الاستشارة:

عمري ٢٩ متجوزه من ٤ سنين وعندي بنت سنتين اعاني من فقدان الشغف لكل شئ . الحاجات اللي طول عمري بحبها معدتش متحمسه ليها ، حاسه بوحده ووحشتني حياتي قبل الجواز . حاسه اني بقيت زي الشغالات ومعدتش عايزه اعمل حاجه في حياتي ، عايزه اموت اتخنقت من ايامي ومعدتش طايقه حد طول الوقت اعصابي تعبانه و متنرفزه وبقيت بنتف شعري من التوتر والقلق والاختناق .. حاسه اني مريضه طول الوقت .. طول الوقت ناقمه على حياتي دي .. في الاول كنت حاسه اني استاهل حياه احسن ودلوقتي حاسه اني مستاهلش اي حاجه .. بقيت كارهه شكلي في المرايه و كارهه اي حاجه بعملها ..
زمان كنت بقول انا استاهل احسن من كده ايه اللي عملته في نفسي ده .. دلوقتي ببص ليا بنظرة دونيه وشيفاني مستاهلش اي حاجه في الدنيا .

اتجوزت عن حب ١٠ سنين !! بس حاسه اني دخلت الحب ده وانا ١٨ سنة عشان احب واتحب وخلاص زي بقيت البنات تفكير مراهق .. حاجات كتير مكنتش عجباني كنت بعديها عشان انا عموما في حياتي عمري ما بدأت وسبت حد دايما بكمل .. كنت بدعي هو يسيبني وبقعد اقول لا انتي اصيله متسبيش .،

قد يبدو من كلامي انه حد سيئ اكن لا والله مش للدرجادي هو بس حد مش مناسب ليا .. لا تفكيرنا ولا هوايتنا ولا حتى تربيتنا واحده .. الحاجه الوحيده اللي جمعتنا هي دراستنا الجامعيه فقط .. حتى دي مكنتش عجباني


هو اتربى طول عمره في مصر في محافظة دمياط .. محافظه ريفية تعتبر
كان دبلوم صنايع ولكن مامته خلته يدخل زعهد عالي عشان يكون تعليم عالي فيكون مستقبله افضل .. باباه الله يرحمه ومامته غير جامعيين دبلومات برده وكذلك اخوه .. والده توفى وهو صغير .. عنده اخ واحد وهو الصغير .. مامته متعلقه بيه زياده عن اللزوم اكتر من اخوه .. بيشتغل في مواتير الكهربا من وهو في المدرسه .. حتى بعد ما كمل دراسته في المعهد هو معندوش فكره عن اي حاجه درسناها ومكنش في دماغه يدرس بشهادته اصلا ..


انا اتولدت في القاهره وبعدين سافرنا انا وماما واختي واخويا السعوديه لبابا .. عشنا ١٧ سنة في السعوديه .. الحقيقه انا مش فاكره حاجه عدله في حياتي غير السنين دي .. وبندم اني رجعت مصر .. انا اتعودت عالغربه ولما رجعت مصر محدش من العائله احتوانا او حسسنا اننا رجعنا لا ،، الحاجه الوحيده اللي حسيتها لما نزلت هو غياب بابا .، لأنه فضل مسافر واحنا نزلنا بس بعد كده بقينا نروح كل سنه السعوديه لحد ما انجوزت من اربع سنين .. دخلت المعهد العالي ده ظلم لأن اتخسف بنسبتي الأرض بعد ما شالوا مواد الدين و حطو القدرات عالتحصيلي ووزعونا اقليمي .. لأني في محافظه زي ما قولت ريفيه .. طموحي اتدمر ونفسيتي بقت صفر


ومن ساعتها وانا بقيت انسانه تانيه ..
طول عمري كنت انسانه مرفهه عند اهلي حقيقي متعبتش في حياتي معايا فلوسي الخاصه وبابا بيجبلي اللي نفسي فيه حتى نفسيتي كانت مختلفه عقلي كان مختلف .. ماما وبابا كانوا محترمين دماغي كانوا بيدخلوا معانا في نقاشات اي سئ .، كان في مساحه اني اطله هواياتي .. كنت بقرا وبرسم وبلعب رياضه وكان حواليا اصحاب ..


بابا قال لجوزي قبل الجواز اني ببأه عايزه احسن حاجات تتعمل عشاني وانه يراعي اختلاف تربيتنا واني جايه من بيئه مختلفه وكل الوصايا دي ،د وقالي متقلش على جوزي وان الوضع اختلف انتي مش مع بابا انتي مع شاب بيبدأ حياتي واستحملي واقفي جنبه ومتتقليش عليه



وده اللي حصل والله مطلبتش حاجه من ساعة ما اتجوزت قولت اهم حاجه اننا سوا وهو قالي انه مش ناسي اللي بعمله وبتاع وكل الكلام ده .. ومن ساعة ما اتجوزنا كل ما يبأه ناقصني حاجه يقولي لما الظروف تتعدل .، والاقيه اتصرف وجاب لنفسه هدوم لا راح يحلق لا جاب لنفسه جزم الله يعزك ،. وانا لما بدأت اطلب بأه يقولي حاضر ان شاء الله .، ولو جابلي علبة كريم من ام ٢٠ جنيه يقولي اتفضلي اي خدمه ومستني اسكر واعمل .. لو حب يعمللي مفاجأه يجيب اكل ... من ساعة ما اتجوزت مجبتش هدوم بقالي ٤ سنين .. ولو ةداني فلوس ولا جالي فلوس عيديه من ماما ولا بابا بجيبله هديه ! زي الهبله .، ولدت بفلوس اني بعت جزء من دهبي ..

الا اخيرا العيد اللي فات اداني عيديه ومامتي ادتني عبديه خرجت وجبتلي انا وبس ومع ءلك انا مفرحتش بالحاجات .. طول الخروجه كان باصصلي ومش عجباه الخروجه .. قولتله انت شايف ان الفلوس دي كننا نجيب بيها حاجه احسن قالي مش انتي مبسوطه خلاص .. انا حساه مببحبنيش بس انا اللي عملت كده في نفسي انا اللي نزلت من نفسي بتنازلاتي الهبله بأه شايف اني اجيب حاجه دي حاجه غريبه ..


كان نفسي بنتي اللي تربيها هي انا القديمه كنت متوازنه وسويه .، مكنش نفسي اربي طفله وانا بنفسيتي دي ..

انا بقيتمقضياها تنازلات وكل حاجه بعملها بقت مش عجباني بقيت اسمع كلامه واسمع كلامكل الناس عشان ارضي الناس كلها ومحدش يوجع راسي ..

انا خسرت نفسي ونفسي اموت

انت مش متخيل انا ضيعت نفسي وتوهت منها ازاي