كيف أساعد ابن خالتي ؟
29
الإستشارة:


بسم الله الرحمن الرحيم
بصراحه انا عندي مشكله واتمنى من كل قلبي تساعدوني فيها
ولد خالتي يستخدم حشيش وهو توه في بدايه الموضوع ومحد يعرف هالموضوع من اهله
وانا عارفته بطريقتي الخاصه وماهان علي اسكت من غير ماانصحه
وحاولت اكلمه بس دوم جواله يكون مقفل وقلت خلاص ارسل له الكلام اللي ابيه بمسجات
لان كل تاخير في الموضوع مو من صالحه :
ورسلت له ؟

حبيت أسال عليك
واقولك كلام بخاطري
حبيت اقولك اذا كنت تحب اهلك ومن يعز عليك ومن يغليك .. تسمع من عندي هـ الكلمتين .. اترك عنك هـ الطريق اللي انت تمشي فيه وانت فاهمني شنو اقصد
و تعرف اذا استمريت بـ الطريق هذا راح تخسراشياء كثيره اول شي ثقه اهلك فيك
ثاني شي راح تخسر وظيفتك وثالث شي راح تخسر نفسك وصحتك

واهلك وانا فخورة فيك واللي يخليك لاتخيب ظني فيك وتخلي العذال شمات لو مو واثقه فيك انك تقدر تسيطر على حالك
كان ماتكلمت معك بالموضوع و انت قدها ولها ان شاءالله وكل اللي عليك تترك رفقاء السوء وتقوي صلتك بربك وتخافه
وكل اللي عليك تتركهم وصدقني من بعدهم بتعيش من احسن مايكون واللي ابي اوصله لك اذا ماتركت إلى قلت لك عليه بتخسر الجميع وحتى نفسك
يعني لك الاختيار يالطريق إلى انت فيه يا ربك إلى خلقك ولك الاختيار
كل الناس تغلط مو ملاك حنا لكن من الغلط حنا نتعلم ووقمه الجهل انا نستمر بالغلط ومانستفيد منه واللي انصحك منه محد يعرفه غيرك وخوياك وربك واناعرفته وماهان علي يوم عرفت مااكلمك
.......................................

هذا الكلام اللي قلته له
وردت فعله على طول اتصل علي وقالي ليه راسله لي هالكلام شنو شايفتني لايكون انا مدمن ؟
المشكله انه ناكر كل شي ويطالبني اني اثق فيه ومااصدق كلام الناس وانا واثقه من مصدر الخبر ومتاكده بس هووو ناكر هالشي مستحيل يعترف لي
وانا بصراحه ماني عارفه كيف اتصرف معه وانا هذا الموضوع محد يعرفه غيري ؟ والمشكله من بعد ماكلمني وحاول يبرر نفسه انا مو فيه هالكلام من بعهدهااا متصل

ولا شفت له ردت فعل ؟
وانا بصراحه مو عارفه كيف اتصرف معه ؟
واتمنى من كل قلبي تساعدوني
والله يعطيكم العافيه

مشاركة الاستشارة
يوليو 27, 2018, 03:13:01 مسائاً
الرد على الإستشارة:


أختي الكريمة : ما هي الطريقة التي عرفت فيها عن الموضوع ؟ وهل أنت متيقنة من هذا الأمر ؟ .

لا يجب أن يكون تعديل سلوك قريبك عن طريقك, وإنما يجب أن تخبري أحد ذويه المتفهمين , بحيث يجلس معه ويهديه ويرشده للطريق الصحيح .

مقال المشرف

في بيتي مدمن جوال

يا الله.. ما هذا الذي حال بين الابن وأبيه، والزوج وزوجه، والحبيب وحبيبه!! غرّبَ الإنسان في بيته؛ حتى...

شاركنا الرأي

هل «الوتساب» جعل أطفالنا أيتاماً؟

استطلاع رأي

رأيك يهمنا: ما رأيك في منصة المستشار الأستشارية؟

المراسلات