أشعر أنى أغرق
136
الاستشارة:

اسفة جداً ان هطول عليكوا بس دى مشكلة عند احد الاعضاء وحابة ان اشاركوا فيها وناخد الاراء واتمنى تكون الاراء ايجايبة نظراً للحالة اللى بيمر بيها الشخص😇🤌

السلام عليكم ورحمة الله وبركاته

انا لما كان عندي 15 سنه اتجوزته انا كنت ابيضّ يا ورد كنت فاكره الدنيا زي ما كنت بشوفها فى التلفزيون حب وطيبه علشان انا مكنتش بخرج ابويا بيخاف علينا جامد اوى حتة المدرسه بتاعتى كانت بنات بس كنت بتكسف من خيالى وعمرى ما اتعاملت مع الجنس الاخر خالص هو اتقدم ابوه هو الى شافنى وجه اتقدم وانا مكنتش موافقه علشان الموضوع ده مكنش فى دماغى اصلا وقولت ياما بس المجتمع الى عايشه فبه تفكيرهم متخلف قعدت معاه تلات سنين خطوبه كانت معاملته معايا حلوه كان بيغير عليا بطريقه جامده وكان يقولى كلام حلو ووقتها كانوا لسه بيبنوا قصادنا كل لما كان يجى لازم يرن عليا ويبقى عايز يشوفنى كنت بحسه بيحبنى وانا اصلا بطبيعتى شخصيه رومانسبه جامد اوى

وكنت بقى عايشه فى عالم الاحلام بس مكننش بحبه علشان اتجوزته غصب عنى وكنت عامله زي القطه العاميه مش فاهمه حاجه خالص فى الجواز والحياه اطلقت منه بعد خمس شهور اكتشفت انه ابن امه بطريقه غبيه وكمان ابوه اتوفى فى فتره الخطوبه وامه كانت عايزه تسيطر عليه هى وخالته خالته متجوزه عمه وحرفيا انا اتصدمت ان فيه ناس كده حقيقى لانهم طلعوا بيشخروا ويسبوا عكسى خالص وهو كان عاجبه الجو ده قوى جو الشخير والستات السيطرة دى وامه وخالته وهما بيسبوا بالدين عادى واكتشفت حتى العلاقه الجنسيه الى بتحصل ما بينا بينزل يقولهالها كنت بستغربهم علشان والله العظيم عمرى ما عملت فيهم حاجه وحشه ابدا وخالته كانت بتتريق عليا دايما وتحرق دمى وانا اصلا حساسه جدا هى وجوزها وهو مهما امه او خالته او عمه يعملوا فيا عمره ما دافع عنى بس انا كنت ساعات بحس انه بيحبنى بجد بس مش عارف يتخلص من قيود امه وخالته

حصل فى مره خناق بينى وبينه وروحت عند امى وخالته كانت موجوده الوقت ده فى البيت عند امه تحت انا نزلت وطلعت برا ودخلت بيت ماما بقي خالص داخله البيت عندنا تزعق لامى وان محدش بيعملى حاجه ولقيتها بتقول عليا مش متربيه ومش محترمه وانا الناس كلها بتحلف بأدبى وأخلاقى لحد دلوقتي هى شخرت ياما امى معملتش حاجه غير انها قفلت فى وشها الباب وخالته وامه فرجوا عليا انا وامى الشارع كله شخير وسب دين بأبشع الالفاظ وبعد كده راحت قالتله انى محترمتهوش علشان خرجت من غير اذنه وهو قال انى مش مريحاه

