لماذا هذا الجفاء من زوجي ؟
30
الإستشارة:


السلام عليكم ورحمته الله وبركاته

اخوتي الكرام اطرح بين ايديكم حل لمشكلتي مع زوجي والتي ارجو ان اجد الحل عندكم مشكلتي راح تطول فااعذروني

انامتزوجة منذ سنتان تقريبا ولي ابن عمره سنه عمري 25سنه وعمر زوجي برضه 25سنه الا اني اكبره بحوالي سته شهور مشكلتي بدت معه من يوم ماتزوجنا تقريبا ثاني يوم اذا بديت الحظ عليه جفاف في المعامله ماكانت موجوده ايام الملكه كان ايام الملكه والله سمن على عسل مايحصل بينا اي خلاف واذا حصل نتصالح فوراوكان يعجبه اي حاجه اصلحها في شكلي ولبسي لكن بعد الزواج تفاجات انه كل مالبس له شي يعلق علي ويقول روحي شيلي عنك هاالخرابيط الي انتي لبستها

اتزين له يقول ماله داعي انتي وين بتروحين هذا كله وانا مالي يومين عنده اقوله كل هذا لك علشانك يقول انا مايعجبني كذا وسأله طيب ايش الي يعجبك يقول مادري انتي اعرفي الي يعجبني والله صرت البس من كل شي ولا القى منه ريق حلو دائما يفشلني ويحرجني حتى لما اقوله كلام حلووتدلع عليه وامدحه  مايرد علي او يبين على الاقل  انه مبسوط تصدق حتى السلام لما ادخل عليه وسلام مايرد وهو اذا دخل علي مايسلم احيانا امزح معه ومد يدي له وقوله سلم يناظرني بحتقار دائماوحتى القبله لما اجي اعطيه ايها يقوم يمسحها اوا يبعدني عنه بعصبيه هذي اول مشكله واجهتني معه ومازالت ثاني مشكله انه يكرة يطلع معي في اي مكان سواء سوق او تمشيه  يعني تصورو اني وانا عروس في شهر العسل ماطلعت معاه والله العظيم الا مرتان والباقي انا جالسة في البيت وهو الي يطلع

 وحتي يوم سافرنا سافرنا يومين ورجعنا الكل كان مستغرب منايوم سالته قال انا مااحب الروحه ولا الجيه احب جلسة البيت اقوله الواحد يمل من جلسة البيت يقول اذا مليت طلعت انا بروحي طيب وانا يقول الحرمه مكانها البيت مالها روحه ولا طلعه اقوله طيب انا زوجتك غير يقول حتى لو مالك الا بيتك والله على ذالحاللا اطلع معه ولااروح معه مكان ابدا الا في حاله وحده وهي ان احد يطلع معانا في ذيك الساعه نطلع انا وياه مستحيل معني والله اذا صارات معجزة وطلعني اجلس اشكرة وسولف معاه وضحكه علشان مايقول انا ممله لكن مافي فايده ابدا

حتى السوبر ماركت من تزوجت مارحت معاه الامرتين فقط وكان على قولته  مضطر لانه مابعد يعرف مقاضي البيت المهم انا تنازلت عن حقي في الخروج معه وصرت اسكت علشان ماتصير مشاكل مع انه انا في بلد بعيد عن اهلي واهله بسب شغله ومع ذاللك يرفض الخروج وياي وحتى ابنه على فكرة يعاملة نفس معاملتي بجفاف كبير المشكلة الثالثه وهي الي بتسبب الانهيار الكبير بيني وبينه وهي الانترنت زوجي مدمن انترنت بشكلف لايطاق الصباح قبل لايروح شغله اذا جاء الظهر منشغله اذا قام المغر من نومه الين الساعةالواحده لليل وهوجالس عاليه حاولت كم مرة اتناقش وياة ابين له اني احب جلسته احب اسولف وياه احب اطلع وياهلكن مافيه فايده تعلق باالانترنت بشكل فضيع

 في البديه كانت المشاكل خفيفه وكنت اطلع على المنتديات الي يدخلهاواشوف ايميله عادي لكن من فترة اربعة شهور تقريبا قام بوضع قفل للكمبيوتر اكتشفت السبب وهو اضافته لبنات عنده في الماسنجر تهاوشت معاه وحصلت بنا مشكلة كبيرة وصلت الى حد الطلاق لكن الله ستر ولطف

