الإستشارة:
السلام عليكم ورحمة الله وبركاته..
ابي ابداء بالموضوع على طول لاني محتاجه انكم تردون علي بأسرع وقت ممكن..
أنا فتاة عمري 22 تقدملي شاب ذو خلق ودين أكبر مني ب10 سنوات يعني عمره 32 بس فيه ثلاث امور مأرقتني وابي رايكم فيهابكل صراحه
1- الفارق العمري الي بينه وبيني أحس ان افكاره تبي تكون اكبر مني بواااجد زياده على هذا هوانسان ملتزم يعني يبي يصير اعقل من غيره وهوبعد انسان عصامي وحكيم يعني يبي يصير عاااااااقل بزياده..
2-مركزه الاجتماعي جدا عادي وعائلته عاديه مع ان كان طموحي اكبر من كذا بكثير وتقدملي من كبار العوائل بس ماحصل نصيب ..
3- اخر مشكله تارقني وهي اكبر مشكله بالنسبه لي هو(شكله) جدا عادي او بالاصح شين ورجال خواتي كلهم حلوين ماشاء الله فانا كل ماشفت رجال حلو ضاق صدري وحسيت بنقص واخاف يبتل معي الشعور بعد الزواج مع اني احلى خواتي والكل اول ماسالني عن شكله وانا محتاره اخاف اوافق واتوهق واخاف ارفضه ويعاقبني ربي باشين منه؟؟
وهل مالي حق اني ارفض علشان شكله؟؟
الله يخليكم ردوا علي باسرع وقت والله مليت من لتفكير حتى الثعلبه طلعت فيني والشيب طلع فشعري ومالقيت من اشكيله الا انتم!!
ّ ّّّّّّّ,, لاتنسوني من دعائكم,,