وبعدين بقى فضلوا كده شويه وعملوا معاد وواحد جارنا شهد على كل الى حصل وسمعت ان جوزها ضربها والناس كلها غلطتها وهو حاول يرجعلى كتيره بس انا كنت مرعوبه ومصدومه من الى حصل فيا خصوصا انه مدافعش عنى لا انا ولا اهلى مع ان والدى هو الى شال كل حاجه حرفيا وكان راجل محترم جدا معاهم بشهاده الكل وامه بقى بقت عماله تشحنه وانى لو كنت بحبه كنت رجعتله وهو بيسمع للنسوان جامد اوى وامه بقت عايزه تجوزه قبلى وبقت تدورله على عروسه زي المجنونه ومحدش رضى بيه هنا خد واحده اكبر منه ووحشه ومكنش عايزها حتى عمه قاله انت مش راجل وامك هتضيعك واتجوز قبل ما يحصل طلاق رسمى وشوفته يوم عفشه كان بيصقف بغل رهيب هو كان عايز ارجعله بس هو من النوع الكياد جدا ومع ان مراته دى مش حلوه خالص بس يوم ما كانوا بينزلوا حاجتى خالته وامه سرقوا حاجات ياما اوى من حاجتى والناس كلها عارفه وانا مش مسامحه ابدا فى حقى ابدا وانا كمان مخلفتش منه خالص حتى بعد ما اتجوزت شخث تانى غصب برضوا اهلى غصبوا عليا اتجوزه قعدت معاه سنتين واطلقت ولما رجعت طليقى الاول ده واهله شمتوا فيا جامد اوى اوى خصوصا انه خلف بس هو كسر لمراته شبكه عنيها وبيكرشها قدام الباب لحد الساعه سبعه الصبح وكانت عامله فيه محضر وبيسبها لامه تبهدلها

انا مش عارفه اتخطى عدى على الموضوع سنين مش عارفه اتخطى خالص لما اسمع صوتهم بحس انه بهدلنى ووجعنى وحياته مستقره وانا لأ

مراته وامه حتى مرات اخوه كل لما يشوفونى او يشوفوا حد من طرفى يفضلوا يبحلقوا ويتوشوشوا ياما

هما اقل منى فى الشكل والادب والاحترام والنسب والجمال والتعليم هما شبهم كده حتى من فتره قريبه هو وامه فضحوا عرض واحده قريبتهم وبهدلوها هى وابوها فى الشارع وام البنت بتدعى عليهم وانا كمان والله العظيم بدعى عليهم كل وقت وكل حين ومش عارفه اسامحهم نهائى مهما احاول مش عارفه

وبحس انهم احسن منى معرفش ليه وبحس ان الدنيا مش عايزه الى زيي انا مكنتش طالبه حاجه والله العظيم غير انى احب واتحب بس ملقتش ده انا فى الشكل جميله بس معنديش ثقه ولا استحقاق معرفش ليه تعرفى ان ابوه كان بيحبنى جدا جدا جدا ولما تعب وقرب يموت سأل عليا ياما أوى نظره الشماته فى عنيهم بتقتلنى بس كل شويه يقعوا فى بعض ومراته اكتر واحده مزلوله ومعندهاش شخصيه ومرات اخوه فظيعه زي امه بالظبط وجوزها عاملها شخصيه مبتقدرش تقولها حاجه جوزها بيزعق لامه علشان هو شاف ان امه وخالته خربوا بيتى اكتر حاجه بتضايقي ان محدش بيفهمنى هو لحد النهارده كل لما يشوفنى يبص بصات كره رهيبه وانا ساعات بخس انى بحنله وبحبه مع انى مكنتش بحبه وشوفته لما اتجوز عادى مزعلتش دلوقتي بقيت اخاف اشوفه او اسمع صوته علشان متوجش كان نفسى اجيب عيل واحس بالامومه علشان استحمل علشانه زيهم كده علشان اهلى بيقولوا ليا انتى مبتعرفيش تستحملى 

 رغم عبوبه دى اتجوز وخلف وانا لأ وهما شمتوا فيا وشايفين نفسهم احسن منى اوى معرفش على ايه وشايفين انهم معملوش فيا حاجه وده بيضايقنى جامد اوى خصوصا لما افتكر انهم بيستخموا حاجتى الجديده الى مفرحتش بيها

