احتاج حل سريع
199
الإستشارة:

السلام عليكم ورحمة الله وبركاته

انا متزوجه من خمس سنوات لدي طفلين بدات اشعر بعد طفلي الاصغر وبعد ولادته لانه تعبان بمشاكل كثير وفجوه بيني وبين زوجي انا اصبحت حساسه وابحث عن العاطفه وزوجي مخلي المسؤوليه كامله علي نروح للمواعيد ونرجع قلت العاطفه بينا واربع مرات اكتشف انه على علاقات مع بنات بالسناب والواتس وواجهته يقول ضعف مني انت مامنك شي واحيان يقول انت مقصره بالكلام الحلو طيب انا م اسمع كلام حلو بس وقت العلاقه وم اسمع اي اطراء برغم اني ولله الحمد جميله والكل يثني على ذلك حتى هو قبل كان يتكلم عن هالشي من ثلاث سنوات ماعاد يتكلم عن هالموضوع كل شي عنده انا انا اطلع انا اشترك بنادي انا اروح مطعم انا اروح كوفي لكن انا بس بالسياره ممنوع انزل لاي مكان ممنوع اشترك بدورات او اطلع لنادي قلت اختاج اطلع عشان اريح بالي ونفسي ولكن مافيه اي فايده معه ومن كم يوم قال ان المطاعم المكشوفه هذي اماكن تجمع البنات والشباب الوصخين قلت انا مو صحيح اللي يبي الاشياء الوصخه حتى وهو في بيته يقدر يجيبها والدليل صداقاتك اللي قبل من يومها زعل وماعاد يتكلم معي اعتذرت بان اسلوبي كان جارح ولكن م رضى وجبت له هديه بوكس شوكلت وكذلك الا الان زعلان حتى مصروفي الشخصي رفض يعطيني يقول ماتستاهلين ارجوا الحل هل انرك البيت واروح بيت اهلي لان ماعاد اتحمل شعور باني مو مرغوبه منه انا اجدد بالعلاقه وبالبيت وهو ولا على باله ومو مهتم واحس كانه واثق اني ماراح انرك البيت او اشتكيه لاهله عشان يحلون المشكله دايم مايحاسبني على مصروفي ليش كذا وين يروح ؟ وشي ثاني من ٦اشهر غير دوامه من صباح لمسائي الصباح كله نايم يقعد الظهر يفطر معنا ياخذ غداء ويروح للدوام ىيرجع بالليل ينابع معنا فلم وينام ابي تفسير لتصرفاته هذي كلها والان طايح بالسفر مع اصدقائه .

الاسم: خلود
تاريخ الميلاد: 22/2/1991
الجنس:انثى
البلد:السعوديه

مشاركة الاستشارة
أكتوبر 31, 2019, 06:31:44 مسائاً
الرد على الإستشارة:

وعليكم السلام ورحمة الله وبركاته
بداية أشكر لكم ثقتكم بهذا الموقع المبارك ، ونسأل الله أن يوفقنا للسداد في القول والعمل .
أهنئك بداية على الصراحة والوصف العادل الموضوعي لحالك مع زوجك .
جوابا على سؤالك عن سبب أو أسباب تصرفات زوجك ؟؟
أقول هذه الاحتمالات :
_احتمال إن اهتمامك بنفسك ومهارتك الأنثوية ضعفت ، أو لم تهتمي بتطويرها وتنميتها وتجديدها مما سبب له الملل ومحاولة تلبية حاجاته خارج البيت ، والحل في هذا أن تتعبدي الله في تجديد الحب والرومانسية وهناك كثير من المقالات والدورات التي تنمي هذه المهارات والسلوكيات .
_الاحتمال الثاني : هو اطلاعك على السلوك الخاطىء الذي وقع فيه بكلامه مع البنات ، فالرجل لا يرضى أن ينكسر ويفتضح أمره بهذه الطريقة لأنه يصعب أن ينجبر كسر الكبرياء عنده . والحل هو أن لا تذكًريه بهذا الخطأ بل احرصي على مدحه في عفافه وشيمته .
_الاحتمال الثالث : هو كثرة المطالبات بأمور تعتبر مزعجة له ، والحل هو أن تغمريه باحترامك واهتمامك وبالحب والحنان وتؤجلي المطالب الغير ضرورية وخصوصا التي تزعجه .
وعموما ابنتي الكريمة ؛ تعبدي الله في حسن التبعل معه ، واحرصي على علاقتك بالله سبحانه وتعالى ، والجأي إليه سبحانه بالدعاء الكثير أن يصلح بينك وبينه .
ودائما اجعلي اهتمامك بأولادك الصغار فهم بحاجة إلى والدين متفاهمين مستقرين نفسيا .
وفي الختام  : أنصحك بالتواصل مع مراكز الاستشارات الأسرية فلديهم تفاصيل طيبة ومفيدة في العلاقات الزوجية .

أسأل الله الكريم المنان أن يصلح بينكما على خير ، وأن يبعد الشيطان وشره عنكما .

مقال المشرف

عشرون خطوة في التربية

الثمرة ابنة الغرس، وجودتها ابنة التعهد والرعاية، وهو الشأن مع أولادنا، ومن أجل ذلك أضع بين أيدي الم...

شاركنا الرأي

ما مدى تأثير شبكات التواصل الاجتماعية على الأسرة

استطلاع رأي

ما رأيك في فترة الرد على الأستشارات حالياً ( خلال 5 - 7 أيام )؟

المراسلات