الإستشارة:
انا فتاه من اسره مكونه من اسره تتكون من اب وام وثلاث بنات وولد بدايه المشكله من وانا صغيره انا بحب امى ووالدى جدا بس عمرى ما قدرت اعبر لهم عن مدى حبى لهم وكذلك انا مع اخوتى على عكس اخواتى البنات بيعرفوا يتكلموا مع ماما بالذات ويهزروا معاها ويروحوا فى حضنها
انا ماما كويسه معايا بس هى عصبيه ممكن مثلا احكى لها على حاجهمثلا ممكن تزعق او ترد عليا برد يستفزنى ارد عليها بنرفزه او خلاص مش عايزه اتكلم معاكى .انا على النظام ده من زمان بس اتعودت على كده انا دلوقتى مخطوبه وعريسى من النوع المتماسك جدا مع اسرته وعايزنى اغير طريقتى مع اسرتى وابقى قريبه منهم
وكمان اقرب اوى من عائلته وانا فعلا بحبهم كلهم بس هو عايزنى اعبر بالافعال وبردى عليهم فى الكلام وانا بتحرج اولا اعمل كده وكمان حاسه انى مش واثقه فى نفسى واقل منهم مثلا هو عنده اخت فى نفس سنى تقريبا بس بحس انى اقل منها ما بتسالش عنى غير اما انا اسال وانا اللى اطلب اخرج معاها واتقرب منها وهى بترد بس احنا مش اصحاب
انا كده بقى مع كل الناس انا اللى عايزه احكى مع اى حد واى واحده عايزاها صحبتى المقربه وتلاقينى بحكى لها على اللى جوايا واحاول ابقرب منها وبرده فى النهايه ابقى انا اللى عايزه وبس غيرى لا يردوا عليا كويس عشان انا ما اتحرجش دايما حاسه انى انا اللى عايزه اتقرب انما واحده بس تحاول هى تتقرب لا مافيش بس الا خطيبى هو بس اللى عارف بكل ده
وحاسه وبيحاول انهيقربنى من اخته بس مش عايزه يضغط عليها مع انه عارف انى بحاول اتقرب منها وشايف ان ده كويس بس هوا زعلان ان ما فيش نتيجه على فكره انا مش بعرف حتى اختار ملابسى عايزه حد يختار لى انما انزل واشوف او حتى اقول دا عاجبنى ولا لا مش عارفه اشوف واحده لابسه لبس عاجبنى
انا دلوقتى كمان مخنوقه من احتياجى لغيرى برجاء الرد حتى ارتاح وعلى العموم حتى لو ما فيش رد المهم انى قلت شكرا