البعد عن ما يفيد والانشغال بالباطل
22
المستشير:

Mohamed tarek

الاستشارة:

من فترة خدت كورس تنمية بشرية وفى البداية تحسنت شخصيتى ثم تعمقت فى الموضوع وبدء التدهور وبعدت عن حياتى ومذاكرتى بقيت شايف ان اى حاجة فيها مجهود اختيارى اعملها او معملهاش حتى لو حاجة مصيرية زى المذاكرة بقيت ضعيف جدا واى حاجة واى حد بيؤثر فيا من ضمن الحجات اللى اخدتها فى الكورس كان تمارين تخيل نفسى بعمل حجات معينة عايزها وااكد على نفسى ومن ساعة ما عملتها وانا حالتى ساءت وبدات فى اكتئاب وللاسف معلجتهوش وقعدت شهور بيه لحد ما اتطور لوسواس قهرى وفى بداية الاكتئاب قعدت زى امثل بس بصورة مش مقصوده اوى لبعض الناس بدون سبب انى الشخص المناسب ليهم وده فى محيط كليتى لحد ما يقربو منى اروح باعد زى ما يكونو معجبونيش او زى مكون بدور على حاجة معينة عملت كده مع حوالى تسع او عشر اشخاص بعد كده بقيت مش بعمل كده ولا اصلا حد بيتفاعل معايا اوى لما اقعد جمبه او ابقى فى وضعية تسمح اننا نتكلم مثلا دى الفترة الاولى وحاولت فى الفترة دى الانتحار مرة بس بلا جدوى وكنت بروح الجامعة عادى خلالها ومحكتش لحد حاجة
الفترة التانية بدات انعزل فى اوضتى تماما بالايام وقعدت اقرى فى كتب تنمية بشرية تانى زى كتباب اسمه الاسرار الكاملة للثقة التامة بالنفس واخدت كورس للغة الجسد وكان مش مكتوبلى اطلع من اللى انا فيه
الفترة التالتة فى اخرها يعنى فى حوالى الشهر السادس كانت حالتى ساءت وببوظ فى البيت حجات وبزعق زبدمر وفى الفترة دى شفت فيديو لشخص يدعى الالوهية والمهدوية على اليوتيوب ولاول مرة افهم كلام الناس اللى زى دول لقيت كلامه شبه حجات عارفها واتاثرت بكلامه ولحد الان عالق فى ذهنى
بعد حوالى سبع شهور فى اللى انا فيه ده وافقت اروح لدكتور نفسى لانى كنت رافض والافكار الانتحارية راحت بس لسه مش فاهم انا فيا ايه وايه اللى خلانى اتاثر بشخص يدعى الالوهية ويسيطر على عقلى كده وايه اللى يخلينى اوصل لكده وايه اللى يخلى عقليتى مفهاش غير الكلام ده وانسى مستقبلى وكليتى
انا عارف ان الاعراض مخلطة وممكن متلاقوش بينها رابط بس هو ده اللى حصلى انا حاسس ان كل فترة من دول زى طبقة سميكة فوق بعض واكتر حاجة مضيقانى الجانب الدينى وجانب الدراسة
انا عايز تلت حجات تشخيص وصفة اكيدة للعلاج ودعوة ان ربنا يهدينى ويزيح عنى

معلومات إضافية:

هل حصلت على استشارة :
لا

مستوى الدخل :
3000

عدد أفراد الأسرة :
4

الحالة الاجتماعية :
اعزب

الترتيب بين الأبناء :
2

مشاركة الاستشارة
الرد على الاستشارة:

أخي السائل الكريم ، بداية أسأل الله تعالى أن يشفيك ويصلح حالك و ينور مستقبلك ، فأنت ما زلت شاب والعمر أمامك ، كل ما تحتاجه أن تجد من يفهمك و يقدرك و يحتويك و يشعرك بالأمن و الانتماء ، مشكلتك ليست جديدة فبعض الشباب الذين في سنك مروا بها ، وبقوة عزيمتهم و إيمانهم بالله تعالى و وجود الشخص المناسب الذي ساعدهم على تخطي هذه الأزمة، نجوا بسلام وعاشوا حياتهم بشكل طبيعي . أنت قرأت كتب تنمية الذات بتعمق وتمارين التخيل العقلي ، ولعبت دور الصديق عند بعض الأشخاص ثم ابتعدت عنهم ثم انعزلت بغرفتك و تغير طبعك وقمت بتصرفات غير معهودة في المنزل و كأنك شخص آخر و أهملت دراستك وتأثرت بالشخص الذي يدعي الألوهية و راودتك أفكار انتحارية ، إذن كل هذه مؤشرات تدل على إصابتك بأعراض : " الفصام البسيط ", يصاحبه أعراض اكتئابية وأفكار وسواسية . أخي المستشير ؛ لا تخف ولا تقلق ، كثيرة هي الحالات التي عانت من هذا الاضطراب و شفيت تماما بعون الله ، خاصة إنك في بدايته ، لا تحاول أن تعالج نفسك وتعتقد إن قراءة كتب تنمية الذات هي وحدها من ستعالجك و تخلصك من مشكلتك . أنت تقول إنك ذهبت لدكتور نفسي ، و هذه خطوة جيدة والأجمل كذلك لو تتابع مع معالج نفسي أو أخصائي نفسي يعمل لك علاج نفسي سريري قائم على الجلسات النفسية ومبني على نظرية العلاج المعرفي السلوكي أو العلاج المركز حول العميل أو العلاج بالتحليل النفسي ، فيتزامن علاجك دوائيا من قبل الدكتور النفسي ، و نفسيا من قبل المعالج أو الاخصائي النفسي ، ربما المسألة ستأخذ بعض الوقت ، لكن مع الصبر والتغلب على الصعوبات والتحديات التي تواجهك وقوة الإرادة والتوكل على الله وعمل الطاعات كالتقرب لله تعالى وقراءة القران الكريم والمداومة على الاستغفار والصدقات بنيه الشفاء ، ولنا في رسول الله صلى الله عليه وسلم ، أسوة حسنة حيث قال : ( داووا مرضاكم بالصدقة ) ، ستتخلص من هذه المشكلة و تشرق حياتك من جديد بعون الله تعالى .

مقال المشرف

خلّك رجَّال!!

أزمزم ذكريات طفولتي وهي تتطاير كالفراشات المزركشة من قمقم مخيلتي، بمجرد أن مسحتُ جانبي فانوس العمر، ....

شاركنا الرأي

الاستشارات المدفوعة ؟

استطلاع رأي

هل تؤيد الاستشارات المدفوعة ( بمقابل مالي )؟

المراسلات