الاستشارة:

السلام عليكم ورحمه الله وبركاته..

أسمي عائشه ومتزوجه وعمري 35 سنه وهذا زواجي الثاني وعندي من زوجي الاول 6 ابناء والحمدلله..

مشكلتي مع زوجي زعله الكثير يزعل من اي ردت فعل تصدر مني اتجاهه بشكل مبالغ فيه وصارت بيننا اكثر من مشكله وصايره تزيد باستمرار وانا احس اني تعبت وبدا صبري ينفذ ..

اولا / زوجي جنسيته مصري ومو ساكنين بنفس البيت انا ساكنه مع عيالي واطلع معه يوم يومين نكون سوى وارجع لبيتي لاني انا المسؤوله عن اولادي مالهم غيري بعد الله .

وزوجي ايضا متزوج ويقول انا مطلقها قلت طلاق رسمي قال لا لسى محرمها عليه بعد مشكله كبيره جدا بينهم و طلقها مرتين لسى الثالثه يقول عشان اولاده مخليها. ع ذمته  لكنه شغال هنا بالسعوديه .وعنده ولدين 

هذا بالنسبه لوضعنا الاجتماعي ..

المشكله ماعد اعرف اتعامل معه في البدايه كان الوضع تمام بس بدانا في خلافات بسيطه والحين كبرت هو شخص عقلاني ويحكم دائما ع الأمور بالعقل في كل شي والقران بس يوصلني قسوته ويزعل لما نتناقش احس انه يبغى اقول له حاضر وابشر ومااعارضه قلت له انت تبغى تلغي شخصيتي قال لا انا ابغى مصلحتك انا اعترف اني عاطفيه صح ان مشاعري تتغلب علي بعض الاوقات بس اكثر اوقاتي اكتم مشاعري بس يبين علي اخاف اتكلم يعصب واذا اسكت يعصب احسه بعض الاوقات نرجسي وبعض الاوقات اقول لا انا هذي افكار سلبيه احاول اتثقف اطور من نفسي عشان اوصل لعقله واقدر افهمه بس هو مايشوف هالشي يشوف اني نكديه وحتى لو جاء ببالي فكره غلط يعصب علي يقول انا اشرح لك كل شي وافهمك تفكرين غلط لييش اصلا الفكره السلبيه دخل راسك وع فكره ترا هوه دارس علم سيكلوجية العلم النفسي وهو يقدر يعالج لكن عصبي لو يشوفني بوسط المشكله بكيت غصب عني ينفعل ويتعفرت بشكل مو طبيعي يقول اكره الست الضعيفه اقوله انا مو ضعيفه انا ابكي لانك توجعني بقسوتك احس بعض الاوقات ماعنده مشاعر من كثر العقلانيه وعشان موقف يشوفه صح ينفذه ويلغي مشاعره اخاف منه احسه بيتركني باااي لحظه احس يشوفني غبيه مايقدر يسامح لما ياذيه احد ولا يخدعه ولا يكذب عليه يلغيه مباشره لو يشوف هالشخص ينزف قدامه مايرف له جفن 

لكن حنون بنفس الوقت لما يمنحني حبه احس اني ملكه احس بسعادة الكون كله كريم وطيب وحنون ويحاول يساعدني بكل امور حياتي حتى راتبي يقسمه لي يعلمني كيف اتصرف كيف اكون ادبر اموري ماديا بس بعض الاوقات يقسى علي لو اصرف شي ماله داعي وانا ماتعودت قبله كنت حرت نفسي الحين يضغط علي بشكل كبير واخاف اتكلم معه لو اتكلم بصراحه بيعصب وياخذ موقف مباشره اقول له اذا بكيت المفروض تحن علي وتاخذني بحضنك مو تصرخ علي يقول موطبعي مستحيل يعترف بغلطه لانه دايما انه صح حتى مايتفهم وجهة نظري اخره مره كان مشكلتنا ان اهله راح يجون هنا السعوديه برمضان هذا امه وابوه واولاده وزوجته برضو عشان اولادها والقانون في مصر مايطلعون الاودلاد بدون امهم وهم صغار واحد 4 سنوات وواحد 8 المهم انا دايما احاول اكون رزينه وعاقله مااغار حتى عشان مايزعل جاء ليله كان يكلم امه ويسال عن الاولاد طبعا انا سرحة دخل براسي شعور سيء انه ممكن اذا جت زوجته وشافتها بيختلف الوضع وممكن ينتهي المطاف يرجع معهم ويتركني انا تغير شكلي ملامحي وهو قفل وانتبه لي قال ايش فيه تكلمي قلت مافي شي قال تكلمي بدا يعصب قلت مافي شي انا عارفه لو اقول له راح يزعل ولو اسكت راح يزعل خفت وخنقتني العبره وتغير صوتي قال تكلمني تعرفين اكره هذا الطبع لما اسال وماتتكلمين لو ترجعين البيت وماقد تكلمتي بتصير مشكله بينا تكلمي نحلها انا قلت طيب بتكلم بس لاتعصب قال طيب توقعت اني بتكلم بيهدا ونحلها بهدوأ وبيتفهم انه من حبي له مو نكد بس تكلمت سواء نفسه عادي في البدايه وبعد مارجعت بيتي يرسل انا زعلان وزعلان جدا .. وهنا بدات مشكله كبيره بشكل كبير دمرتني نفسيا تكلمت معه اول يوم وثاني يوم يتجاهلني قتلني ثالث يوم قلت له انا طلعت الحديقه لاتمرني وقتها طالعه من دوامي عصب وتطلعين من دون شوري قلت له تتجاهلني ايش تنتظر مني حسسني ان مالي قيمه ومشكله طوييله عريضه غصب انحلت تعبت تعب نفسي فضيع صحتي انتهت .. وتونا اليوم زعل من عشان صرفت فلوس وهو قال لاتصرفينها مجبوره اصرف منها عشان عيالي يشوفني مبذره مشكلته انه يبغى امشكي ع كلامه بكل شي ويشوف انه صح بكل شي ع انك لو تسمعه تقول صادق بس هو فعلا يضغطني صعب التعامل معه يزعل بسرعه كنت مااكذب عليه والله الحين صرت اكذب عشان اتجنب مشكله معه غصب عني وربي مو طبعي كنت قويه وهز ثقتي بنفسي ماعد لي كلمه ويقول احننا نتفاهم ونتناقش ع كل شي بس لما يصير هالشي في البدايه تمام وبعدها لما يقولي اسوي كذا مااقتنعت يزعل انا تعبت منه هو زعلان اليوم ماادري كيف اتصرف معه احاول احافظ ع حياتي معه بس هو استنزف طاقتي يبغى اكون نسخه منه وهذا مستحيل يصير ويقول اني عنيده انا مو عنيده لكن هو ماايجبرني هو يلعب بنفسيتي وربي لما نتمشكل اقول له مثلا لاعاد تمرني يقول تبغين تطلعي من حياتي بتصرفك ذا مع السلامه كذا بكل بساطه يحسسني في كل مشكله انه بكل بساطه يتخلى عني بسهوله غريب ماعد افهمه ولما يكون راضي يعاملني معاملت الملوك حتى لو عندي شي ابغى اسويه طموح مشروع احسه مايشجعني يضخم الموضوع عليه لدرجة استسلم شوف الشي الي من وجهة نظره هو الصح وبس ولا يعترف بغلطه ونهاية كل مشكله هو الا يطلع صح ..

ساعدني والله ابغى احافظ ع حياتنا لكن زعله ع كلشي تعبني والله العظيم