الاستشارة:

انا عندى 24 سنه بدأت الاحظ عصبيتى من سنين من بعد تالته ثانوى انا فى الثانويه العامه كنت متعلقه بصديقه ليا جدا فوق الوصف كنت معتبرها اختى وأجرى عليها دايما خدنا كذا وكذا ولكن هى مكنتش بتحبنى فى الفتره دى وكانت عايزه تتجنبنى فهمت الكلام ده مؤخرا بتروح دروس من ورايا ومش بتقولى على اى حاجه بعرف من أصحابنا التانين ايه يا بنتى ما كلنا متفقين وانا عرفت صدفه معاد الدرس ده خدت موقف آخر كام شهر فى الثانويه وبطلت اتكلم معاها جينا ساعه امتحان الكيمياء كانت بتعيط معرفتش تحل حضنتها وبتاع وروحنا مع بعض بشوف بسبب الغباء ده مركزتش فى اخر امتحان وكان الجيولوجيا من كتر التفكير ليله امتحان الجيولوجيا فى الموقف ده ويعتبر يدوب نقصت كتير جايبه فى التوتل 91,5 لكن الجيولوجيا لوحدها 5 فى المئه مع انى كنت مذاكرها ليل نهار ولكن فقدت القدره على التركيز دى اول صدمه تانى صدمه اختيار الكليه كنت عاجزه عن كل شىء مكنتش عارفه اختار دخلت معهد فنى صحى بابا ربط الموضوع بالجواز ولا احسن يجيلى حد كويس بس علشان فى المعهد محدش يجيلك طبعا ده يسمى المعهد بس بنطلع نشتغل منه تبع الحكومه مش زى باقى الكليات ما انا محصلتش كليه قمه واخويا الكبير معيد راح قال أنا اللى هيدخل البتاع ده انا مبترى منه اللى هو انا بدأت انا اعيط عامه كنت طفله كل يوم تقريبا على حالى وماما بعد ما أقنعها خالى ماما ملهاش شخصيه أقنعها انى هاقبض وده احسن من الكليه راحت نزلت بنته الصغيره قالتله يعنى كدا حبيبه أسمى حبيبه فى البيت هتبقى ممرضه يا عمتو جات ماما مدايقه من الكلمه دى وخلت واحد من اخواتى يحولى حولولى إلى تربيه المهم كنت متفقه مع بابا على تربيه كيميا انا كنت شاطره جدا فى الكيما روحت لقيت اتنين اصحابى واحده اوى والتانيه مش اوى هنا فى البلد بس هيدخلوا.تربيه انجليزى روحت داخله معاهم بغبائى علشان معرفش حد قال ودخلت انجليزى انا شاطره ولكن الاكسنت بتاعتى والاستماع مش احس حاجه المهم الاربع سنين قضيتهم عياط وقرف ورعب من الدكاتره مستمتعش يوم وانا خايفه أسقط انا خايفه من الفشل ومش عارفه ليه الخوف ده كله ليه اصلا وانا بدل الرعب اللى كنت عايشه فيه اربع سنين لو كنت سقطت كان أحسن من الرعب والخوف والتوتر والقلق المهم فى يوم من الايام وانا فى سنه اولى الكليه روحت لقيت ماما تعبانه جدا وتقريبا داخله على جلطه بس كله قاعد ساكت قعدت اعيط وازعق خدها بابا علشان يكشفلها ماما زى ما كنت مرحه وبتحب الحياه وفرفرفوشه بعد اللى حصل ده بقيت زى اللى انطفى كدا وانا اصلا متعلقه بيها جدا بعدين بقيت اروح الكليه كل ده وانا فى سنه اولى قاعده مرعوبه على اعصابى احسن ماما تموت بفكر فى كدا طول الوقت طول الوقت مش عارفه استمتع بأى شىء كنت بعيط على طول الفون لو كان يرن كنت اترعب مره اخويا رن عليا وانا فى المحاضره كان عايزانى فى حاجه عاديه بس انا معرفتش ارن وانا فى المحاضره لا بركز ولا يفهم اى حاجه فى الوقت ده غير فيه هيقولى ماما ماتت واقعد ارسم سنيور فى