زمهرير الزواج يطفئ وهج الخطوبة ( 2/3 ) .
4
الإستشارة:


عزيزى دكتور / خالد عبد الرازق
اشكر لك سعه صدرك واستماعك لى اذ انك قد خففت عنى ولو قليلا مما انا فية

الان سبق وان ارسلت لك عن مشكلتى مع خطيبى  واسمح لى ان ابدا من الاخر وهو ان الخطوبة خلاص اتفسخت واسمح لى ان امدك بمزيد من التفاصيل اذ انة وبعد ان كتبت لك رسالتى الاولى واخر مرة كان عندى بالبيت وكان كل شئ عادى فى ما يبدو الا من حالات الضيق التى سبق وحكيت عنها ثم كان بعدها كل يوم لابد ان يتصل بى فى نهاية الدوام وهو مروح البيت وجدته على طول مضايق وبيتكلم معايا بالعافية ولما اقول فى اية يقول صداع او تعبان من الشغل اوى اى شئ وظل على ذلك مده اسبوع ثم وبعد الحاحى فيى اية قال انة له اخ فى مصر يرغب بالحضور اللى البلد العربى الذى نقيم فية قولت واية المشكلة قالى يعنى انا اللى هادفع مصاريف احضارة والانفاق علية وانا زهقت وكدة كل ما اوفر مبلغ للزواج يروح ومن جانبى وحرصا علية حتى لو على حساب نفسى

قولت اخفف عنة وقولتلة مش مشكله وما تشلش هم وانا هانتظرك ولو سنين واجد من رده فعل على عكس ما افعلة معى مزيد من العصيبية فى الكلام ومن ثم اتصلت بة اخر مرة مش ردى يرد على اتصلت على ابن اخوة المقيم معة فلم يرضى انة يرد على واغلق الموبايل وانهارت انا بكاء لاحساس انى اهين نفسى وادوس على كرامتى باتصالى علية ولكن ولانى تعبانة وعايزة اوصل معة لحل بعت لة مسج وقولتلة لية كل دة ولية بيضيع الحب اللى ياما وعدنى بية وانى خلاص هاريحة منى وبرده لم يرد وبعد ما عملت كده اظل اوبخ نفسى انى ادوس على كرامتى واظل ابكى طوال الوقت واتسال لية كل هذا انا قدمت له كل الدعم المعنوى من حب واهتمام ورعاية فانا ماكان يجينى نوم الا لما اطمن علية انة وصل البيت حتى لو فضلت انتظر لحد الاعة 1 او 2 لانة بيشتغل بمكتب محامى واحيانا لما احتاج الى فلوس لما حصلت لة ضائقة مالية اقرضتة مبلغ من المال فلماذا يكون هذا الرد على كل الحب اللى قدمتة واختفى وقفل الموبايل مدة اسبوع اخواتى وامى يتصلو علية اما انة لايرد او قافل الموبايل

 ثم رد على اختى الكبيرة وقالتلة فى اية قال انا مكتئب وتعبان وخويا عايز يجى وانا شكلى مش هاقدر اوفر اى فلوس ولا الان ولا بعد سنين طبعا قالتة انة تصرفة لا يليق انى يغلق التليفون ولية مش تتكلم معنا احنا دلوقت اسرة ومفيش مشكلة وولاد الاصول يتحملو الظروف الصعبة قبل الحلوة واحنا متفهمين ظروفك واننا بنشترى راجل وكل دة وهو مش بيكلمنى نهائى قالتلة اختى ادى نفسك فرصة وفكر كويس قبل ما تحطم كل شئ وبعدها بيومين اتصل عليها وقال انا مش قادر اعمل اى حاجة وانا اتمنى لها اى انا السعاده مع انسان تكون ظروفة احسن منى فى الاول سمعت الخبر وقولت عادى وهما طبعا اى عائلتى يموتو خوفا على من الصدمة قولت لماما انا مش هابكى ومش زعلانة يا ماما طبعا كل واحد منهم قعد يقولو انت الكسبانة لانة انسان سلبى واختار الحل السهل انة ينسحب ولكن بعد كدة لا استطيع ان اتمالك دموعى كل شئ يذكرنى بة

مش عارف انا بابكى من مرارة الصدمة انة اتخلى عنى وتركنى ولا عشان انا حبيتة وهو لا يستحق حبى وحاسة انى مخنوقة كلى مكان بيفكرنى بية وافتكر كلامة الرقيق معى فى بداية الخطوبة انة كان بيقول انة بيحبنى اكتر من روحة كان لما بنكون فى الشغل بيكلمنى كل خمس دقايق وكان يتلهف على سماع اى كلمة حب منى وكنت دايما انا باتحفظ عشان افضل كبيرة فى نظرة فكان بيزيد حب وتعلق اذكر كل شئ مع انة لم نخرج سوا غير مرة واحده وكان اخى عازمنا على العشا بعد الخطوبة اتفرج على صور الخطوبة وافستان والدبله كل حاجة واحس ان هناك سكين قد غرست فى قلبى وان قلبى هذا قد انتزعة هو وداس علية بقدمة دون ان يفكر وانة داس على كرامتى بانسحابة دون حتى ان ياخذ رائ بحجة انة مش عاوز اتبهدل معاه وانة لو كلمنى عاطفتى هاتخلينى اصبر معاه وانة كدة بيضحى عشان سعادتى

