وحش الأرق يلتهم جسدي .
15
الإستشارة:


سيدى مشكلتى او ماساتىهى مشكلة مذدوجة بس المشكلة الاولى لا تمثل لى خطورة ورضيت بقضاء الله اما المشكلة الاساسية وهى الارق نعم الوحش الذى سيقضى على

 انا قريت ان سيدة سجلت اطول فترة يقظة 11يوم انا بقا بقالى والله 6سنين عينى ما ذاقت طعم النوم بل ربما نسيت ما هو النوم بدءت المشكلة من اجازة 3اعدادى وانا الان فى سنة 4كلية اداب علم اجتماعبدءت قبل النوم اخد3ساعات عقبال ما انام ثم تطور الامر الى عدم النوم نهائى ولا احد يصدقنى حتى كنت فى الليل انام مستيقظة على ان ياتى النوم فافضل افكر ماذا سافعل غدا فى المدرسة ولاقى فجاة ماما بتصحينى من النوم عشان المدرسة وانا منمتش قولت يمكنعشان ليل الشتاء قصير واصبحت حين انام عشان مستيقظة احلم احلام يقظة وتطور الامر الى ان اصبحت الف قصص رائعة واصبح اكتبها وبتعجب من حولى حتى قولت لدكتور المدرسة عن ذلك نصحنى بانى اروح مستشفى عباس حلمى خواتى قالة على انى مجنونة خفت يطلع عليا كدة

ولما دخلت الكلية روحت تخصص مخ واعصاب ونفسية وعصبية وعطونى منوم ومهدىء وانا اصلا كنت مجربة كل انواع المنومات مكنتشى بتعمل اى حاجة بتسترخى جسمى لكن عقلى ومخى صاحى لو اخدتة جسمى يكون هادى جدا ومش عايزة اكلمولو مسكت حاجة تقع كتبتلى الدكتورة على برشام تريبتيزل لمدة شهر كل يوم واحدة10جرامولو الحالة شديدة اخد اتنين انا طبعا ملقتشى الا 25جرام وبقيت اخد 2يعنى50جرام ولا بيعمل حاجة معايا اول يوم بس اكنى ميتة وبعدين لو اخدت 10ميعملوش حاجة بقيت اسال كل دكتور وكل الناس اخدت كل الاعشاب اللى بتساعد على الاسترخاء والنوم ومش بقطع الصلاة وبقرا القرءان انا متدينة الحمد للة وبقول ادعية الارق واخدت التلبينة النبوية عشان النوم وجربت كل المنومات

ولما رحت اولى كلية اتعالج من النحافة الدكتور بيقوللازم النوم وعلى فكرة كان وزنى ساعتها37كيلو وسنى17لحد ما اصبح وزنى مع الدكتور المعالج 41كيلو مع ان الهرمونات كويسة وكمان الغدد كلها ومفيش انيميا خالص وكنت باخد فتح شهية وبرشام يعالج المعدة ومش بزيد من غير سبب قولت المهم النوم الاول جفونى اسودت وجحظت وجربت الابر الصينية وكنت حاخد ابرة الهرمونات بس كلة قال انها غلط بتنشط الخلايا السرطانية المهم الاول النوم وقالو بعد الزواج حتخن

وعملت اشعة مقطعية على المخ ورسم مخ ومفيش حاجة مفيش دكتور عارف اى سبب لعدم النوم انا نسيت النوم خالص اخر حاجة عملت حجامة حديثة للنوم وللنحافة المفروض تتعمل 3مرات فى 3شهور ورا بعض خلتنى عايزة اكل كل شوية وجعانة على طول وفى المرة التانية خلتنى انام ساعة فى الليل كلة ومتقطعة بس الحمد للة وبعدين كنت باكل على طول عشان شغلت المعدة ونشطتتها بس متخنتش حتى نص كيلو واصبحت اخس اكتر لحد ما بقيت عندة21سنة ووزنى36كيلو وعينى ما ذاقت طعم النوم من3اعدادى من غير سبب انا ايمانى قوى ومش بياس من رحمة الله وبختم على طول الحمد للة ومدش بيكرهنى وبسامح كل الناس ومبعرفشى اكرة حد حتى لو اذانى بس خايفة من الفتن وان الشيطان يياسنى من رحمة الله انا صبرت6سنين وبدعى الله وبتوكل علية وبسال عن علاجى محدش مصدقنى وحدش بيساعدنى لحد ما ايقنت انى اكيد ملبوسة

مش عارفة الفكرة دية اصبحت مسيطرة على نفسى وخايفة يجيلى اكتئاب وامراض نفسية وانا من النوع اللى بيكبت فى نفسة وحساسة وخايفة يجيلى هلاوس او اتخيل حاجات عشان بفكر فى اى حاجة او احلم بيها يقظة بحسب انها حصلت حقيقى والاقى انى كنت بتخيل ارجوك سيدى ساعدنى انا قربت ادمر كل مدى ما بخس ومش بنام عملت ما فى وسعى من اشعة وتحاليل غدد وهرمونات واشعات على المخ والله المستعان وليقضى الله امرا كان مفعولا لدرجة انى كنت بدعى ربنا انى يكون عندى اى مرض عشان اعالجة وانام لكن كل معمل حاجة الاقى انى طبيعية ومفيش حاجة قولت يمكن ملبوسة لان مليش علاج او اى مرض ساعدنى ارجووووووووووووووووووك

مشاركة الاستشارة
يوليو 27, 2018, 03:13:01 مسائاً
الرد على الإستشارة:


إلى الابنة حورية :

السلام عليكم ورحمة الله وبركاته.