خالى من الخوف واقعد على قلبى كدا مره سنه وجيت سنه تانيه زى ما اكون كبرت كدا بدأت العرسان تجيلى وينهار دى على اسوء مرحله كمان مريت بيها على اعصابى طول الوقت يبقى الشخص مش مناسب لا كليه ولا فكريا وماما عايزه تجوزنى وتقولى انتى بتتمدى زى الدوده وهتقطع يجى واحد معاه دبلوم موافقه يجى ممرض موافقه اى حاجه تيجى توافق وتقولى معاه بيت يعنى هاقعد فى الشارع مثلا كنت بعيط ليل نهار اصبحت هشه ضعيفه وبتعصب من اقل حاجه وارد على ماما لا عارفه أكسبها ولا عارفه أراضيها كل ده يدوب كان عندى 20 داخله على 21 اضربلها امثله انى معايا صحبت الفلانيه موافقتش غير لما جاله حد كويس متبصيش على حد طيب انا مش عارفه ناقصنى ايه بتعاملينى كدا ليه طيب انا شكلى حلو وكليتى حلوه واهلى ناس غلابه وكويسين وأخواتى مؤهلات عليا يعنى بس اللى فى تربيه لكن هما يعتبروا كلهم مهندسين المهم خالى كان مأثر عليها بطريقه غريبه كانت بتسمع كلامه ليل نهار بتك قاعده محدش جايلها مش موافقين ليه على فلان بنتك بتحب حد طيب فى حد مستنياه مالها مش بتوافق عليه وانا السبب بالنسبه ليا كان مش مناسب وماما كانت مكتئبه جدا منعرفش ايه السبب برضو لا بتتكلم ولا قادره تعمل اى حاجه زى ما بقول لحضرتك كدا المهم دخلت المستشفى فى مره ومره تانيه كنا بنتكلم فى الزفت موضوع الجوار فقعدت تقولى انتى عامله زى الدوده مالك ولا مال بنت خالك طب هما دكاتره هتقارنىونفسك بيهم وانا بس بضرب مثال انى زى زى اى بنت ولدينا صاحبتى نفس الكليه ويدوب عليتنا متوسطه زى بعض ومخطوبه لمهندس اهو تقولى انت مالك شدينا فى الكلام مش فاكره بالظبط المهم هى توهت ونسيت كل حاجه ومبقتش مدركه بأى حاجه اتصلت بخالتى دكتوره قالتلى سببها واطفى النور كنت لوحدى فى البيت حالى إسهال وترجيع من الخوف فى وقت واحد بعمل حمام وارجع وقعدت اصلى الليل كله اصحى الأقى ماما كويسه بابا كان تحت نزلته طلع شافه وقالى متقعديش معاه ركزى فى مذاكرتك يا بتى اهم حاجه عند بابا التعليم بالفعل نمت فى اوضه تانيه صحيت تانى يوم مش فاكره اى حاجه من كلامنا ولا حركاتها وتصرفاتها انا بدأت أحس واعرف انها فيها حاجه غريبه ده مش السكر اصلا بس كل ما افتكر الموقف يحصلى اللى بيحصل ده من الخوف حكت خالتى لخالى جه وشافها تانى يوم ولاقيها كويسه وقعد يتهمنى انى كله ده بسبب قالى علشان مش مفرحها ومش راضيه اتجوز طب هو انا جالى حد مناسب طيب وانا اللى مش موافقه  سكت وكنت من حين لحين بفرجها على هاله سمير على أساس بنختار الخاطب والكلام ده تقولى ماشى واول ما يجى حد انا اعيط والمشاكل اللى ما بينا ونتخاصم لحد ما اتخرجت قعدت أجرى يمين وشمال علشان ادور على شغل لقيت مدرسه خاصه قبلتنى على طول بعد التخرج اشتغلت بالبطاقه هنا فى البلد اللى انا فيها عايزه اقول لحضرتك اشتغلت فى آخر تسعه خالى كان يجى لماما يقولها بتك اديلها سنه شغاله ومفيش حد جايلها ولا حد شايفها ابعت لفلان يجيلها وخلاص واحد كان متقدملى انا كنت رافضه علشان شكله مش عاجبنى ي