الاستشارة:

السلام عليكم ..

أنقل لكم معاناة أحدى الفتيات في المرحله الثانويه وهي بحاجه ماسه الى مساعده وأخذ برأي ونصح...
وبصراحه ياليت أنكم ما تهونون عن قراءة الموضوع لأنه يمكن يكون طويل شوي بس دام وصلتوا هنا لازم تكملون ..

هذي البنت عمرها 16 سنه وهي صديقه غاليه علي لكنها لاتفكر أبداً بالزواج وهي شايله فكره الزواج من بالها نهائياً وأنا استغربت لأن بصراحه مافي بنت بهالعمر ما تتمنى انها تتزوج!!...
وهذي البنت جالها خطاب وهي رفضت وقايله انها لايمكن توافق عليه أو غيره..

وهي شافت من كم يوم بالغلط مقطع اباحي لرجل وزوجته في ليلة الدخله وهذا الشي اللي خلاها تتعقد من الفكره زياده وحتى انها صارت خجوله وتستحي حتى من ابوها وتخاف منه اذا جا يبوسها ويلعب معها هذا وهو أبوها ..

وقالت لي عن حادثه صارت لها وهي بالروضه أو التمهيدي " يشيب لها الراس"
وهي ان خالها الاكبر كان ياخذها معه لغرفته ويعرض عليها افلام اباحيه ويقول لها انتي امك تسمح لك تشوفين كذا؟ وهي تقول : لأ

وكان ياخذها ويخلع ملابسها ويبوسها وهي ماهي عارفه اذا كان اعتدى عليها واغتصبها فعلا أو لأ
ومو متأكده اذا كانت عذراء ولا لأ وتبي تكشف على روحها بالمستشفى بس ماتقدر ولا قالت لأمها او أحد أقاربها وتخاف ان امها ماتصدقها !!
وعشان كذا بعد هي خايفه من الزواج وتخاف انهم يشكون فيها ولا يصدقونها..ز
البنت هذي راحت ضحيه لأكثر الاعمال بشاعه وتبي نصح ومساعده ..

وهي قبل سنتين انتقلت من المدينه اللي هم عايشين فيها الى مدينه ثانيه في منطقه بعيده جداً وصار لها سنتين من اخر مره شافت صديقاتها المقربات وهي تشتاق لهم كثير ..
وبعد مانقلت البنت تغيرت شخصيتها وصارت منغلقه على نفسها وصارت حساسه وخوافه غير قبل اللي كانت جريئه ومرحه ..

وصار لها موقف في مدينة ملاهي ودخلوا بيت أشباح حيث كانت الاشباح عبارة عن شباب حقيقيين ولكن متنكرين بزي أشباح واحدى قريباتها ممن كانوا معها قد أغمى عليها من الخوف وسقطت وكانت تلك الفتاه تحاول ان تساعدها وتصرخ وترش الماء على وجهها والشباب واقفين يضحكون عليهم ولا ساعدوهم وأحد الشباب مد يده لها وقال لها لاتخافين مراح أسوي لك شي ولكن هي ما مدت يدها وقام هو ومسكها من خصرها وبدا يرتفع الى ثدييها ويتحسسهما وهي أجهشت بالبكاء حتى أفاقت قريبتها وخرجوا من المكان..
وقد أصبحت هذه الفتاه تخشى الرجال وخاصة خالها تخشى ان تقترب منه ..
وأصبحت تكره الخروج من المنزل والاختلاط بالناس وتحب البقاء في غرفتها منعزله..

واحب أنوّه إن البنت علاقتها ليست ممتازة مع أمها لأن أمها عصبية ولاتقبل النقاش ..

البنت هذ حالتها من جد تحزن ويبيلها مساعده وأنا مقدر أسوي شي لأني مثلها صغيره والعين بصيره والايد قصيره ..
أرجوكم ابي مساعده لهذي البنت ونصح وأنا وعدتها أني بنشر معاناتها بالنت لعل أحد يقدر يساعدها ..
تكفون الموضوع جداً يهمني وياليت تساعدوني...