بصى هو بيعامل مراته اللى بعدى اسوأ منى بمراحل وبيهددها بالعيال بس هى شبهم عندها عادى تشخر ونسب حتى عيالها الصغيرين يشخروا ويسبوا واخوه بيشرب لبنته سبع سنين سجاير عادى عندها طيب اتصرف ازاي لما اشوفهم علشان محسسهومش بحاجه ولا احسسهم بضعفى انا بكمل تعليمى تمام انا حاليا فى ثانوى عام وداخله الجامعه إن شآء الله هو شخصيته بقت زباله اوى ودايما بقى مكشر مش زي ما كنت فى حياته حتى تعامله معايا مش زي ما كان معاها خالص بس ساعات بحس انى بخاف منهم علشان بفتكر كل حاجه عملوها مع ان امه وخالته حاولوا يكلموا امى من فتره قريبه بس هى مردتش عايهم ولا اديتهم وش هو فيه حد هيحب مطلقه مرتين خصوصا انى داخله جامعه ومش فى سنهم اكبر يعنى حتى لو حد حاول يكلمنى مش هعرف اقول حاجه علشان مش عايزة اسمع كلمه وحشه من حد عن طلاقى ولا عايزة حد يعرف عنى حاجه ناس ياما بتقولى انتى مش هتتجوزى غير مطلق او ارمل او حد كبير فى السن ناس ياما قبل كده اعجبوا بيا بس انا كنت بصد علشان مش عايزة اعرفهم حاجه عنى انا مش عارفه انسى كمية الوجع دى ولا غيظه فيا علشان متجوز ومخلف بيغيظنى علشان خلف وانا لا انا زهقت منه هو وامه ومراته سكنوا دلوقتي بعيد بس هو هيقعد لوحده والى تاعبنى انى مفكره انه هيرتاح خلاص 

مشاركة الاستشارة
11, ديسمسائاًبر, 2023 ,11:51 مسائاً
الرد على الاستشارة:

  • أهلا ومرحبا بك في موقع المستشار؛ ونشكر لك ثقتك بنا .
  • بداية ؛ أحيي فيك اهتمامك بمعرفة الحل المناسب تجاه ما تعانين منه منذ سنوات ولغاية اليوم ،وأثر سلبا على مناحي حياتك وترك ندوبا في شخصيتك و جراحاً بحاجة إلى ترميم وإعادة بناء ثقتك بنفسك وخاصة أنك اخترت طريقا يليق بك وهو إكمال التعليم وها أنت على مشارف دخول الجامعة، وهذا بحد ذاته إنجاز عظيم وإن دل على شيء دل على أنه لديك حب للحياة وأحلام وأهداف تسعين إلى تحقيقها.
  • لذا كل ما تحتاجين إليه هو معرفة قدر نفسك أكثر وأكثر والاهتمام بها من جميع النواحي النفسية والصحية والاجتماعية، كيف ذلك..؟ من خلال التركيز على مستقبلك، ودون ذلك لا تضيعي الوقت بالتفكير فيما مضى ولا بتجربة الزواج والطلاق إلا من باب الاستفادة من هذه التجارب وأخذ العبر.. لأن التركيز فيما مضى و اجترار الأفكار والمشاهد وماذا فعلوا وماذا قالوا...إلخ، يؤثر على حياتك ومستقبلك و سينتج عنها الكثير من المشكلات النفسية والصحية.. لذا هدئي من روعك و هوني على نفسك ويكفي ما عانيت منه في تعذيب نفسك وخوفك من كلام الناس وجلد الذات و لومها من نظرات الآخرين، وهذه البيئة التي كنت تعيشين فيها مع ذلك (الزوج وأهله) كما قلت من قذف لفظي.. غير مناسبة ولا تصلح لتأسيس أسرة وتربية أبناء إطلاقاً..!! 
  • أنصحك بالمشاركة بدورات تأهيلية قبل الزواج فهي مفيدة لك لتتعلمي كيفية اختيار الزوج  المناسب، وكيفية إيجاد الحلول للمشاكل الزوجية والحياتية بشكل عام، وأيضا تعلم الحقوق والواجبات الشرعية، وأيضا المشاركة في دورات تدريبية تثقيفية مثل: " فن الحوار، كيفية تعزيز الثقة بالنفس، أهمية الرياضة والنظام الغذائي الصحي".
  • مع تمنياتي لك بمستقبل أكاديمي مشرق وحياة هادئة .

مقال المشرف

ممنوع القراءة.. لغير المتزوجين الجدد

التهاني والتبريكات التي تبرعمت على الشفاه المحبة لكم، تزرع البهجة في قلوبكم المقبلة على الحياة بأثوا ....

شاركنا الرأي

للتنمر آثار سلبية على صحة الطفل وسلامه النفسي والعاطفي. نسعد بمشاركتنا رأيك حول هذا الموضوع المهم.

استطلاع رأي

رأيك يهمنا: أيهما تفضل الإستشارة المكتوبة أم الهاتفية ؟

المراسلات