المستشار - فهم خطيبتي من بعض مواقفها

فهم خطيبتي من بعض مواقفها

الاستشارة:

السلام عليكم ورحمة الله وبركاته

خاطب بقالي أقل من شهر

انا وهي نفس السن عندنا ٢٦ سنة وانا وهي بنسمع دورات مختلفة عن التأهيل الزواجي زي الشيخ عبدالرحمن منصور

وعندي استشارة مش قادر أحدد إذا كانت خطيبتي عندية وعصبية وإندفاعية ولا لا

هنقل لحضرتك بعض رسائلها معايا ومع أختي

» الصراحة ساعات بندفع او بتعصب شوية

يعنى لما الشخصية اللى قدامى بتعمل حاجة انا قولت عليها كذا مرة مش بحبها تصرف يعنى

او يحاول يستفزنى فممكن اضايق واتعصب شوية واوقات لا بس حاليا بفضل الله الموضوع بقى اقل

» فى ترتيب شىء فى البيت او المطبخ مثلا انا ببقى عايزة احط شىء معين فى مكان معين عشان دة بيريحنى فى التنضيف مثلا او اعمل حاجة معينة وشايفة كدة افضل

وهم مش بيرضو بيشوفوا ان فى مكان تانى افضل فالصراحة بحطه فى المكان اللى مريحنى اكتر فأهلي بيشوفوه عند

دائما تذكر كلمة العصبية في كلامها

أول يوم شافت أختي فيه فضلوا في القاعدة يتكلموا على أختي شوية

راحت اختي بتقول كفايا كلام عليا بقا خلينا في العروسة ف راحت ردت على اختي تقولها بس يابت ملكيش دعوة بيا (بهزار)

تعامل بينها وبين أختي على الواتس بتقول لأختي احكيلي عن الزواج أهرب صح ف اختي بتقولها أقولك ايه وبتهزر وكدا خطيبتي ردت تقولها طب اتكلي على الله خلاص علشان هعمل بلوك

- وده أول كام رسالة لسه بيتكلموا فيها على الواتس

إتحكى قدام خطيبتي موقف لحد تصرف بدونية شديدة ف قالت انا الناس ده ببقا عايزة أعجينها

قولتلها يظهر أن زعلك صعب حد قالك كدا قبل كدا

قالتلي اه حد قالي قبل كدا قبل كدا بس بيبقا حسب الموقف بيكون زعلي

وأخوها برده لمحلي قبل كدا بالكلام بحاجة زي كدا

رأي والدتي واختي

» البنت قاعدتها ثقيلة وشكلها عصبية

» مش بتعرف تعبر عن مشاعرها كويس ف بتقول كلام يتفهم غلط

ف حضرتك شايف ايه من المواقف ده هل نقدر نحدد

مشاركة الاستشارة

المستشار:

عبدالله بن خالد بن عبدالله بورسيس

17, سبتمسائاًبر, 2026 ,09:49 صباحاً

الرد على الاستشارة:

وعليكم السلام ورحمة الله وبركاته

وأشكرك أخي الكريم ؛ على ثقتك في موقع المستشار لمساعدتك في حل مشكلتك.

أخي الكريم ؛ من خلال عرضك للمشكلة يتبين أنك تبحث عن وجود صفة لدى الزوجة أنها سريعة الغضب والانفعال، وهل يمكن الحكم عليها من خلال المواقف العادية أو الرسائل العابرة أو الكلام عن الأحداث السابقة..!!؟؟، وهذا أمر لا يظهر إلا في المواقف الصادمة أو التي فيها ضغط عالي، فيتبين رد فعل الإنسان.

والأفضل أن يكون السؤال عن طريقة التعامل مع مثل هذه الشخصية لتخفيف حدة الانفعال وسرعة الغضب، لأن الإنسان يستطيع تعديل السلوكيات غير الجيدة في شخصيته، كما قال الله تعالى: ( ونفس وما سواها * فألهمها فجورها وتقواه * قد أفلح من زكاها * وقد خاب من دساها )، وجاء في الحديث: " إِنَّما العلمُ بِالتَّعَلُّمِ، و إِنَّما الحِلْمُ بِالتَّحَلُّمِ، و مَنْ يَتَحَرَّ الخَيْرَ يُعْطَهُ، و مَنْ يَتَّقِ الشَّرَّ يُوقَهُ" .

ولو افترضنا أننا حكمنا على الزوجة بسرعة الغضب والانفعال، فعلينا أن نبحث عما يعين على تغيير هذه الصفة، ومما يعين على تغيير صفة الغضب والعصبية وسرعة الانفعال في شخصية الإنسان، أن يتأمل وصية النبي -صلى الله عليه وسلم- فيمن طلب منه الوصية فقال للنَّبيِّ -صلَّى اللهُ عليه وسلَّم-: (( أوصِني، قال: لا تَغضَبْ. فرَدَّدَ مِرارًا، قال: لا تَغضَبْ )) .

وفي حديث آخر قال -صلى الله عليه وسلم-: ))ليسَ الشَّديدُ بالصُّرَعَةِ ، إنَّما الشَّديدُ الَّذي يملِكُ نفسَه عندَ الغَضبِ )) .

أسأل الله لكما التوفيق والسعادة في الدنيا والآخرة .

وصلى الله وسلم على نبينا محمد وعلى آله وصحبه وسلم .

مقال المشرف