هل الدين يبعدك عن زوجتك ؟
64
الإستشارة:

هذه الاستشاره من المسترشده(ام عبد الوهاب, العمر:19-22 , المستوى التعليمي: ثانوي ,ربه منزل, السعودية -الشرقيه-)



السلام عليكم
أنا تزوجت من شهرين بواحد ماعنده قلب ابدا.
أولا في بدايه زواجي كان كاي زوج يبي رضا زوجته تخيلوا قبل رمضان طلقني وسبب في حديث تنكح المراء الاربع

ويقول اني ماني شيخه بنت شيوخ ولا مطوعه بنت مطاوعه ومحد درى من اهلي بس اهله يدرون امه بس تدري ولما جيته وقلت ليش طلقني قالي ماكتب الله نصيب والله نفس اليوم بليل كان عندهم عشاء وحطيتله العشاء ومابينا الا كل خير بس طلقني برساله الساعه2 وانا قريتها الساعه5 الصبح

لما قعدت ورجعني بدون محد يدري بطلاقي غير امه
ورجعت له لاني انا مطلقه قبل وماابي سمعتي تتدمر علشانه ابي اكون انا الي اطلع وسمعتي مافي احسن منها والله تخيلو راح وسأل شيخ ورجعنا وبعدها قالي ماتطلعين ابد من البيت

واذا تبين بيت اهلك نروح مشي واهلي بعييييدين وبعدها قالي مافي مكيف اخاف عليك من المراض والله تعبت وسكت وماقلت له غير ان شاء الله تخيلوا سافر لمكه وانا ماادري طلع مع صلاه الفجر وماعرفت الا الظهر الساعه2

ابي احد يعطيني حل حتى جوال ماتصل فيني وكاني ماني زوجته او سأل عني وانا الحين حامل ولاني قااااادره اوصله ارسل رساله لعمي بعد 10ايام واسبوع ارجع والله مافي شي عندي ولاعطاني حتى مصروف تخيلواامابي منه شي ابي بس اسمع صوته

كل شي خله فيني حتى اول زواجي شافني اصلي يقولي انت ماتعرفين الصلاه وخلاني ماافهم شي بدين والله تعبت منه لا تقولون لي اطلبي طلاق لان مااقدر اطلبه لاني حامل ومستحيل اخلي الي بطني بتربى بعيد عن عيني ابي حل يخليه يبعد عن شكه فيني

من شك صدرت فاتوره جوالي واخذ يدق على كل الارقام الموجوده في الفاتوره على جوالي يبي يعرف منو تهاوشت معه وقلت له انا مستحيل اعيش مع واحد يشك فيني ويقولي هذا مو شك هذا كثر مااحبك ابي اعرف عنك كل شي وين دقين وعلى منوترسليين رسايل

اه اه والله افجعني حييييل بطلاقي ولما سألته امه ليش طلقتها فيها شي قال لا ومافي احسن منها انا ابي ارتاح معه على انه زوجي والمفروض يحترمني ابد معنده احترام لي مخليني زي الكنب اذا خلص بعد عني وخلاني

مره اخوه صغير غلط علي قدامه وماتكلم وعمر اخوه 9 سنين بالله في زوج يحب زوجته ويسوي فيها كل هذا ويقولي قوليلي اي شي اسويه اثبت لك انا وش كثر احبج وانا اسويه عطوني شي ابيه يثبت حبه لي

والله موحاسه بحبه لي بالعكس انا احس نفسي معد في قلبي له حب مثل اول ابي نصيحه منكم لعلي اعملها ولا تقولون هذا موقلبه قاسي والله انا مره او مرتين شافيني ابكي وماهز فيه شعره ولا سألني مثل باقي الرجال شاف وش فيني

زوجي مطوع وحاط باله انه يعرف الدين هل الدين الاسلامي يقول ابعدوا عن حريمكم ولا تكلمونهم ابي اعرف الدين الاسلامي قال الرجال سافروا لا تعلمون حريمكم وخلوهم بدون علم

اه اهليش فاهم الدين غلط مدري انا الي اعرفه المطوعين هم اهل القلب الرقيق ليش كذا يعني يسوي فيني ابببيييي ححححححللل

مشاركة الاستشارة
الرد على الإستشارة:

بسم الله الرحمن الرحيم
والصلاه والسلام على رسوله المريم

لا تكاد تخلو أسرةٌ من وجود الخلافات أو المشاكل بين الحين والآخر، فالاختلاف في الآراء من سنن الله تعالى في الخلق، فلقد خلق الله تعالى البشر مختلفين، لكلِّ فرد شخصيّته المستقلّة سماته وميوله الذي يختلف به عن الآخر، فترى الزّوج يحبّ شيئاً لا تحبّه الزوجة .

أختي الكريمة ؛ اعلمي إن التوافق الزواجي هو حالة التقبل للشريك من جميع الجوانب الاجتماعية والنفسية والجسمية والعقلية يتبعها تكامل وتساند مع الشريك في إشباع الاحتياجات النفسية والاجتماعية والمادية .
والأفضل لك البعد عن الجدال مع زوجك وأن تشاركيه اهتماماته  وتكثرين من الثناء عليه ، فالرجال يحبون الثناء عليهم مثل :أنت سندنا بعد الله وأنت تاج راسنا وأنت عزوتنا  ... إلخ من عبارات المديح والثناء ، وهيئي المكان لحوار أسري هادئ بدون فرض آرئنا هو فقط حوار هادئ لكسب قلب الشريك ، والملاطفه بالملام ، واعلمي إن الكلمة الطيبة هي مفتاح القلوب ، واحرصي على انتقاء أفضل الألفاظ وألطفها وتذكري إنك في مرحلة العلاج  لهذه المشكلة .

أختي الكريمة ؛ انزعي الصفحات التي تسبب لك الألم من ذاكرة عقلك ، وعيشي حياتك وكلك أمل وحسن ظن بأن هناك شيئ جميل ينتظرك ، فقط قولي يارب من أعماق روحك وقلبك .
وتذكري دائما إن تماسك الأسر مهم جدا ، وإن أغلظ المواثيق في الإسلام هو ميثاق الزواج ، وإن الله جعل الزواج آيه من آياته لعظمته .
اصبري ، واعلمي إنك مأجورة على صبرك .
وفقكم الله لما يحبه ويرضاه .

مقال المشرف

عشرون خطوة في التربية

الثمرة ابنة الغرس، وجودتها ابنة التعهد والرعاية، وهو الشأن مع أولادنا، ومن أجل ذلك أضع بين أيدي الم...

شاركنا الرأي

ما مدى تأثير شبكات التواصل الاجتماعية على الأسرة

استطلاع رأي

ما رأيك في فترة الرد على الأستشارات حالياً ( خلال 5 - 7 أيام )؟

المراسلات