الإستشارة:
السلام عليكم ورحمه الله وبركاته
انامتزوجه من 7 سنبن وقتها كان عمري 19 سنه والان عندي ولدين ولله الحمد ومشكلتي مع زوجي الاساسيه انه مايصلي وحاولت كثير انصحه بس بدون فايده لدرجه انه سار ياثر علي بس الحمدلله انا عارفه ربي كويس وسرت اخليه براحته وادعيله لانه جدا عنيد واذا الحيت عليه بالنصيحه يعاند اكثر
والمشكله الثانيهانا في خلاف دايم ومشاكلنا مالها حدود واكثر من مره رحت عند بيت اهلي ورجعت بفضل الله ثم اهل الخير
اذا سار بينا خلاف على طول يزعل ويجلس بالايام مايكلمني الى مااجي واراضيه حتى لو كان هو الغلطان لاني لو ماسويت كذا حيستمر الخلاف ويتمادا ويتلفض باالفاض جارحه واذا رديت ضربني وقال ان لساني طويل
والشهاده لله في اشياء كويسه ورغم كل ذا حبيته ومازلت او يمكن اكون محتاجته ومااعرف اعبر
والمشكله الاخيره انتهت بالطلاق طلقه واحده وعن طريق رسالة الجوال والسبب جدا تافه والان انا عند اهلي وعيالي معاي مناكثر من 3شهور ولا سار شي اهله يتصلون ويسالون اذا احتاج شي بس رافعين يدهم من الموضوع يمكن لانهم تعبوا وهم يحاولون ينصحونه وينصحوني لانهم شايفيني اني اعانده وهذا غير صحيح وهو يسلل عن عياله بس ونا محتاره هل اترك الموضوع واشوف النهايه ولا افعل شي على شان اشوف ردة فعله
اهلي شارو علي اني اطلب اغراضي واني اقطع علاقتي مع اهله لاني الان ازورهم واكلمهم عادي لانهم طيبين معي كثير وحاطه الامل فيهم بعد الله ياثرون فيه اوعلى الاقل يمنعونه ماياخذ عيالي من عندي
ارجو النصيحه لاني بالصراحه ماابغى الطلاق خايفه من تربية الاولاد ومن نضرة المجتمع للمطلقه خصوصا ان الي بعمري دوب يتزوجون وجزاكم الله خير الجزا