بعتوله قال حاسه انى معنسه مش لسه يدوب متخرجه اخواتى كانوا بيتكلموا معاها كتير فسكت وردت على خالى قالتله لا هى مش عايزاه والمهم اخويا برضو الكبير مكنش ليوافق على الناس اللى بتجيلى جالى واحد كويس كنت مبسوطه انا وماما وقعدت رؤيه شرعيه معاه وبابا مش يقول لا مش عاجبنى لا قاعد ساكت وفضلت لاطعاه الولد يمكن 20يوم قال بنسأل قال واتاريه مش موافق هو اخويا بس لما انا موافقه مش عايزين يقولوا المهم رفضه بابا واستعوضت ربنا وسكت جه جوزى ده انبهر بجمالى زى ما بيقولى فى شهر 12 فى أوله اتخطبت كان آحر ال 22 كدا نزلت الرؤيه الشرعيه بالعافيه قالى بابا لو منزلتيش هزعل منك نزلت على غير عادتى يعنى مش مبسوطه ولا حاجه ولا اتكلمت ولا هو اتكلم بابا اللى كان بيحكى مع اخواته بعدين اتاريه عجبته جه الخميس سبحان الله بابا سأل فى نفس اليوم الأحد جه شرط وهو مسافر الكويت قاله خالى هتاخدها قاله اه بس تشتغل انا مش هاقدر افتح بيت هناك وانا شغال وسكت بابا قاله أيوه وماله ما تشتغل اتخطبت جبت الشبكه الاثنين الخطوبه كانت الجمعه مشفتش اسرع من كدا فى حياتى وكان عايز يجوز خلال شهر بس انا رفضت قولت لما ينزل علشان اكون اتعرفت عليه اكتر فى الشهر ده اللى اتخطبت فيه مصدرش منه حاجه تدايقنى وانا كنت متحفظه بضوابط الخطوبه وكان اهتمام ايه منه ميتوصفش والله مشوفتش اهتمام فى حياتى كلها زى ما هو كان مهتم بابا مش معودنى على الاهتمام كدا المهم باباه مات وهو مسافر بدأ يبان عليه الاكتئاب فضلت كل يوم معاه لأننا كنا كتبنا مش كل يوم كل ساعه تقريبا لحد ما نزل وكنت هتموت ويجبلى هديه فى اى مناسبه العيد فطر والاضحى كنا كتبنا كان بيبعت فلوس مع اخواته وخلاص  وانا كنت هتموت على بوكس زى البنات ورد اى هديه شيك بتيجى على زى ما بشوف المهم نزلنا واتجوزنا وكنا فى الاخر كان بينا خلافات كان مواعدنى هفسحك هاعمل واسوى قعد معايا تلت شهور ونص الانيل من ده كله كان يبقى معايا ولاقيه بعدها منزل بوست بيفتكر باباه طب دحنا لسه مكملناش حاجه احترم مشاعرى انا انسانه يجى حد يوزنا انا هفسح حبيبه هوديها الغردقه هوديها شرم مرحتش اى مكان غير عند ماما مره فى الأسبوع وكان بيحسبها خروجه ولا حتى روحت المحافظة اتفسح ولا اى حاجه كنت بأكل فى نفسى واتخانق معاه يقولى الفلوس قصرت وانتى حامل بعدين كل حاجه انتى حامل بس سافر علشان الاختصار وانا شايله جوايا منه طب هات فانوس رمضان داخل طب هات هديه عيد ميلاد ى مفيش هو مصروفى وبس على كدا جه خلال فتره الحمل طلعت حامل فى بنت منغوليه 💔💔💔💔 تقولى يارب كنت ناقصه كنت بدعى يارب اعمل الخير وفضلت مقاومه وسألته وانا عارفه الطفله اللى جايه منغوليه ولا حتى الحمل فرحت بيه والله كانت ايام من التعب ما يعلم بيها ربنا لحد ما ربنا فرجها عليا رايحه اكشف كنت فى السابع وانا من الخامس عرفت كدا وكانت الفرحه مش سيعانى انها بنت وهتشاركنى تفاصيل حياتى المهم رايحه اكشف يمكن ربنا يبدل الحال والوضع يتحسن والدنيا تتغير قالى الطفل مات وانتى لازم