أبي قدوتي السيئة .
7
الإستشارة:


بسم الله الرحمن الرحيم
أنا اليوم قررت انزل لكم مشكلتي بعد تردد طويل وأتمنى انكم تردون علي في اسرع وقت

أنا من عائلة معروفه بمحافظتها على دينها وعمي من أكبر المشايخ اللي في السعوديه يعني اذا قالوا عايلتنا كلن يعرفنا بدينا والحمدلله انا من مجتمع محافظ بقوه يعني مستحيل نلقى احد يلبس بنجابي او قصير والحمدلله وانا ابوي متشدد بقوه طبعا قدوتي في الحياة ابوي لانه ابوي وهو يخاف علينا مرررة من انا نخرب او ندج يعني ما يخلينا نشوف التلفزيون السعودي ومرة متشدد بس ما طول لحيته وسألته مره ليه قال لي انها ما تنبت انا صدقته بس حتى ثوبه طويل قلت يمكن ما يحب يقصر ثوبه عادي انا ما اهتميت

ويوم اني في سادس ابتدائي عرفت ان ابوي يدخن عذرته قلت يمكن كان يدخن يوم انه شاب واللحين ما يقدر يتركه للمعلوميه ابوي ما يدخن قدامنا ابد بس في السطح والسطح دايم مقفل مره ابوي سافر ونسى السطح مفتوح دخلت شفت الدخان انا مثل ماقلت قبل شوي عادي يمكنه تعود ولا قدر يتركه ابوي دايم يفرح اذا قلنا بنروح للمحاظرة ويودينا وانا احس انه يحب الملتزمين اصلا هو احيانا يجلس مع عمي اللي قلت انه ملتزم  يعني معروف وامي ملتزمه مره ولله الحمد وابوي احيانا يلقي علينا محاظرات دينيه ويقول لازم تحظرون المحاظرات بس انا لاحظت ان ابوي ما يصلي في المسجد الا في رمضان وصلاة الجمعه بعد موب كل الصلاوات يصليها في المسجد في رمضان عادي انا قلت يمكن يصلي ف البيت احسن له بس ما قد شفته يصلي في حياتي كلها الامرتين موب معنى كلامي هذا ان ابوي ما يصلي لا يمكن يصلي بس ما اشوفه بس انه ما يحرص على الصلاة يأخرها وانا الاحظ في ابوي انه متشدد على العباية وانه ما يطلع مني شعرة اثر من اقاربي مع ان اقاربي ملتزمين اكثر من ابوي

ابوي كان قبل سنتين عنده كمبيوتر ويدخل النت 24 ساعه ويقفل عليه يعني ما نشوفه سالته قلت وش تدخل قال مواقع اخبار بس سوى عملية في عينه ومعاد صار يشوف زين يعني اللحين مستحيل يجلس على الكمبيوتر ساعتين متواصله
وابوي جواله مستحيل احد ياخذه أو يفتحه مستحيل عادي انا قلت انه يقدر الخصوصيات وهذا شي خاص فيه بس قبل سنه يعني العطلة الصيفيه العام انا لاحظت ان ابوي يفتش في جوالي دايم وأكتشفت ان ابوي من النوع الشكاك ويسجل المكالمات الثابت انا قلت عادي ابوي يخاف علينا

انا لاحظت في ابوي انه كل سنه لازم يسافر برى السعوديه مرة سوريا مرة لبنان مرة بريطانيا وطول في بريطانيا جلس 4 شهور ومره اسبانيا ومرة ايطاليا بختصار دايم يسافرويقول لأمي انه انتداب شغل
قبل كم سنه فتحت جوال ابوي كان نازل للبقال هوانا في السياره لحالي وابوي كان بيسافر للجده بكرة لقيت رساله : هلا متى بتسافر للجدة بيروت هههه عرفت ان ابو بيروح لبيروت
مع كل هذا ابوي في نظري اتحدى احد يكون مثله اخلاق ودين وكلش بس انه يدخن وقلت كل الناس تدخن وما يصلي في مسجد

