هل أنا مجرمة أم ضحية ؟
16
الإستشارة:


السلام عليكم..دكتور انا مشكلتى كبيرة اوى انا بنت عندى 19 سنة مشكلتى بدأت من زمان اوى بس اتراكمت لحد ما انفجرت و زادت و مش قادرة أبطل..من وانا طفلة عمرى 4 سنين بابا كان بيعاملنى بقسوة اذا كان ليا رغبة فى اى حاجة أكل أو لعبة مثلا يرفض يحققهالى اعتقادا منه انه مش هيعودني أمشي بمزاجى و لازم أخضع لرأيه و رغبته هو..

مش بس كدة دة كان العقاب قاسي جدا ضرب مبرح بالحزام او بالشبشب أو بالجزم أو بعصاية لحد ما كان الضرب يزرق جسمي..استمرت الحياة كدة بدون اى رغبة او ارادة منى لحد ما وصلت للمرحلة الإعدادية كنت بحس بالألم و الإهانة جوايا اوى و رغبة فى الانتقام و انى اخد حقي منه فى يوم من الايام..انا شخصية حساسة جدا زيادة عن اللزوم بالزات فى الزعل أو الغضب مش بسامح أبدا..

أنا مخطوبة من ثانوى و خطيبي شاب مثقف و كويس جدا و شيك اوى عرفنا بعض عن طريق الانترنت كنا بنحب بعض اوى حصلي مشكلة وانا عندى 15 سنة و دى تعتبر اول مرحلة فى انهياري نفسيا مكنتش لسة اتخطبت..

المشكلة انه اتقدملي عريس سعودى عن طريق ناس قرايب ماما.. بابا كان مسافر فى الفترة دى هو بيشتغل فى دولة عربية مدرس..المهم انى رفضت العريس دة مش بس لانى كنت مرتبطة عاطفيا لا لان كمان كان واضح منه انه عاوز يرتبط بيا بأى شكل رغم رفضي لرغبات جنسية حقيرة فيه كان بيخلي ماما تضغط عليا لانه غنى جدا بالهدايا و الحاجات دى..

بدأت أخاف و أنهار لقيت أمي عايزة تبيعنى ليه و بدأت توقع بينى و بين اخواتى و بابا كاسلوب من أساليب الضغط عليا عشان الاقى المشاكل محوطانى و لا مفر منها الا الجوازة دى..صارحتها بانى عارفة انه عايز يتجوزنى لارضاء نزواته و رغباته..ردت عليا رد جرحنى اوىىىىىى..قالتلى اللى هتعمليه معاه هو اللى هتعمليه مع غيره اما تتجوزيه..

انهرت بدأت تجيلي حالات ضيق رهيبة قلعت حجابي و فقدت الثقة فى الدنيا كلها و حتى استغفر الله العظيم حسيت ان ربنا اتخلى عني .. تعبت و التعب زاد و بدأت أقطع ايدي بقطع من المرايات او الازاز اللى بكسره مكنتش برتاح الا اما اشوف الدم بينزل من ايدي بخرج الالم اللى جوايا فى جسمى لازم اشوف الدم عشان أهدى..بعد علاج نفسي كان بيدمرنى للاسف الدكتور كان بيدينى ادوية تضعف اعصابي عشان مقدرش اصرخ و اكسر كانت بتشلنى مؤقتا و تنيمنى..

وقفت العلاج لانى تعبت منه..بعد موضوع العريس دة ما خلص بسنة و شوية اتخطبت للشاب اللى بحبه كان معنديش أمان و لا تقة فى اى مخلوق غيره كنت متعلقة بيه تعلق جنونى.. المهم انه حصل بدون قصد مننا علاقة بينا من نوع جنسي كان بيلمسنى و كل حاجة لكن انا مازلت عذراء العلاقة دى عمرها سنتين المشكلة انه رغباته بقت مخيفة بيبقى عايز يلمسنى فى حالة انى رافضاه لانه بيتمتع اوى اما دة بيحصل غصب عنى و بيحب يضربنى فى الوقت دة و يشوفنى بصرخ و أتألم دة بيمتعه اوى..

اتعودت على دة فترة بعدين انهرت و طلبت منه يبطل يعمل كدة مش قادرة تبقى رغبته فيا فى حالة غصب عنى و بالعنف دة..اتعرضت بعد كدة لكارثة جديدة و هى طلاق بابا و ماما من سنة بدأ سلوكى يتغير و مبقاش يهمنى اى حد بتصرف بمزاجي شربت سجاير من ورا اهلي لفترة و بطلتها بعدين بابا و ماما رجعو تانى لبعض.. علاقتى ببابا مكانتش احسن الا اما دخلت الجامعة.. كان بيضربنى فى فترة الثانوى لدرجة انى دخلت المستشفى مرتين نتيجة لضربه ليا..دلوقتى علاقتى بخطيبي مش عارفة اوقفها و انا بحبه لكن بدأت أخاف منه احنا بنمارس الجنس يوميا فى التليفون..