تتحول للمستشفى علشان تنزله بنفس راضيه قولت الحمدلله لما هو بيبقى سليم والواحد بيعافر علشان يربى انا اللى جوزى مسافر وابويا وامى كبار فى السن هيعيشوا اليوم كله يجروا عليا حمدت ربنا وقولت دعوه عرفه ربنا استجاب ليها وعمل الخير وانا والله مكنتش محدد بقول الخير لو فيها خير تقعد لو ملهاش يارب ارحمنى كل يوم فى الشهرين دول عياط وحالتى النفسيه وحشه اتحجزت قعدت خمس ايام فى المستشفى من الرعب كان معايا ماما برضو مليش حد فى الدنيا غيرها مع العلم انا اتجوزت وحملت وماما برضو زى ما هى طلعت مريضه ودلوقتى بتتعالج عند دكتور المهم جوزى مش يتصل فى الغربه يرن قال على أخته لما تروح وعلياء عامله ايه طب فونى اتشل ما ترن عليا والزعل والدنيا هو وأمه على البت والعياط على بته وأمه برضو طب ده مش احسن من اننا نجيب طفل معاق ولا يقولى كلمه حلوه شلت جامد منه فوق ما تتخيل بعد ما طلعت من المستشفى انا كنت عايزه أطلق اصلا بسبب الموقف ده حكايتى دلوقتى هو شغله مش تمام اديله 8 شهور مسافر مكناش شغال يعتبر لسه مستلم شغل ولما يرزق بعد كام شهر هيبقى يبعتلى أو معاه سنه من الوقت اللى باعتها فيه المسج لحد ما ينزل فين فى كل ده انا خناقاتى كله معاه اللى مخلاينى عصبيه طيب اتصل بحد من أعلى يجبلى هديه فى اى مناسبه مرت عليا فى الشهور دى مفيش واقعد أقوله نفسى فى كذا فى العيد مش معايا فلوس طب حاجه بسيطه طب هاتلى عروسه المولد آخر حاجه كل حاجه لما أنزل وهو لما بينزل بينام مش بيرن عليا خالص عدغير بعد ما يروح من شغله من ساعه ما سافر ولا عايز يعرف اى حاجه غير انى كله تمام وزى الفل ولا بيخصصلى وقت اتكلم معاه ولا اى حاجه على طول سلام لو بيكلمنى عشر دقائق من الدقيقه التلاته بيقولى سلام وانا اقعد أقوله خليه شويه المهم انا تعبت من قله الاهتمام حاسه يوم ما اختارت اخترت برضو واحد غلط قليل الكلام ولا بيجيلى هدايا من اللى نفسى فيه واكنتى قاعده مع نفسى طول الوقت وهما كانوا فرحانين بيه هياخدك كل ما أقوله هتاخدنى امتى يقولى بعد كام سنه مقدرتش اصطحب عيله دلوقتى وانا اديلى 8 شهور من ساعه ما سافر ولسه هاقعد سنه تانى يرضى مين ده ما اشوفك جوزى ولا اى حق ليا باخده كزوجه اهم حاجه عنده الخلفيه وبس طيب وانا يعم مش هتنزل اسأل باللون خصص ساعه او نص يوم يوميا انا اللى بجرى وراه طول الوقت من ساعه ما سافر بعد ما اتجوزنا واعاتب مفيش فايده بدل المره مليون بعدين امبارح قررت ارد على الكلمه معاه بالكد يمكن يحس باللى بيعمله راح قالى كلام ماله ناشف قولت لا مش ناشف راح قالى طيب سلام بدل ما يقولى مالك متغيره مش على عادتك السكوت ده مفيش حرفيا تعبت منه اول ما اقول عايزه انفصل يطلعوا فيا ابويا وامى زيك زى الناس ما كله جوز مسافر أكنته مش موجود واتنيلى عيشى حياتك ولا ترنى ولا تكلميه غير لما هو يرن أتى قعدت شهر ميرنش معرفش ايه حكايته ولا بيتكلم ولا اى حاجه مع اننا فى الخطوبه وفتره كنب الكتاب كان كل شويه يسأل عليا بس ومش متقابلين منى اى حاجه اخلى ويقولى دى بطيختك وارضى هى الناس مش بتتجوز علشان تلاقى اقل حاجه الونس انا طيب فين يقولى هنزل شهر بعد سنه وابعتلك يعنى تلت سنين مش مكمله ست شهور اشوفه فيه طيب مقابل ده ابعت هدايا ابعت كلام حلو اى حاجه بدل ما انا اللى بجرى عليك على طول مش طايق نفسه وقرفان مش عارفه دى فتره وهتعدى ودى لا دى حياتى ولا ايه يقولولى بابا وماما كان قدامك مخدتيش ليه واحد.