الاستشارة:

الحمد لله رب العالمين.. 

والصلاة والسلام على رسول الله صلى الله عليه وسلم.. 

.. أما بعد.. 

فاانا متزوج من أكثر من ٢٠ سنه ولله الحمد وعند اولاد وبنات لكن زوجتي بعد هذي العشره الطويله حدث خلاف بيننا على ٤١ ريال قامة وزعلت وتحسبت على تركتها يومين او ثلاثه وبعدين حاولات اني اكلمها عشان نتصالح لكن قالت لي انا ما ابغى ارضى والي بيني وبينك بس الاولاد انا ما ابغى اتطلق بس الي يربطنا وجود أولادنا وبس  وصارت اذا حبت تغير ملابسها تروح غرفه ثانيه واذا جات تنام معاي على السرير تعطيني ظهرها واذا التفتت وهي نايمه وحست غطة وجهها او لفت للجهه الثانيه وما تدخل الغرفه الا اذا تأكدت اني نمت واذا جاها النوم وانا صاحي تنام في الصاله وبعد ما انام تدخل غرفة النوم .. واذا سوت فطور أو غدا تقول للعيال نادوا ابوكم ( مع انها قبل الزعل هي الي كانت تناديني ) تتجاهلني لما اكلمها واذا ردت علي ما تطالعني وتودي نظرها لجهه ثانيه.. تركتها شهر وبعدين تذكرة ان العشره بالمعروف ورجعت احاول اتفاهم معاها واذكرها بالله .. لكن هذي المره انفجرت وجابت لي اشياء صارة بيننا قديمه ومن ضمنها انت خليتني ابيع ذهبي وانت سويت في بتي وانت سويت في ابني وانت.. وانت .. وانا ساكت ومستغرب لأنها قالت المفروض ما اقعد لك ممن ذيك الايام اتطلق وانا عندي طفل او اثنين وما استمر معاك انا ضيعت وقتي معاك انت لو تعزني كان اثثت بيتنا.. انت لو تعزني تعطيني مصروف شهري ( مع العلم اني ساكن في شقه ملك) وانا والله ما اغلى عليها شي بس ظروفي الماديه صعبه.. ( لي الان ٦ سنوات ما عندي دخل ثابت) لكن والله يمر عيد وبعده عيد ما بالغ لو اقول لكم تمر على ٦ او ٧ أعياد ما اشتري لنفسي كسوه للعيد لكن هي واولادنا ما البسهم الا جديد..  لكن الآن الوضع تغير وما اقول الا الحمد لله الذي لا يحمد على مكروه سواه .. فكرة اكلم احد من أهلها لكن اعرف ان ابوها ينام بغرفه وامها بغرفه عندهم بنت معا أطفالها زوجها طلقها للمره الثانيه وردها بس الي الان بسبب ظروفه هي جالسه عند اهلها وهو جالس عند أهله.. لها اخت زوجها ينام في المجلس وهي تنام بعيد عنه بغرفتها ومقلله من قدره وقيمته قدام أولاده.. لها اخ هو في بلد وزوجته وأولاده في بلد يزورهم سنوياً وأكثر مده يقعدها مع عياله ٥٠ يوم .. لها اخت متزوجه لكن ما تتقابل مع زوجها الافي عطلة نهايه الأسبوع لان هي دوامها في النهار وهو دوامه في الليل .. لها اخ متزوج وعنده اولاد بس اذا احد من اخوانها او اعمامها او عيال اعمامها تزاعل مع احد من اخوان زوجها او خواته او اي احد منطرفه زعلت وشالة قشها وراحت بيت أهلها لين يتم الصلح بين المتخاصمين .. لها خاله في سنها متزوجه من رجل يكبرها ب١٥ سنه من يوم تقاعد وهو تارك لها الحبل على الغارب  ما يسالها وين رايحه ولا وين جايه وهي تتأثر بها احيانا  .. احيانا اتسائل هل يعقل انهم اثروا عليها او تاثرة بحياتهم؟ وتسهر يوميا على المسلسلات التركيه .. 

انا في حيره ولا انا عارف ايش اسوي لاني احس ان بيتنا وعلاقتنا زي القنبله الموقوته يمكن تنفجر في اي لحظه ويتشتت بيتنا.. 

جزاكم الله خير تقدرون تفيدوني كيف بعد توفيق الله ارجع علاقتنا واحافظ على بيتنا؟