الإستشارة:
انامتزوجة من 3 سنين و لم انجب تعرفت على زوجى فى العمل فهو زميلى فى نفس الشركة و نفس المكتب وتقدم لى وانا رفضت لانى مكنتش بفكر فى الزواج ولانى مريت بتجربة عاطفية و طبعا انتهت بالفشل بس انا كنت بحبة جدا وبعد ما انتهت التجربة دى عرفت انى مستحيل ححب حد تانى
المهم لما تقدم لى زوجى و انا رفضت كان كل الناس ضدى واهلى كانو موافقين علية و هوكمان كان محاصرنى فى كل حتة لدرجة انى خفت ان يطلع علينا كلام موش كويس فوافقت على الخطوبة و قلت لنفسى انة انسان كويس و فعلا هو انسان كويس ولفت نظرى بساطة تعاملة مع الناس ولاحظت انة محبوب جدا فى العمل خصوصا من رؤسائة لكنى مكنتش سعيدة لانة مكنش هو فتى احلامى اللى كنت عايزاة و كمان هو معاة مؤهل عالى بس انا شهادتى احسن منة وطول فترة الخطوبة و انا عندى امل انة يحسن من دخلة او يطور نفسة لحد ما تم الزواج و مفيش حاجة اتغيرت بل الاسوء انى لقيتة بيهرج عمال على بطال بمناسبة و من غير مناسبة و كمان بيعرض نفس كتير للاهانة و دة بيحصل قدامى لما جالى اكتاب و موش عارفة اعمل اية
موش قادرة اغير من شخصيتة و اخلية انسان جاد ومحترم و موش قادرة اسيب الشغل لانى محتجالة ماديالانة مرتبة بسيط و معندوش شغل تانى انا اتخنقت و موش عارفة اعمل اية و بصراحة انا موش قادرة اخلف علشان ميبقاش ابو ابنى انسان بالصفات دى العمل اية اطلب الطلاق ولا احاول معاة تانى