يا ليت أعيش سني ؟
4
الإستشارة:


اريد حلا جزاكم الله خيرا
السلام عليكم ورحمة الله وبركاته، بعد التحية أولا أود أن أشكركم شكرا جزيلا على هذا الموقع الرائع الممتاز بارك الله لكم ، وكفى أنه يساعد في حل مشاكل الشباب جزاكم الله عنا خيرا.

ثانيا مشكلتي هي أنني شاب سنى 24 سنه واعتقد اننى ما زلت في فترة المراهقة
مشكلتي أولا:
اعتقد اننى معقد وذالك منذ وانا صغير لم يكن لى اى اصدقاء واشعر دائما اننى وحيد انطوائى عندى مشكله طبيه (جلديه ) هى اننى مصاب بزيادة العرق فى الأطراف يدى وقدمى مما يسبب لى احراج شديد عندما اسلم على اى احد

 وتعبت وليس لهذه المشكله علاج او علاجها سيضر (مشكله زياده العرق بشكل كبير فى اليدين والقدمين ) منذ وانا صغيرورحت لدكاتره كتير وليقال لما اكبر المشكله هتروح بس بتزيد والحمد الله وحتى الأن عند جلوس مع اى شخص او مجموعه اشخاص ولو فتره قصيره

بتقالى انت طيب قوى (غلبان ) ولا اعرف اصبحت اشعر بان هذا عيب فى ومهما احاول انا لا اظهر بهذا المظهر بيتقالى انت طيب اوى وغلبان لدرجه انى كرهت الصفه دى ونفسى ما ابقاش كده ولو حد هزر معايا اشعر بقلق شديد واضراب وعرق شديد ممكن ازعل بسرعه جدا من كلمه من زميل ولو على سبيل الهزار واقعد افكر فيها واقول هو كده اهاننى ,,ووو وافضل مشغول ما ان الموضوع ما يستهلشى

 ليس لى اى صديق حتى فى اطار الأسره لا احب التجمع فى مكان به اشخاص كتيره اخاف حد يجرحنى افضل العزله حتى وانا فى البيت وانا فى كل فترات دراستى كان ليه زمايل كتير ولكن عند انهاء هذه المرحله الدراسه كأننى ما اعرفهمش ما فيش مره كان ليه صديق على طول حتى لو هما سألوا عليا انا لا اسأل

 علطول فى البيت حتى الخروج لا اخرج الى قليل قوى مش عار ف انا معقد عمرى ما سهرت مره برا البيت عمرى ما حسيت انى شاب 23 سنه يعنى عز الشباب عمرى ما خرجت ما اصحابى عمرى ما اتأخرت بره البيت عمرى ما عملت حاجه غلط و لا صح زى الشباب حاسس وكإنى عندى 50 سنه حتى فى البيت بيقولوا عليا (جهدوا قليل)!!!! ما انى والحمدالله صحتى كويسه

بس علطول حاسس بتعب وملل حتى لما اشتغلت الحمد الله شغلى كويس وعلاقتى بزملائى كويسه بس مش عارف ليه انا مش شاب وعايش سنى( اخرج ,اصيف اتمشى , اروح سينما ) علطول حاسس بالخجل والكسوف الشديد عمرى ما كلمت او بدأت انا بالكلام مع اى بنت (قريبه او زميله) عمرى ما عرفت اتكلم فى اى موضوع فى تجمع مع ان معلوماتى كتيره بس ! مش عارف عمرى مثلا ما قلت لوحده كل سنه وانت طيبه

 او حاولت ابداأ معاها بأى كلام علطول بيتقال انى خجول لا اتكلم مأدب (بصراحه وانا كلرهت كل الصفات دى فيه ) مع انى لو هى بدات بالكلام او طلبت منى اى حاجه بكون متكلم حاسس انى عمرى ما اقدر احب او حتى ان فى حاجه اسمها حب ما بعرفشى أبدأ بالكلام على طول حاسس انى لو اتكلمت ممكن الكلام يأخد عليا

 وسعات اتكلم بسرعه شديده جدا لدرجه الكلام لا بفهم وانا صغير بالمناسبه كنت بتهته ولحد دلواتى ممكن اتكلم بسرعه وتهته.