وابوي جدوله اليومي يقوم الصبح الساعه 6 ويقومنا ويودينا للمدارسنا ويجي الساعه 3 العصر من الدوام يتغدا وينام ويقوم بعد صلاة المغرب واحيانا قبل العشا ب10 دقايق ويتقهوى ويروح ويجع الساعه 1 او 2 وهذا جدول ابوي يعني ما نشوفه الا في المغرب

انا دايم احط بحث بلوتوث والقى رقم جوال ولد جيرانا

قبل اسبوع يمكن كل اهلي راحوا وانا قلت بجلس في البيت واكتشفت ان ابوي ناسي جواله انا عندي فضول اني افتح جواله لانه دايم يسمعنا اشعار وفديو حلو ويعي يرسلها لنا
انا قلت باخذ جواله وبرسل لي الاشياء اللي تعجبني وخذت جواله لقيت رمز قفل جربت 12345 وفتح معي انا عارفه لو شافني ابوي بيقلتني لانه ما يحب احد يتعبث بجواله قفلت الباب بالمزلاج عشان ما يقدر يدخل وفتحت جواله على الاستديو اول مقطع طلع لي   فتحته لقيته رقص انا ما صدقت قلت يمكن يصير ولد مسوي نفسه بنت بس باين انها بنت قلت يمكن احد مرسلها له ويبي يحذفها حفظها وشفت المقاطع اللي بعدها كلها مقاطع جنسيه انا شفت شي ما ينشاف في جواله قلت بفتح لقيت كل فنانه ولها فضيحه مع واحد وكلها جنسيه

انا انصدمت ابوي اخر واحد كنت اتوقع يطلع منه هذي الاشياء ويكفي اسماء الماقطع اسماء ما تنقال وكلها حريم ورجال متعرين تماما انا ما كملت بس شفت هذي ولا الجوال ملياااااااااااااااان اما طفيت الجوال
انا اعجبني رقص وحده وقلت برسلها لي ويوم شفت اللي دمرني ابوي عنده جوالين طبعا انا ما اعرف رقم جواله الثاني ولا احد يعرفه صار الرقم اللي دايم القاه في البلوتوث رقم جوال ابوي وانا احسبه جيراننا يعني معقوله ابوي يكلم ويطلع مع بنات

انا يوم شفت هذا في جوال ابوي رحت ودخلت الشات بأسم..مولعه.. طبعا جوني الشباب انا ما ادخل شات بس وحده من صديقاتي تدخل بس يوم شفت هذا عند ابوي قلت ليه انا مراهقه وهو شايب يعني ابوي قدوتي بس جلست اسولف معهم شوي وحسيت اني حقيره طلعت وجلست ا فكر أقول اذا ابوي عنده هذي المقاطع حنا عياله المراهقين ما صارت عندنا صرت احس انه عادي اني اكلم شباب بس قلت ليه ما أصير احسن من ابوي بس للحين وانا احس اني لازم ادخل شات وانا موب من عادتي اني ادخلها بالعكس انا دايم انصح صديقاتي بس دمرني اللي شفته من ابوي

وانا اللحين اذا شفت ابوي ودي اذبحه وودي اعلم امي بس اخاف يصير شي اندم عليه وابوي خلاص طاح من عيني بس علموني وش اسوي اعلم امي ولا وش اسوي انا معاد اتحمل اشوفه قدام عيني ودي امي تتطلق ونروح نسكن معها يرحم امكم علموني وش اسوي والله خلاص معاد اتحمل
ابنتكم : الحيرانه 16 سنه

وانا ادري ان اسلوب رسالتي مدري وش يبي من الحياة بس اعذروني ما ادري وش اكتب وش اخلي

مشاركة الاستشارة
يوليو 27, 2018, 03:13:01 مسائاً
الرد على الإستشارة:


بسم الله، والصلاة والسلام على رسول الله، وعلى آله وصحبه ومن والاه، والسلام عليكم ورحمة الله وبركاته، أما بعد :

 فيا أختنا الكريمة، اعلمي أن قلوب العباد بين أصبعين من أصابع الرحمن يقلبها كيف يشاء، وإن القلب إنما سمي قلبًا لشدة تقلبه، وليس هناك أحد حيٌ تؤمن عليه الفتنة بكل أنواعها، والمؤمن الحق هو الذي يسأل الله تعالى العافية من مضلات الفتن ما ظهر منها وما بطن .

