الوسواس القهري والثقة بالنفس .
13
الإستشارة:


السلام عليكم......
ارجو الاجابة على السؤال فى اسرع وقت ممكن ارجوكم قبل ان يضيع كل شىء ارجوكم
انا انسانة عصبية و مندفعة و سواسة و شكاكة الى اقصى درجة.

شوفت انسانة بكل هذه الصفات المنفرة مرة واحدة.
اكتر واحدة فى الدنيا ده انا بكرها هى انا... لازم اعترف بهذا...
بكره نفسى اوووووووووووووووووووى.
انا و انا اكتب هذه الرسالة فى حالة من الانفعال.
انا مش عارفة الناس بتكرهنى ليه....
و حتى اللى بيحبونى حيجوا يوم و يكرهونى و يبعدونى عنى..

امى و ابى....... و بصراحة هما الاتنين دول انا كمان بكرهم اوووووووى
لانى اعتقد انهم السبب فى الحالة و الشخصية اللى انا و صلتلها ده
عدم و جود شخصية لى و عدم وجوود ثقة بنفسى, عدم القدرة على الكلام و رد اذية الناس لى....
زوجى بيحبنى اوووووووووووووووووووى
و انا بعشقه و مقدرش ابعد عنه خاااااااااااااااااااالص

و هو بيحبنى لانه بيقول انى مطيعة و بفهمه......" بس دلوقتى رجع يقولى انى بقيت ما بسمعش كلامه زى الاول"

بس سذجة و لازم انعلم من الحياة و اخد خبرة,, هو عارف بل هو اللى كمان لاحظ الكلام ده من نفسه... ان اهلى هم السبب فى اللى وصلتله من شخصية زبالة كده.
بس حيجى فى لحظة حيسبنى فى حالة لو انت طلبت من الطلاق.و انا اعتقد انى حطلب منه الطلاق لانى اشعر انى مش استهله خالص و لانى اشعر فى كل وقت انه بينتقدنى و بحس انه مش حيقدر يستحملنى اكتر من كده .,... و فى لحظة انفعال و احساس انى ولا حاجة ببقى عايزة اطلب منه انه يطلقنى  علشان هو يرتاح و انا ارتاح و هو حيطلقنى لمجرد انى لمحت بالموضوع ده
بس انا مش حرتاح بالطلاق و لا هو كمان حيرتاح.
انا اتمنى الموت عن انى اطلق لانى لو طلقت سوف اموت فى اليوم الواحد الف الف الف مرة و الناس ما حتصدق انهم ينهشوا فى لانهم بيكرهونى اوووووووووووووى
حاولت انى اسيطر على اعصابى و اندفاعى بتدريبات معينة و ابعد الفكرة عن دماغى
بس الايام ده انا بعانى من ضغط نفسى فظيييييييييييييييييييع

بحس انى منتقدة طول الوقت منه ومن امه ومن امى ومن ابى
بحس انى مش نافعة ف ولا شىء
خايفة فى لحظة انى اطلب الطلاق و اخسر كل حاجة
انا يائسة وتعبانة
انا عارفة انى مريضة نفسيا
ولازم اتعالج بس للاسف زوجى و اهلى رفضيين تماما
حتى انه رفض انى اخد دواء مهدىء كنت ااخذه من قبل لاmotival

رفض رفض تام الدواء و العلاج ....هو بيحبنى و انا عارفة ده و عارفة انى لو اطلقنا هو مش حيبقى مبسوط لانه هو زى ما بيقول مش حيلاقى واحدة زى ... هو قالى انه مش حيطلقنى خااااااااالص و ابدا الا لو انا طلبت
و انا خايفة من نفسى انى اطلب ده, مش خايفة منه بل من نفسى انا
حتقولى فهميه كل اللى قلتيه ده
حقولك فهمنته الف مرة. و هو مش مقتنع هو بيقولى حاولى انك تحفظى على حياتنا انت اللى تحاولى.
فهمته كتير.
قولى اعمل ايه.بدون نصيحى , خدى علاج كذا لانه مرفض بتاتا من ناحيته.

ومن غير لازم تتعلجى لانه رافض برضه و اهلى كمان. ومن غير نصيحة قوليلوا لانى قولتله على كل ده
هو الامل لى فى الحياة انى اعيش . لانى من غيره مش حقدر اعيش خالص
لانه هو الوحيد اللى فى الدنيا ده اللى بيحبنى و الناس كلها بتكرهنى
فشلت فى شغلى و فى ارتباطاتى السابقة و هم اللى تركونى اتالم لوحدى و رمونى من غير ما يبصوا الانسانة ده كويسة ولا لاء .
اكيد عايز التفاصيل:

الاولانى اتقدم لى عائليا و انا كنت معرفوش و قرانا فتحة. ارتبطت بيه عاطفيا و حبته اوى و هو كان بيحبنى اوى . و مرة واحدة ابتدى يتحجج انه ما يقدرش يكمل علشان امكانياته مش كاملة و كلام الحجج ديه. و برضه جيه قبل امتحاناتى بيوم واحد مامته كلمت مامتى و قلت لها ان كل حاجة لازم تنتهى ... وماما ما قلتليش الصراحة كلها. طبعا اتصدمت صدمة كبيرة و تعبت نفسيا و كنت بحس انى بموت و ان روحى بتطلع و انى حدفن خلاص.

