وكنت متفقه مع صديقاتي نسوي حفله صغيره بالجامعه عباره عن فطور وكيكه عشان صديقتي بتتزوج في نفس اليوم اتصل خطيبي والجوال ماكان معي ولما طلعت من الجامعه شفت اتصاله ورجعت كلمته وقلت له انو كان في حفله وكذا عصب وزعل وقال ليش ما تقولي لي ليش دايم تخبي علي !!!!

أنا أشوف الموضوع تافه ومايستحق انه يعرف عنه ماهتميت ولا جت مناسبه اقوله وبعدها استمرت مشاكل مشاكل كالعادة. آخر مشكله واكبرها قبل اسبوع سافرت انا وامي واخي مع اختي وزوجها انا كنت راكبه بالمقعده الاخيره لان زوج اختي هو السائق ومابيه يشوفني او يسمع صوتي

طبعا انا غلطت لمن قررت اني ماعلم خطيبي اني بسافر مع اختي كذبت عليه وقلت اني بسافر مع اخي الكبير
لان خطيبي مايبيني اركب مع ازواج خواتي بعد اسبوع اكتشف اني كذبت ولما واجهني انا انصدمت كيف عرف وارتبكت وقال لي احلفي  على المصحف انك سافرت مع اخوك!!!!

أنا وقتها ماقددددرت الا اعترف ولما اعترفت ثااااار كالبركان وبدا يجرحني بكلام حسيت ان الدم نشف بعروقي وقال لي النقاش بيننا انعدم وانا رح افكر ايش اسوي واذا اتخذت قرار رح تعرفينه من ابوك واخوانك من يومها وانا في هم مايعلم فيه الا الله

وابكي بشكل متواصل ندمممممانه ع موافقتي اني اكلمه قبل الزواج وندمانه اني ماعرفت اتصرف معاه وندمانه اني كذبت عليه لاني اصبحت امامه انسانه كذااااابه

أخاف يقرر نفسخ خطوبتنا وانا والله مابي هالشي يصير لان الناس مايرحمون واكيد رح يتكلمون عني،،
أنا مهمومه وتعبانه ارجوكم اعطوني حل

مشاركة الاستشارة
الرد على الإستشارة:

وعليكم السلام ورحمة الله
ابنتي العزيزة حفظك الله ورعاك حدوث مثل تلك المشكلات واردة في هذه الفترة وقد يرجع سببها لعدم تفهم كلا منكما لشخصية الآخر ، وبما أن الوضع وصل بكما إلى هذا الحد فلا بد من جلسة مصارحة بينكما وبحضور أبيك ومن يكون حكيما من الأسرة وتطلبي منه توضيح تلك الأمور بينكما وسبب تصرفاته وما يرغبه كلاكما من الآخر وتقريب وجهات النظر لعل الله أن يصلح بينكما ويجمع بينكما على خير.

مقال المشرف

مع العودة.. جدد حياتك

العودة إلى الدوام المدرسي يمثل العودة إلى الحياة الطبيعية، فبقدر ما يفرح المربون والمربيات بالإجازة ...

شاركنا الرأي

هل «الوتساب» جعل أطفالنا أيتاماً؟

استطلاع رأي

رأيك يهمنا: ما رأيك في منصة المستشار الأستشارية؟

المراسلات