أريد خطيبي ولكن والدي ( 1/2 )
29
الإستشارة:


السلام عليكم ورحمة الله وبركاته
اسال الله ان ينفعكم بعلمكم وينفعنا بما تعلموا ثم اما بعد:مشكلتى تبدا انى كنت مخطوبة اتخطبت يوم 4 رمضان السنة دى 2007 ابى وخطيبى اتفقوا على ان هيكون عندى شقة فى الدينة اللى فيها ابى واتفقوا على كدة .

 انا اصلا عندى حالة مرضية لما بزعل او  بمر بضغوط كتيرة فجاءة بيجلى حالة عصبية وبلاقى لعاب كتير بينزل من فمى تنتهى باخد حقنة مهدئ وكمان عندى حبوب فى النصف العلوى من جسمى ولما كشفت الطبيب قالى انها اسمها سرنجوما وهى وراثية وكل ما اتقدم فى العمر هتروح لوحدها لانها وراثية .

 انا بعد خطبتى باسبوع واحد عرفت خطيبى بامراضى للامانة مع ان اسرتى حذرت عليا انى اعمل كدة بس انا  حبيت اكون امينة معاه المهم مر على خطبتى 8 شهور  وخطيبى اشترى العفش  ومش قادر يجيب شقة فى المدينة اللى اتفق فيها مع اهلى  وهو عنده بيته ملكه فى قريته اللى هو عايش فيها

 وانا قولتله انى موافقة انى اعيش معاك فيها بس ابى رفض رفض شديد هو بيمر بظروف صعبة الفترة دى لان امه تعبت فجاءة واكتشفوا ان عندها ضيق فى الصمامات وهو كمان كبير اخواته والمفروض انه يتجوز هو واخوه سوا يعنى هو بيكلف كل حاجة  لاتنين عشفين وجهازين

 وبعت لابى مع زوج اختى يترجاه انه يتحمل ظروفه مؤقتا بس لحد ما ربنا ما يسهل وابى رفض وبعتله الشبكة وانا قولتلهم انا موافقة ومش علشان شقة اتخلى عن شخص كويس هو اصلا  حافظ القرءان ومتدين وخريج كلية زراعة جامعة الازهر الشريف وعمل الماجستير وكان على وشك مناقشة الدكتوراه

 وشغال شغل بس بعقد فى  شركة ...  وفاتح محل مبيدات زراعية  دلوقتى هو بيقول انه مبقاش ينفع يجى تانى لابويا بعد ما بعتله الدهب علشان كرامته وهو بيقولى  انا مابقاش  عندى الا كرامتى وابويا رافض مبدأ انى اروح بلده . انا مش عاوزةاسيب خطيبى  وجايلى عريس وامى بتقولى لو كويس هجوزك له .

انا بقيت حسة انى مش انسانة لها احساس حد بيخاف عليه ولا حاجة ولا حتى راى له اى لازمة اصلا يعنى  اللى هما عاوزينه  بيعملوه وانا اخر حد ممكن يفكروا فيه انا محتارة مش عارفة  افضل اكلم خطيبى لحد ماربنا ما يسهل ولا اسيبه لانه بيقولى  اعتبرينى زى اخوكى  وانا تحت امرك فى اى وقت وفى اى حاجة
كمان

المشكلة انى مش مستوعبة كل اللى بيحصل ده ونفسى ربنا ما يفرقنيش عنه حماتى اتصلت بيا بتقولى ما تتخليش عننا احنا عاوزينك واخو خطيبى بيتصل يطمن عليا ويقولى انا اخوكى يعنى انا بحب الناس دول وبحب ابنهم ونفسى اكون معاهم ومش عارفة اعمل ايه؟؟

ياريت تعرفونى اعمل لانى محتارة جداااااااااا والله وادعوا لى بالله عليكم وجزاكم الله خيرا

مشاركة الاستشارة
يوليو 27, 2018, 03:13:01 مسائاً
الرد على الإستشارة:


الحمد لله وحده والصلاة والسلام على نبي الهدى وعلى آله وصحبه ومن اتبع سبيله واقتفى هديه إلى يوم الدين، أما بعد :

 أختي الكريمة أسماء : حفظك الله وعافاك:

لقد وجدت صعوبة في قراءة نص رسالتك لأنه عامي مكتوب بحروف عربية، وبعد جهد بدا لي أن مشكلتك تتمثل في حيرتك بين رغبتك في إتمام العقد مع خطيبك والالتحاق به في مدينته نظرا للظروف الأسرية التي طرأت عليه، وبين موقف والدك الذي تصرف خلافا لإرادتك.

وفهمت من كلامك أنك صاحبة مبدأ وأمانة، بعدما عرفت خطيبك على حقيقة أمراضك، وتقديرك لظروفه التي منعته من الالتزام بما اتفق عليه مع والدك من أمر الشقة، وعبرت له عن استعدادك للانتقال للعيش معه حيث هو مع والدته المريضة وإخوته، وهذا كله محمود منك لن تندمي عليه بإذن الله.

وحسنا فعل خطيبك لما اعتمد الوساطة في التواصل مع أبيك لما بعت له زوج أختك يرجوه أن يتحمل ظروفه مؤقتا، لكن رفض أبيك الشديد غير مفهوم، وتصرفه لم يكن في محله على الأقل، لما لم يكن المانع متعلقا بسلوك الخطيب أو بدينه، وكان أولى به أن يقدر مصلحتك ومصلحة خطيبك الذي رضي الاقتران بك رغم حالتك المرضية فضلا عن أن تنالي قبول والدته وأخيه وعنايتهما بالاتصال بك والسؤال عن حالك.

 ولما أن الأمر على ما وصف من التعارض بين رغبتك وقرار أبيك؛ فما عليك إلا أن تستخيري الله وتسأليه الذي هو خير، وأن تبحثي عن شخص له تأثير على والدك حتى يقنعه، وإن بقي على رفضه :

 فإما أن تحتسبي برا لوالدك رغم ما يترتب عن ذلك من تغيير الوجهة عسى أن يأتيك الله بخير ولا تقنطي من رحمة الله.

وإما أن تعرضي أمرك على المحكمة لأن الأب ليس له أن يعضل ابنته أي يمنعها من زواج الكفء إذا تقدم لها، والرسول صلى الله عليه وسلم يقول : " إذا أتاكم من ترضون خلقه ودينه فزوجوه إن لا تفعلوا تكن فتنة في الأرض وفساد عريض". صحيح الجامع الصغير.

مع أن الأجدى للروابط الأسرية وبر الوالدين الحرص على إقناع الوالد وتجديد الوساطة ممن له مكانة عنده من الأقارب وأهل العلم، طبعا إذا بقي الخطيب ينتظر ولم يتراجع بسبب سلوك والدك.

أرجو لك ولنا كامل التوفيق وأن يوجهنا وجهة الخير، وأن يهيئ لنا من أمرنا رشدا.

والسلام عليك ورحمة الله وبركاته.

مقال المشرف

أطفالنا والرؤية

قرابة أربع عشرة سنة تمثل العمر الافتراضي المتبقي لتحقق جميع مؤشرات الرؤية الشاملة التي أطلقتها الممل...

شاركنا الرأي

ما مدى تأثير شبكات التواصل الاجتماعية على الأسرة

استطلاع رأي

ما رأيك في فترة الرد على الأستشارات حالياً ( خلال 5 - 7 أيام )؟

المراسلات