هل أستمر في الحياة التعيسة ؟
77
الإستشارة:

امرأة متزوجة من 8 سنوات لدي طفلين حياتي مع زوجي لا يوجد فيها اي نوع من العاطفة او الرومنسيةاو المشاعر هو يكبرني ب3 سنوات تزوجته واحببته جدا احاول ارضيه قد مااقدر واتعب عشان هو يرتاح من الناحية الجنسية

يجي بدون مقدمات وعلى طول ايلاج لما اقوله خل يكون مقدمات يقول الحين يصحون عيالك كلام حلو مايقول ابدا هدايا مايجيب نهائي ع الرغم اني دايما اقوله ابي تهديني ويقول ان شالله ولا عمره سواها رائحة فمه كريهة جدا جدا جدا بسبب انو اسنانه كلها جير والتهاب لثة ويطلع دم من فمه دائما

لما يجي يقبلني في فمي ارفض ويسلني ليش ماتحبين اقوله ماحبه كذا وانا بالعكس احب بس رائحته كريهة جدا وغير الرائحة اللعاب لزج واحس لما يقبلني في فمي اني بستفرغ بعد سنة ونص اكتشفت خيانته انصدمت بكيت واجهته اعترف ووعدني بيتركها وحلف ع القران

بعدها صرت افتش جواله بدون مايدري وكل فترة اكتشف رقم جديد واواجهه ينكر ولما اعطيه الدليل يعترف ويوعدني يتركهاوبعدين اكتشف ارقام ثانية وهو يكلم كذا بنت في نفس الفترة بس مدري هو اللي يتركهم او هم يتركونه

صرت دائما ادخل المواقع الزوجية في الانترنت واطبق النصائح في كيفية كسب الزوج ومحاولة اغرائه وسويت كثير من الحركات الرومنسية عشان ارضيه في بعض المرات لما اساله يقول عادي او مانتبهت في الجنس انا ماخذة دور الرجال طبعا هو معطيني الدور دايما يقولي سوي كذا وكذا واسوي

وفيه اشياء كثير اسويها بدون مايقول اقرا ف النت واجي اطبقها عشان اجذبهلاني كنت احبه كثير كثير وكنت اغار عليه كثييير لانه عيونه زايغة ويدقق في البنات يعني من لمحة ينتبه لكل شي ويجي يقولي اعصب عليه انو ليش ناظرت يقول هي في وجهي

وبصراحة هو دايما يناظر بالحريم واستغرب انو احيانا لمحة بس ويشوف اشياء ماشفتها رغم اني مملوحة وهو اختارني عشان هالشي دايما يقول اخذتك عشان شكلك وهو العكس تماما شكله بشع واخلاقه زفت والصلاة يوم يصلي وعشرة لا

وكذاب نص كلامه كله كذب في كذب مع هذا كنت اموت فيه واغار عليه بشكل مو طبيعي حتى مرة انا كنت جالسة يمه وهو يكلم اخوه وحاطه سبيكر قاله اخوه على شنو زوجتك تغار عليك انو مافيك شي زود ودايما لما نطلع افرح انو طالعين نتمشى يعني بيقولي كلام رومنسي مع هذا لما نطلع يسكت

ولما بيتكلم يتكلم عن زملاء العمل حتى دائما ارجع البيت وانا ابكي انو كنت متاملة بيقولي شي حلو فلما مايقول يجيني احباط وهو انسان عصبي سليط اللسان حتى مع اهله وابوه واخواته لما يختلفون في الراي عادي انه يجرحهم بالكلام وفي الشارع ينتظر بس اي شي عشان يتهاوش

طول هالسنين وانا متحملة شخصيته هذي واسلوبه واخلاقه ومسلسل الخيانات الي مو جاي يخلص وهو في ايام الاجازات يجلس الصباح لما اكون نايمة عشان يعاكس ولما اصحى يروح ينام اقوله ليش يقول انا متعود على جلسة الصباح غير انه شخصيته مختلفة عن شخصيتي

أنا هادئة خجولة رومنسية عاطفية لطيفة وهو العكس جاف فظ غليظ القلب يهتم بالاشياء التافهة ويترك الاساسية يعني لما نتناقش انا وهو مستحيل نتفق وماتعجبني ارائه هوامه متوفيه لما كان عمره 18 وانا ابوي توفي وانا عمري 5 سنوات

وامي فظة انتقادية فانا تزوجت ادور ع الحب والحنان ومالقيت غير الشدة والاوامر والخيانات كنت كل يوم اكتشف له خيانة انهار واجلس ابكي وكنت اركض وراه اقوله ليش رغم اني اتنازل عن كثير من متطلباتي عشان ماارهقه بالمصاريف رغم انه راتبه حلو