و المشكلة الاكبر من كدة انه كانت حصلت بينا مشكلة من شهرين برده بسبب محاولته انه يكون شخصية مسيطرة كليا على حياتى قررت انى هنفصل عنه.. كان عندى فراغ و ألم كبير أوى فى حياتى بدأت أدخل عالنت تانى و اكلم ولاد

اتعرفت على 3 ولاد و كنا اصحاب بس لكن على فترات مختلفة ال 3 حبونى و كل واحد كان عايز يرتبط بيا فيهم انا فهمتهم انى مش مرتبطة و قابلت ال 3 على فترات مختلفة و مبقتش قادرة استغنى عن وجودهم رغم انى مش عايزة ارتبط بحد غير خطيبي .. لكن انا علاقتى بيهم عالنت فقط .. فيهم اتنين دخلت معاهم فى كلام كله اثارة و اتحول لرغبة جنسية قوية و بدأت أمارس معاهم الجنس عالانترنت و فى التليفون ..

انا بعمل كدة و أنا مدمرة نفسيا.. رغباتى الجنسية بتزيد بتتحكم فيا بحس فيها بالمتعة و التخدير اللى اوقات كتير اوى بحتاجهم..انا دلوقتى بخون خطيبي و متألمة و مجروحة و خايفة و عايزاك تساعدنى أرجووووووووك بسرعة ....

مشاركة الاستشارة
يوليو 27, 2018, 03:13:01 مسائاً
الرد على الإستشارة:


أختي الفاضلة الشيماء : وعليكم السلام ورحمة الله وبركاته وبعد :
مشكلتك  تتلخص في :

- إحساس بالمعاناة من أسلوب الوالد في التربية.
- إحساس بالمعاناة من ضغط الوالدة فيما سبق للقبول بالزواج من شخص لا ترغبينه.
- نوع من التهاون مع النفس والتنازل عن بعض القيم والمعايير في علاقتك بخطيبك ، وكذلك في - البحث عن أشخاص آخرين لإشباع رغباتك .
- استخدامك غير الجيد للانترنت .
- عدم وضوح الرؤية لك إلى أين تتجهين في حياتك .

وللخروج من هذه الدوامة أقترح عليك ما يلي :

   1- أن تتوبي إلى الله وتستغفري مما وقعت فيه وتكثري من ذلك الاستغفار ، وتتبعي أي سيئة حسنة فإن الحسنات يذهبن السيئات .

   2- أن تتفاءلي بالحياة وتتذكري أن الله يحبك ويفرح بتوبتك وقد أعد لك موقعاً في الجنة .

   3- أن ترسمي لنفسك أهدافا تسعين للوصول إليها فيما يخص العبادة وأخرى فيما يخص بناء الشخصية وثالثة فيما يخص الجوانب العلمية وتسعي للمساهمة في بناء الأمة الإسلامية ورفعتها .

   4- أن تسعي لتعززي ثقتك بنفسك وتطردي عنك الأفكار السلبية وتحافظي على تماسك شخصيتك ولا تستسلمي للأفكار السلبية .

  5- أن تسعي لمسامحة والدك والعفو عنه وذلك بأن تتخيلي صورته أمامك وتخاطبيه بأن تقولي " اسمع يا والدي على أنك لم تكن كما أردت إلا أنني أسامحك كلياً وأقبلك كما أنت "وتكررين ذلك ثلاث مرات وتقومين بذلك مع والدتك ومع نفسك ومع أي شخص أساء إليك .

  6- أن تسعي لرسم صورة إيجابية لنفسك وأنت ملتزمة بأوامر الله وموافقة للرسول صلى الله عليه وسلم ، وأن تتخيلي الرسول صلى الله عليه وسلم وهو ينتظرك على الحوض يوم القيامة ليسقيك شربة لا تظمئي بعدها أبدا ، وكلما طرأ في ذهنك رغبة غير مشروعة فتذكري ذلك الموقف وأنت على الصراط والخيار محدود إما إلى الجنة وإما إلى النار ، جعلنا الله وإياك من أهل الفردوس الأعلى .

  7- وفي الختام أكثري من الانطراح بين يدي الله واسأليه الثبات والهداية والتوفيق .

والله يحفظك ويرعاك .

مقال المشرف

مع العودة.. جدد حياتك

العودة إلى الدوام المدرسي يمثل العودة إلى الحياة الطبيعية، فبقدر ما يفرح المربون والمربيات بالإجازة ...

شاركنا الرأي

هل «الوتساب» جعل أطفالنا أيتاماً؟

استطلاع رأي

رأيك يهمنا: ما رأيك في منصة المستشار الأستشارية؟

المراسلات