متزوجه من رجل معدد ومحتاره
33
الإستشارة:

السلام عليكم\ياشيخ الله يحفظك احتاج نصيحتك بمايرضي الله\انا سعوديه متزوجه من رجل خليجي وترتيبي الثالثه من اربع زوجات ولديا ولدين وزوجي شاب اكبر مني بعدة سنوات فقط...\مشكلتي طويله ياشيخ ترتبها عليها الانفصال \لكن في اخر الامر اشاروا علي صديقات بالصبر والتفكير بمصير العيال بعد الفراق مع انني الزمته بتامين بيت لنا في بلاده حتى يتربوا الاولاد في بلادهم وقرب ابيهم \فكلمته واتفقت معه على التنازل عن لياليا مقابل ان يستمر بزيارتنا عسان العيال .\فلما وصل للبلاده اوصلنا للبيت وتركنا اسبوع بدون ماان يسال عنا او يطمن علينا ثم بات عندنا ليله فصار يبات ليله كل 3 اسابيع وخلال المده لا يزورنا ولا يسال عنا ولا يتواصل محادثه حتى ، وبعد 3 شهور جعلها ليلتين بدون تحديد الايام ويجعلها احيانا اخر الاسبوع واحيانا نص الاسبوع حسب المناسب له ، مرت الايام ولمن ياثث لنا البيت ماعدا اغراض المطبخ وغرف النوم دون مجالس للجلوس ولا تلفاز للعيال فاشتريت بما عندي تلفاز ولكن لم يكمل تاثيث البيت ولنا الان 5شهور وكل شهر ياجل قبل فتره اكتشفت انه اشترى سياره بي ام دبليوا عشان منصبه في الدوام ولم يفكر يشتري لنا اثاث نجلس عليه اذ اننا نجلس على الارض وزوجته الاولى والثانيه ساكنات في فلل والرابعه في ملحق من فيلة اهلها.\كنت ياشيخ تعبانه نفسيا من الوضع والحزن بسبب قلة المصروف الذي يلزمني فيه ويرفض زيادته 1500وهو.  اتب شغاله في بيت زوجته الاولى لان الثانيه موظفه وانا منع وظيفتي بحجة الاختلاط وانا جامعيه ...\في اخر محادثه تعبت من الوضع لمن قال ساتي نص الاسبوع فقلت لست براضيه اجعل ليلتي اخر الاسبوع حتى تجلس مع العيال من حقهم يعيشون معك اكثر من 3 ساعات مرتين بالشهر طالما نحن زوجين فقال لاترضين وهذا الاتفاق واذا مهو عاجبك تعرفين طريق المحكمه ،زوجي ياشيخ شيخ كبير في بلاده وله مكانته في القاء الدروس في الدين ،فقلت له الاتفاق ملغي وانا اطالبك بكامل حقوقي والا سرحني فقال مهو على كيفك تلغين قلت الا ملغي وانت رجل دين اسرتني بكلمة الله وبما انك غير محسن فسرحني بحكم الله  \انا ضحيت بكل شي بلادي واهلي وحياتي وتغربت لاجل اولادي لكن هذا الرجل ماقدر تضحيتي عشان عيالي ، مايسال عنا اذا راحت ليلتنا ولا يقول هل محتاجين شي او ناقصهم شي ابدا يا شيخ مااشوف شهامة ونخوة اارجاجيل مع اهاليهم؟!!!\والان انا في حيره هل قراري صحيح؟هل انا اظلم اولادي بانفصالي ام الظلم هو الاستمرار في هذا العذاب النفسي ،حاولت احافظ على بيتي بس الزوج مكتفي وهو الان متردد في الانفصال بسبب تكاليف النفقه والحضانه التي ستلزمه المحكمه بذالك ويقول لي انت متبعه لهواك والا ففعلي جا موافق لفعل النبي من امساكه لام المومنين بدون ليالي وانا اعطيتك ليالي ، وانا لا اعترض على حكم الله لكن تعبت مش متقبله الوضع انا في عز شبابي وجميله وبنت اصل ونسب مهو ظلم اعيش هالوضع وانحرم من زهرة شبابي عشان تربية عيالي الي اكتشفت ان الاب مايفكر فيها لانه ان كان يفكر كان اعطاني لو ليله في الاسبوع عشانهم \للمعلومه ياشيخ عيالي مايعرفون ابوهم ولا يشتاقون له الا اذا دخل عليهم اقبلوا اليه يلعبون معه لان معظم سنين عمرهم قضوها بين خوالهم واجدادهم في السعوديه. \شور علي ارجوك ماابغى اظلم احد بس ابغى استقر واعيش براحة بال انا وعيالي

مشاركة الاستشارة
يوليو 27, 2018, 03:13:01 مسائاً
الرد على الإستشارة:

وعليكم السلام ورحمة الله وبركاته ، أختي الكريمة ؛نصيحتي لك إلزمي الصبر والاستغفار والدعاء في أوقات الاستجابة فكما قلت زوجك راعي دين ويخاف الله لكن غافل عن بعض الأمور كالعدل بين الزوجات ولاسيما أنت غير موظفة أين تضيعين أبناءك وتبعديهم عن أبيهم وهم في ذمته والمحكمة تلزمه بالنفقة لك ولهم ؟! ونتابع معك حالتك الشهر القادم أو حسب ماتطلبته حالتك،
                                          والله ولي التوفيق .

مقال المشرف

عشرون خطوة في التربية

الثمرة ابنة الغرس، وجودتها ابنة التعهد والرعاية، وهو الشأن مع أولادنا، ومن أجل ذلك أضع بين أيدي الم...

شاركنا الرأي

ما مدى تأثير شبكات التواصل الاجتماعية على الأسرة

استطلاع رأي

ما رأيك في فترة الرد على الأستشارات حالياً ( خلال 5 - 7 أيام )؟

المراسلات