علطول عامل حاجز بينى وبين الناس اشعر انى متكبر مع انني والله مش كده لدرجه ان ممكن حد يخاف يتكلم معيا علطول ساكت فى حالى مع نفسى على طول بصراحه تعبت وحاسس ان كل عمرى كله هيضيع وان حتى ماليش صديق افضفض معاه اتكلم اتعرف و اعرف واحد او وحده

 على طول قبل ما قول الكلمه اتردد اخاف اشعر بالقللق والحرج ممكن اكون معقد مع انى والحمد الله كويس فى شغلى . بس حاسس ان ماليش لزمه فى الحياه على طول اما فى البيت على جهاز الكمبيوتر فى غزله حتى عن بيتى إما نايم إما فى الشغل كل يوم زى ال قابله روتييـــــــــــن كل يوم!!!.

ويوم ورا يوم يفتوت و الأسبوع وراه اسبوع والسنه بعد سنه وانا زى ما انا كرهت حياتى وكرهت العرق الى فى ايدى وكرهتى طيبتى وتعبت نفسى اعيش سنى نفسى يتقال عليا شقى او حتى صايع ماعلش انا بتكلم بصراحه لان تعبت صعب اروح لدكتور نفسانى للتكلفه وصعوبه الوصول بصراحه انا اول مره افضفض مع حد .

وانا صغير والدى الى انا اكن له كل احترام كان شديد قوى معاه لدرجه انى كنت متخيل انى ممكن يذبحنى بالسكينه لو عمات حاجه غلط ... لو سبت الصلاه مثلا ... علطول كنت انضرب ممكن تكون دى سبب عقدى مش عارف مع انه لما كبرت بيعاملى كويس حاسس ان ليس لى اى شخصيه مش ممكن اخذ قرار متردد علطول

حتى فى ابسط الأشياء (ولو شراء اى شيء) راضى باى حاجه بابا او ماما تقوها حاسس انى ضعبف الشخصيه مش ممكن اكون اسره لو اتجوزت مش اعرف ادير البيت باتمنى سعات الموت للان حياتى كلها مالهاش لزمه

حاسس انى لم اعيش طفولتى يمكن علشان كده وانا فى السن ده يحب الكرتون وبرامج الأطفال .
زى دلوتى مش عايش شبابى اخاف اصرف مش عارف مع ان معايا الفلوس ..

ارجوا من حضراتكم أيها الأساتذة الكرام إفادتي في ذلك الأمر؛ ورد عليا بشكل مفصلنفسى احل مشاكلى ولو حد حابب يتفسر عن اى حاجه ياريت يقولى واتا هرد علطول

بس نفسى ابقى طبيعى واعيش سنى (لان وسواس الموت يراودنى) فأنا أعيش حياة مظلمة وكئيبة ممله ، فأرجو إفادتي بالحل مشكلاتي وجزاكم الله خيرا
بصراحه تعبت ..

مشاركة الاستشارة
يوليو 27, 2018, 03:13:01 مسائاً
الرد على الإستشارة:


وعليكم السلام ورحمة الله وبركاته .

أهلا بك أخي الكريم في موقعك موقع المستشار وما يقدم هنا هو واجب حمله الأحبة هنا في قلوبهم ليقدموه لكل أحد دون استثناء فالحمد لله على هذه النعمة .

ما ذكرته في رسالتك لا يشكل مشكلة كبيرة لا يمكن التغلب عليها والحمد لله لا يوجد لديك مشكلات طبية تجعلك تحمل كل هذا القلق والخوف في داخلك فأنت إنسان سوي والحمد لله ولديك قدرات وإمكانات ممتازة من حيث التعلم والتفكير والسلوك الحسن فقط لديك ما يعرف بالخوف الاجتماعي أو الرهاب الاجتماعي وحل هذه المشكلة متيسر ولله الحمد وأجد لديك من خلال عرضك لمشكلتك أنك قادر على مساعدة نفسك بشكل كبير جدا وسوف تتحسن حالتك خلال فترة قصيرة بإذن الله .

أحتاج لمساعدتك أن ألتقي معك خلال النت لأن هذا أفضل فالاستماع إليك بشكل أوضح مهم جدا لعلاجك وإن رغبت في بعض التوجيهات فقط التي تحاول من خلالها مساعدة نفسك وتكتفي بذلك فلك ذلك أيضا .

تستطيع الاتصال بي من خلال البيانات الموجودة لدى الإخوة في هذا المركز .

تمنياتي لك بالتوفيق والسداد .

مقال المشرف

التربية بالتقنية

تهدف التربية التكنولوجية إلى صناعة الفرد الفعّال والواعي والمؤثّر في مجتمعه، هذا ما يقوله المختصون، ...

شاركنا الرأي

هل «الوتساب» جعل أطفالنا أيتاماً؟

استطلاع رأي

رأيك يهمنا: ما رأيك في منصة المستشار الأستشارية؟

المراسلات