 سعات رغم رقة اهلى معى وانهم مش عايزنى ازعل بس بيقولو اكيد هو مش حبك او انة عرف واحدة تانية باموت من جواياه بس انا اكتر واحده عرفتة هو كان دايما بيقول انا قبل الخطوبة كنت عايش احسن معنديش هموم ولا مشاكل ومش بفكر فى اى حاجة وانا اتسرعت بس مش فى ارتباطى بيك ولكن فى الخطوة لانى ماكنت جاهز بس انا عارف انك فرصة وخفت تضيعى منى راح فين كل الكلام دا تفتكر هو حبنى فعلا ولا كان كل دا كدب ولية مش حبنى زى ما انا حبيتة وانا كنت مستعده اتحمل اى شء عشانة

المشكلة دلوقت انا تعبانة لما ابكى وماما او حد من اخواتى يشوفنى يقولو انتى عبيطة لانة ما يستهلك فاحبس دموعى ولكن عندما اكون لوحدى اجد دموعى تنهال على ثم اتذكر ان هذا قضاء الله وانة اكيد ربنا بيحبنى وانة مايستهلش حبى لةبس نفسى انساه مع انة كنت بشوفة مرة واحدة فى الاسبوع بس كان ولمدة 8 شهور من اول ما تقدم لى لحد اخر مرة يوميا لازم يكلمنى بالتليفوناعذرنى وسامحنى انا طولت عليك واخدت من وقتك كتير بس انا معك باتكلم مع نفسى لانى من ساعتها اما انى احاول ابين انى مش مضايقة عشان امى مريضة سكر وبخاف عليها انا تعبانة قوى ساعات احس انى عايزةاسمع دوشة او اى كلام عشان لا افكر فية واحس انى اكرة الشغل مش عايزة اروح ومش عايزة البيت وزهقانة من كل شئ

ولو خرجت مع اخواتى عشان يحاولو يخلونى اغير المكان اجد نفس لا افكر فى شئ سواة لية عمل معايا كدة وحبنى ولا لا ودى تضحية صحيح ولا لا ولا هو ريح دماغة وخلاص دكتور عايزة ارتاح صدقنى قبل ما يدخل هو حياتى كنت مرتاحة وسعيدة ولا يشغل بالى اى شئ حتى موضوع الموقع احتى اللى عملته ليا ارجوك انا نفسى اضحك من قلبى نفس انساه نفسى اكرة ومش افكر فية تخيل بعد كل دة لما حد ماما او اى حد يقول علية اى كلام وحش بازعل من جواياه عشانة بس طبعا مش باقد اتكلم واخيرا اشكرك لاتساع صدركلى واعتذر مرات ومرات على الاطالة ولكن انا حرصت اقولك شوية تفاصيل عشان تقدر تساعدنى وجزاك الله عنا كل خير لما تبذلة لراحة الاخرين

اختك فى الله

مشاركة الاستشارة
يوليو 27, 2018, 03:13:01 مسائاً
الرد على الإستشارة:


الأخت الفاضلة :

السلام عليكم ورحمة الله وبركاته وبعد .

رسالتك مشحونة بكم هائل من الأحاسيس والانفعالات وهذا شيء طيب جدا أن قدرتك على التعبير عن مشاعرك تزيد .

وخاصة إذا كانت مشاعر محبطة أو سلبية لذلك أقول لك : زيدي وتمادي في بكائك وحزنك اخرجي آخر دمعة في جفونك . استنفري كل طاقة الحزن والألم.فأنا أعلم أن بكائك ليس حزنا على الشخص نفسه وإنما على طاقة الحب والاهتمام والرعاية والحنان والصدق والإخلاص التي أعطيتيها له .

نصيحتي لك هي البكاء حتى تشعري أنه قد أخذ ما يستحقه ونال ما يستحقه . ابكي إلى أن تصلي إلى حد الكراهية له . ابكي حتى تشعري برغبة في الإحساس الصادق بالارتباط والزواج بمن يستحق .

الأخت الكريمة :

رسالتك على الرغم من كل ما جاء فيها .فهي البداية الحقيقية لنهاية قصتك مع خطيب ليس هو زوج المستقبل .
 

مقال المشرف

التربية بالتقنية

تهدف التربية التكنولوجية إلى صناعة الفرد الفعّال والواعي والمؤثّر في مجتمعه، هذا ما يقوله المختصون، ...

شاركنا الرأي

هل «الوتساب» جعل أطفالنا أيتاماً؟

استطلاع رأي

رأيك يهمنا: ما رأيك في منصة المستشار الأستشارية؟

المراسلات