بعد حوالى شهرين قابلت واحد صاحب باباى و اعجب بى و طلبنى لابنه. لما جيت عملت صلاة الاستخارة عيت جامد جدا و كنت رافضة الاكل و كنت بحس انى بموت و انى بدفن و انى حروح القبر اتعذب فيه.
بس بعد شهر تانى اتجدد الموضوع و الاب طلب من بابا اننا نعمل مقابلة و لقد كان
و خلال فترة تعارفنا انا و الشخص ده الاب اللى هو صاحب ابويا تعب و قبل خطوبتنا ب 4 ايام توفى و رحت له فى الجنازة و الدفنة

المهم بعد العذ1اء الولد اتصل بى و قالى ما ينفعش ان احنا نكمل مع بعض لانى ما فيش حب بنا " و فهمنى من كلامه انه ارتبط بى علشان رجاء ابوه و خاطر ابوه

و بعد سنة بالظبط قابلت زوجى ده و اتعرفت عليه. لاقيته مختلف عنهم
لاقيته بيفهمنى و يفهم طريقة تفكيرى و ما يظنش فى حاجة غلط. وقف جنبى كتير. لو اعدت اوصفلك اد ايه انا بحبه.
بس انا مستهلوش بحس انه يستاهل واحدة تانة احسن منى.
حتقولى مميزاتك  حقولك مش عارفاها و مش قادرة افكر فيها
و لو عندى مميزات اعتقد انها بتتلاشى .

اسفة اووووووووووووى من طول الرسالة بس ارجوكم سرعة الرد ارجوكم قبل ما انا اضيع
عايزة ابقى انسانة الناس يبحبوها و جوزها متمسك بيها بتعرف تتصرف فى الامور كلها ليها شخصية
بمعنى اكون حاجة و اعمل لنفسى حاجة من لا شىء ابدا من تحت الصفر
شكرا لكم و جزاكم كل خير.

مشاركة الاستشارة
يوليو 27, 2018, 03:13:01 مسائاً
الرد على الإستشارة:


الأخت دعاء : كل ما ذكرته لا يتمشى مع الوسواس القهري ، لأن مريض الوسواس يكون مقتنعا أن أفكاره دخيلة عليه ويكون غير مقتنع بها وقد يحاول مقاومتها . أما أنت فأراك مقتنعة جدا ببعض الأفكار الخاطئة ، مثل أن كل الناس ضدك وأنك إنسانة فاشلة لا تحمل أي مميزات وأن زوجك يستحق خيرا منك .
كل هذا هو أقرب إلى مرض الاكتئاب الذي وصل بك إلى حد التأثير على الأفكار فجعلك تحملين الحقد والكراهية لأقرب قريب من نفسك وهما الوالدان !

بداية ليس بالإمكان أن تعالجي كلاميا فقط ، لكن يلزمك عقاقير تصلح ما أفسده الاكتئاب في كيمياء المخ ، فإن المزاج وحتى ثقة الإنسان بنفسه ونظرته إلى نفسه والمجتمع إنما تسيطر عليها ناقلات كيميائية ولا يصلح خللها سريعا إلا الدواء .
يمكنك أن تستميلي زوجك للذهاب إلى طبيب نفسي ، فإن المرض النفسي شأنه كأي داء آخر عرفت أسبابه وضمنت نتائجه بإذن الله .

وان لم يتمكن لك الذهاب إلى الطبيب النفسي فيمكنك أخذ بروزاك 20مج قرص صباحا ، بالإضافة إلى تريتكو 50مج قرص مساء وأيضا زولام 0.25 مج قرص في المساء . ثم بعد العلاج تبدئين في غرس الثقة بنفسك بدءا من توسيع علاقاتك وملئ وقت فراغك وصولا إلى إصلاح العلاقة بزوجك ، خصوصا أنك تحرصين عليه وهو يشعر نحوك بنفس الشعور . وأظن أن العلاج سيغير كثيرا من نظرتك إلى نفسك وإلى من حولك .

مع تحياتي .

مقال المشرف

مع العودة.. جدد حياتك

العودة إلى الدوام المدرسي يمثل العودة إلى الحياة الطبيعية، فبقدر ما يفرح المربون والمربيات بالإجازة ...

شاركنا الرأي

هل «الوتساب» جعل أطفالنا أيتاماً؟

استطلاع رأي

رأيك يهمنا: ما رأيك في منصة المستشار الأستشارية؟

المراسلات