شكرا لاتصالك بموقع المستشار وأتمنى أن نوفق في مساعدتك مع خالص الأماني لك بالصحة والعافية وأن يمن الله عليك  بنعمة النوم الهادئ والمريح.

حالتك الأساسية هي نوع من اضطراب النوم وهو الأرق المزمن  وللأرق عدة أسباب منها:

1-الكرب أو الضغوط النفسية بسبب العمل , الدراسة ,الأسرة ,أو المشاكل الصحية وهذه الضغوط تجعل الذهن في حالة نشاط زائد مما يمنع الشخص من الاسترخاء ويؤدي ذلك للضجر والسأم والانشغال بالموضوع وربما حالتك سببها الانشغال الزائد بحالتك الصحية والنحافة التي تعانين منها.
2-القلق النفسي.
3-الاكتئاب النفسي  (يسبب أرق أو نوم زائد).
4-تعاطي المنبهات مثل الشاي والقهوة والتدخين وهناك كثير من الأدوية لها تأثير منبه ويؤدي ذلك للأرق مثل بعض مضادات الاكتئاب وأدوية ارتفاع ضغط الدم والهورمونات مثل الكورتزون.
5-استعمال الأقراص المنومة والمهدئة لفترات طويلة.
6-الأمراض العضوية المسببة للألم مثل التهاب المفاصل والعضلات والأعصاب الطرفية.
7-الخوف من الأرق ومحاولات جلب النوم بأي وسيلة .
8-تناول كميات كبيرة من الطعام قبل النوم .

النوم عملية ضرورية لصحة الإنسان العضوية والنفسية وعليه الأرق يسبب بعض المضاعفات النفسية مثل القلق والاكتئاب وهذه الاضطرابات كما ذكرت آنفا تؤدي للأرق وعليه أنصحك بعرض نفسك على طبيب نفسي ليقوم بدراسة حالتك لمعرفة سبب الأرق وتشخيص الحالة ووضع الخطة العلاجية المناسبة والتي عادة تشتمل علي العلاج النفسي السلوكي وبالعقاقير إذا لزم الأمر.

وهذه بعض النصائح التي تساعد على النوم الصحي:
-تحديد وقت للنوم ووقت للاستيقاظ والالتزام بهذا الجدول.
-أجعلي لنفسك وقتا محددا لقضائه على السرير فقضاء وقت طويل على السرير يؤدي للنوم الخفيف والغير مريح وينصح بتخفيض المدة بطريقة متدرجة بحوالي ساعة كل أسبوعين.
-الابتعاد عن محاولات جلب النوم بصورة واعية ومباشرة وهذا الأسلوب كما ذكر أعلاه من أسباب الأرق.وينصح بالانشغال بالقراءة أو مشاهدة التلفاز حتى تدخلي في النوم بسلاسة وبطريقة غير مباشرة.
-إخفاء الساعة وعدم متابعة الوقت الذي مضى منذ استلقاءك على السرير ولم تدخلي في النوم لأن ذلك يسبب القلق وبالتالي يؤدي للأرق والاعتماد علي المنبه ويجب أن يكون بعيدا عنك.
-عدم تناول المنبهات ( الشاي والقهوة والتدخين) في المساء .
-القيام بأداء نشاطات تؤدي للاسترخاء مثل أخذ حمام دافئ أو تناول وجبة خفيفة قبل النوم.
-القيام بأداء تمارين رياضية بصورة منتظمة ويجب أداء تلك التمارين ثلاثة أو أربعة ساعات قبل مواعيد النوم.
-عدم النوم أثناء النهار وإن كان لابد فلا يكون بعد الثالثة مساء.
-تجهيز غرفة النوم  بطريقة تساعد علي النوم  -منع الضوضاء والإضاءة الباهرة ودرجة حرارة الغرفة يجب أن تكون معتدلة ( أبرد من درجة الحرارة أثناء النهار )
-عدم شراب سوائل بكمية كبيرة تؤدي لإدرار البول وامتلاء المثانة أثناء النوم والرغبة في الذهاب للحمام .

مع خالص أمنياتي بالصحة والعافية.

مقال المشرف

مع العودة.. جدد حياتك

العودة إلى الدوام المدرسي يمثل العودة إلى الحياة الطبيعية، فبقدر ما يفرح المربون والمربيات بالإجازة ...

شاركنا الرأي

هل «الوتساب» جعل أطفالنا أيتاماً؟

استطلاع رأي

رأيك يهمنا: ما رأيك في منصة المستشار الأستشارية؟

المراسلات