هنا طيب يا حتى كنت فاكره هسافره معاه طيب واحنا برضو كنا فاكرين زيك لكن انت لازم ترضى دلوقت وتسكتى اديكى قاعده معانا هنعملك ايه يكش تحملى وتخلفى وتقعدى بعيالك بعد ما نموت وخلاص على كدا عايزه الناس تمسك سيرتنا لما تيجى مننا مش زى ما تيجى منه هو أن كان عايز يسيبك اصل بيقولى انى تخينه ومش هنزل غير لما تخسى طيب ما طبيعى اتخن قعدتنى من الشغل علشان انت جاى من السفر وقولت ده مش حاجه تبع الحكومه وحملت ويعتبر كانت ولاده هتكون ايه يعنى ما طبيعى هاكون ضربت قعد يقولى خايف عليكى احسن تتعيى زى ماما ومتبقيش قادره تمشى بعد كدا وانا الخوف والرعب ملاينى قلبى من ناحيته بقيت اخر اهتماماتك وانت مسافر لو جبت سيرت حد من أهله ممكن يأكلنى اكل واشتكيت من حاجه يطلع غلطانه فبسكت بقيت وغير كدا بتقولى وانا تخينه من اول عيل اومال بعدين هيقولى ايه طيب قعد يعتذر ساعتها بس برضو يغلس عليا ويقولى حدودك هل اللى فصلت مش انا انا دلوقتى بخس مش عشانه علشان نفسى وعلشان المسابقه مقدمه على شغل طول الوقت بدعى يارب متحوجنيش لحد خايفه منه لو سابنى فى اى لحظه هروح فين بعد ما بابا وماما يموتوا وانا مش معايا اى حاجه لا شغل وميله ولا قادره استحمل ضغط سفره وقله اهتمامه فى مقابل به هو بيصرف كويس وسايبنى اهو قاعده عند أعلى وانا مسافره وشايف نفسه بيعدلى كتير العصبيه والهيل اللى بيطلع منى انا حالتى دى ايه محتاجه اعمل ايه. علشان أطور من نفسى على طول عندى احباط ويأس انى مش هوصل كل ما ببدأ فى حاجه مش يكملها من اليأس واعمل ايه فى نفسى وأبطل اخاف ازاى والتوتر والقلق وابقى على طول بفكر بالسلب وخايفه من بكرا خايفه يحصل كذا كذا خايفه بابا وماما يسبونا مليش حد غيرهم اطمنت شويه صغيرين لما اتجوزت لقيت حد تانى غير بابا وماما بس رجعت اخاف تانى واكتر من الاول لما هو مسافر عليا كل حاجه ولا فيه مشاركه وقت حزن ولا وقت فرح وعايزن ينزل كل شهر اجازه فى السنه اكنته عريس وخلاص ملهوش دعوه بحاجه يقعد قولى اتصرفى انتى مع نفسك مره واتنين وتلاتهولما يغلب حمارك ابقى قولى يا فلان طب انا متجوزهوليع مش علشان اتونس مش عارفه اعمل ايه كليه بختار غلط عريس اختيار غلط طب كان عقلى فين وانا باخد واحد مسافر ودى شكل حياتى كان فين عقلى ساعتها طيب يقولولى. اش دراكى بطيختك التانيه هتبقى كويسه اقعدى واسكتى وقولى الحمدلله وانا مش قادره استحمل يوم فيه اربعه وعشرين ساعه يكلمنى فيه دقيقتين تلاته خمسه لو ايه نص ساعه نصها بيقول سلام

اعمل ايه وانصرف ازاى فى حياتى وأبطل عياط وخوف وتوتر وقلق عمرى هيخلص وانا خايفه وبعيط