الإستشارة:
عزيزى الدكتور خالد عبد الرازق
بداية انااختك فى الله الذى سبق وحدثتك عن مشكلتى بعنوان زمهرير الخطوبة يطفئ وهج الزواج
بداية اشكرك مرة اخرى اذ انك ساعدتنى كثيرا بكلماتك الرقيقة فى التخيف عنى واطمئنك الان اصبحت افضل كثيرا فيما عدا عندما اتذكرة اى الخطيب السابق يحدث اى موقف يذكرنى بة او انى فى هذة الايام نفس الوقت الذى تمت فية خطبتنا العام الماضى او ارى فستان عرس بالجريدة او بالمحلات فاتذكر انى كنت استعد للزواج لولا ما فعلة وتصرفة الذى لايدل على اى شئ من الصفات التى كنت اتخيلها فية
ولكن المشكلة يادكتور انا مش عارفة لية ساعات احس انى وحشنى او انى نفسى اشوفة او اتذكر كلمة او تصرف منة احس انى عدت من مكان ما اتيت وعدت مرة اخرى الى الذكريات معة وساعات احس انى اى شخص يتقدم لى هاوافق علية بس عشان ابطل افكر فية لانى مجرد ما ارتبط بانسان تانى هيخرج هو من حياتى اذ انى اعتبر الخيانة تبدا من مجرد التفكير فى شخص اخر تفتكر انى عندى فراغ عاطفى لانى مفيسش فى حياتى حد ولم يكن فيها غيرة ولذلك احس بالحنين اليةعارف يا دتور انا بس نفسى الاقى حب صادق مش عارفة لية الناس بتغدر وبتخون ما الصراحة افضل ساعات كتير اثق فى ناس كتير ويطلعو مش قد الثقة دى لدرجة انى بدات احس انى انا الغلط مش الناس بل بالعكس ان الانسان لازم يتحلى بمزيد من الغش والخيانة والغدر والنداله عشان هى دى صفات العصر الحالى فانا دايما الناس تقولى انتى طيبةهل الطيبة عبط ولا الثقة بالناس بقت غباوة
صدقنى انا دلوقت شايفة الصورة احسن وعارفة انى لو كنت تزوجت هذا الشخص كان ممكن نفشل بس باقول انا كنت هاحاول بكل الطرق انى انجح ومش افشل بس الحياه الزوجية تتطلب محاولة الاتنين مش واحد بس ودة اللى كان حاصل انى دايما انا كنت احاول واجتهد سواء بالتفكير او انى ابحث لة غ\عن فرص عمل سواء عن طريق اخواتى او عن طريق الاعلانات انا اللى اقدم واتصل واعمل كل حاجة وهو حتى ما يتعب نفسة باى شئ هاتقولى واية فايدة الكلام عن الماض دلوقت مش عارف انا عارفة انى لازم ابدا من جديد
ولكن المشكلة انى لسة ساعات افكر فية زى ما قلتلك واحيانا اجد نفسى ابكى رغما عنىولكن عارف انا خايفة انى اقابل شخص تانى واتخدع وااتصدم تانى ولكن مع ذلك نفسى احب ولكن هل تفتكر فى زمانا هذا ممكن يكون فى حب او مشاعر صادقة اعتقد ان كل او معظم الناس بقيت لبسة بدل القناع اقنعة ويظهر كل قناع فى الوقت المناسب بدون تفكير فى الاشخاص المساكين او العبط الى بيصدقو ويتخدعو اشكرك يادكتور خالد مرة اخرى والسلام عليكم