وإن كان صحيحا ما نقلته عن والدك فهذا أمر مؤسف جدًا ، ويحزننا كثيرًا أن يكون الأب مفرطًا في حق الله تعالى بدلاً من أن يكون قدوة صالحة لأولاده !!

ولذا فإن عليك أن تنتبهي لنفسك أولاً، فتحفظيها من مكر الشيطان، واحذري أن يكون حال والدك مسوغًا لك أن تقعي فيما وقع، فأنت الآن كبيرة، ومحاسبة على ما تقولين وتفعلين، والله سيحاسب كل إنسان لوحده، فإنه قال : (( يوم يفر المرء من أخيه. وأمه وأبيه )) الآية .

وكم أتمنى أن تكوني أنت في محل الداعية لأبيك، وكم فتاة كانت سببًا في هداية والدها، فكانت نعم الفتاة .

فكري جيدًا بأفكار مختلفة ومأمونة في تحريك مشاعر الخوف من الله تعالى ورقابته لدى والدك ، فجميل أن ترسلي له رسالة عبر جواله تكتبين فيها : ((والدي أحبك، وأتمنى أن أدخل الجنة معك، فراقب الله تعالى في أقوالك وأعمالك فعلى مثل ذلك ربيتنا)) .

أو غيرها من العبارات ، اكتبيها بأسلوبك، ولا تترددي في ذلك ولا تخافي، وإذا سألك عن ذلك فقولي له ، إنما أحببت أن أتعلم الكتابة في الدعوة والنصح .
تحدثي مع والدتك عن تقصير والدك في شأن الصلاة، واسأليها : لماذا لا تعينه على الصلاة، ولماذا ثوبه طويل، ونحو ذلك ، وأسئلتك في عمرك هذا عن هذه المواضيع طبيعية ، ولكنها ستترك أثرًا كبيرًا في نفس والديك ، وستنقل أمك هذه التساؤلات لوالدك ، وستؤثر فيه طبعًا .

تكلمي معه عن بعض الفتيات التي يشاهدن مقاطع سيئة، وكوني غضوبة من ذلك، واسأليه : ألا يخاف من يشاهد ذلك من الله!! ألا يخشى أن يقبضه الله على مشاهدة الحرام ؟ لماذا يختفي هؤلاء عن أعين الناس حينما يشاهدن هذه المقاطع المحرمة؟ ألا يشعر من يشاهد ذلك باطلاع الله عليه، وإن كان الناس لا يطلعون عليه ؟

اسأليه هذه الأسئلة بكل عفوية ، وكأن الأمر لا يتعلق به، فإن هذا سيؤثر فيه بإذن الله تعالى .

ولا تعجلي بالنتيجة، فتعلق الإنسان بهذه الأمور ليس من الهين التخلص منه، وعليك بالدعاء له في جنح الليل ، والله يهدي من يشاء إلى صراطه المستقيم .

والسلام عليكم ورحمة الله وبركاته .

مقال المشرف

العيد .. وكِسرةُ الفرح

يبتسم العيد في جميع الوجوه بلا تفريق، حينها تلتفت إليه جميعها؛ لا يتخلف منها أحد، فبعضها يبادله ابتس...

شاركنا الرأي

هل «الوتساب» جعل أطفالنا أيتاماً؟

استطلاع رأي

رأيك يهمنا: ما رأيك في منصة المستشار الأستشارية؟

المراسلات