بس انا كان همي يصير عندي بيت واعيش بالايجار طول عمري بعت ذهبي عشانه واي شي اطلبه منه يقولي بعدين خلاص اسكت واجله من ناحية الطبخ هو انسان يحب بطنه كثير مع انو امي ماعلمتني بش عشان ارضيه كنت على طول اتفنن في الطبخات واسال واسوي له

مع هذا كان ينتقد طبخي من اول مرة اسوي الطبخة يقولي مو زينة لات سوينها ثانية وبعضهم مايذوقها ابد من يشوفها قال شكلها مو حلو مابيها اقول ذوقها يمكن تعجبك يقول مابي جاراتي مرات يجيبون هم يذوق بس يقول مو حلوة

الحين انا ماحب اطبخ ابد واذا بطبخ شي اساسي يعني ماسوي طبخات غريبة او جديدة لان ادري اتعب وفي الاخير ماياكله وينتقد بدل مايشجعني ويقول مثل مايقولن باقي الازواج اذا سويتتيها كذا مرة تضبطينها
رغم والله كثير طبخات شويتها من اول مرة زينه بس هو الظاهر يبيها نفس المطاعم العالمية

المهم بعد الحب الكبير والتفاني عشان ارضيه ماكان يرضى الحين كرهته ولا أحب اسولف معه سوالفه ماتعجبني كلهاكذب وسخافة وماعدت اثق باي كلمة منه يعني انا مو مرتاحة معه جنسيا ولا عاطفيا ولا نفسيا ولا بينا اي مشاعر او عواطف وهو كذا مرة قالي لولا العيال ولا كان طلقتك

وانا نفس الشي اللي مجلسني العيال انا اكرهه بس ضغطت على نفسي كثير كثير كنت اقول بضحي عشان عيالي يتربون عند ابوهم بس خلاص وصلت حدي نفسيتي تعبانة يعني متزوجة بالاسم بس مومرتاحة ابد وابي انفصل بس خايفة من المستقبل انا مستفيدة منه في ناحيتين المصروف والتوصيل

مشاركة الاستشارة
الرد على الإستشارة:

حياك الله أختي ؛ وأشكرتواصلك مع الموقع وحرصك على أخذ المشورة .
في البداية أود أن أثني على خطواتك السابقة في التعامل مع الزوج والتي كانت لها الأثر الكبير في التغيير في كثير من الأحيان ولكن لا أريدك أن تيأسي أو تتركي ما كنتِ تتعاملين به ، وتأكدي أن الأمور بإذن الله ستكون للأفضل في مستقبل الأيام وأود أن أوصيك بالآتي :
- لا أرغب بأن تكون علاقتكما يربطها الأبناء فقط ، وإنما أنتما الأصل والأبناء يأتون تبعاً لذلك .
- لا بد من مراعاة الفوارق النفسية والعاطفية بينك وبين زوجك .
- عدم اتهام الزوج وانتقاده لأن ذلك قد يزيد الفجوة بينكما ولا يحل المشكلة .
- الحرص على الأشياء التي يحبها والبعد عن الأشياء التي يكرهها .
- الحوار معه واختيار الوقت المناسب والأسلوب المناسب ، للخروج ببعض الأمور المشتركة بينكما لمعالجة المشكلة .
- تقوية إيمانه بالله عزوجل .
- التجديد في الحياة الزوجية وكسر الروتين .
- لا تأخذين كلامه عنك أو انتقاده لك في بعض الأحيان فربما بسبب تضايقه  وتأكدي أنه يقدرك وحريص عليك .
- محاولة تذكر المواقف الإيجابية التي صدرت منه وتعزيزها في النفس .
- البعد عن تذكر الواقف السلبية لأن ذلك يجعلك في توتر دايم وعدم ارتياح .
- مشاورته والاهتمام برأيه .
- الثناء عليه وقت تحسنه في بعض الأمور وإظهار فرحك بهذا وبيان أثر ذلك عليه .
- دعاء الله عزوجل والالتجاء إليه بصلاحه وأن يكون أفضل مما مضى .
أسأل الله لك السعادة والتوفيق في الدنيا والآخرة .

مقال المشرف

أطفالنا والرؤية

قرابة أربع عشرة سنة تمثل العمر الافتراضي المتبقي لتحقق جميع مؤشرات الرؤية الشاملة التي أطلقتها الممل...

شاركنا الرأي

ما مدى تأثير شبكات التواصل الاجتماعية على الأسرة

استطلاع رأي

ما رأيك في فترة الرد على الأستشارات حالياً ( خلال 5 - 7 أيام )؟

المراسلات