الإستشارة:
رجلي يادكتور من هوايته البر والصيد لي متزوجه 3 سنوات وقبل شهر واسبوع وداني عند اهلي علشان يكشت ومن ذيك الرحله وهو متغيريشتغل مدرس فلذالك مايقدر يأخذ عطله اكثر من اسبوع سافر في عطله الاسبوع الاول ثم من جاء يوم السبت القادم دقيت عليه علشان اطمن عليه مارد دقيت
ودقيت من العصر لين تمت الساعه 9 مساء واخر شي رد سألته ليه مارديت علي قال كنت اصلي وبعدين صليت على ميت قلت من متى وانت واصل قال من يوم الجمعه وانا بالبيت للمعلومه (اهلي بالدمام وبيتي بالقصيم )قالت له اجل ليه ماعلمتنا قال ماراد الله سكت
دقيت عليه من بكرى برضو مارد دقيت 4 دقات رد علي وقلت له وشبك ماترد قال مو لازم ارد وش عندك كلام كله خرابيط تقبلته وسكت قلت يمكنه زعلان من شي المهم خليته يومين ودقيت عليه مارد وحاولت من بكرى وبعد مارد وحاولت وحاولت لين تم لي الحين شهر وهو مايبي يرد علي
دقيت على امه اسئلها وش اخبارك قالت انه امس رجلك تغدى معنا سكت سويت نفسي زعلانه قعت 3 ايام بعده دقيت لقيته مقفل من دقيت على امه اسئلها قالت ان كشت سكت والحين بس ارسله رسايل اني احبه واني ولهانه عليه بس مايرد علي ارسلتله ان ولدك ولهان عليك يبيك بعد مايرد
وش اسوي اهلي محتارين يقولون اكيد ماسويتي له شي اقولهم ابد رايح من عندي وهو يضحك ومستانس وابوي يقول وش اسوي له ادق عليه اقول تعال خذ بنتي
ويقول البيت الي رباك وانتي صغيره مو عاجز عنك وانتي كبيره تعبت نفسي كثير
والحين كل الي استشرتهم يقولون طنشيه لين يدق هو عليكم لين يدري عنده ولد ومره مو بس مطنشكم وانتي جادعه نفسك عليه وش اسوي يادكتور مالليت من كثر ماسمع الناس سوي وسوي ابي استشارتك لو سمحت
ولك خالص شكري وامتناني