المشكلة الحين انه الين الحين ضايف بنات عنده في الماسنجر وانا جالسه احترق واتعذب وهو مايدري اني دريت لانه محذرني اني افتح كمبيوترة اواشوف شلي فيه وانا فتحته بدون مايدري ولقيته مسوي لي على اسمي حظر خايف انه يلخبط بيني وبين البنات الي يكلمهم انا ياخوان بسب هالمشكلة تكدرت حالتي ونار الغيرة والحقد شابه في صدري عليه ودي انتقم منه مع العلم تناقشت وياهفي المشكلة الاولى  وهو يشوف ان الي يسويه مش غلط ومجرد صداقه بينه وبينهم

 والله اني احيانا ادعي عليه من حرتي لاني مش شقادرة اتكلم واصارحه بالي شفته في ماسنجرة حتى اني صايرة نكديه وياة من يوم دريت وهو مطنشني ولاهامه الموضوع والله يجماعة الخير ابغى حل سريع وقولولي هل انا مخطائه ام لا مع العلم اسلوبه في معاملتي حتى اهله شافوه بس ساكتين ولا تكلمو معاه

صرت والله اشك في نفسي وقلت يمكن علشاني اكبر منه ما بغاني مع اللم اهو مادرى اني اكبر منه الا بعد الملكه حتى انا والله مادريت الا بعد الملكه ولا كان ماوفقت عليه وبعد اني ماقدرت اجذبه لكن والله العظيم حاولت بشتى الطرق لكن مش قادرة الرجال كل ماله يزداد بعد عني وينغمس في الحرام ومحادثة البنات في الماسنجر ارجو الرد بسرعه واسفة على الاطاله

على فكرة زوجي كان قبل الزواج يعالج عند طبيب نفسي كان معاه وسولس قهري وكان ياخذ مهدائات والسبب يقول كان ابوه وقسوته معاه والحين الحمد الله ماشوف عليه اي حاجه لكنه يحتقر الحرمه ويقول انه مالها اي راي عنده وهي مجرد حرمه تجلس في البيت تكنس وتطبخ وتربي وبس

مشاركة الاستشارة
يوليو 27, 2018, 03:13:01 مسائاً
الرد على الإستشارة:


الأخت أم ناصر : تحية طيبة وبعد :
لقد تأخرت كثيراً في حل مشكلتك والبدء في إنقاذ وضعك المتأزم مع زوجك ، فالحال التي تعيشيها مع زوجك لا تسر عدوا ، فالأمر المعتاد أن يكون هناك نوع من التواد والملاطفة بداية الحياة الزوجية ، وساعاتها أجمل ساعات العمر ، ولا يطل عنق الملل الأسري إلا بعد انصرام السنة الأولى في أكثر الزيجات ، أما أن يبدأ هذا المشروع من الخطوات الأولى في زمن حياتكما فهو وضع غير صحي ، ودليل على وجود خلل في العلاقة بين الزوجين .

 وواضح جداً أن الزوج يفتقر إلى رصيد حب كاف يدفعه لمجاملة الزوجة والتلطف معها وحب محادثتها ، ولعل الخطوة الخطيرة شرعاً التي قام بها من مد جسور صداقة مع فتيات برهان على هروبه من بيت الزوجية .
 ونصيحتي أن تبادري إلى إيقاف هذه المعاناة فوراً ، وأظن أنك بحاجة ماسة إلى وقوف أحد أقربائك معك كالأب أو الشقيق أو الخال ، فواحد منهم على الأقل لا بد أن يمارس دور ضاغط على الزوج ليكف عن هرولته خارج بيئة الزواج ، وربما أسهم القريب في تقديم بعض البرامج المفيدة لتنمية الحب بين الزوجين .

 كرري محاولة إيقاظه واستعيني بالله تعالى فهو مجيب الدعاء ومفرج الكربات .  

مقال المشرف

مع العودة.. جدد حياتك

العودة إلى الدوام المدرسي يمثل العودة إلى الحياة الطبيعية، فبقدر ما يفرح المربون والمربيات بالإجازة ...

شاركنا الرأي

هل «الوتساب» جعل أطفالنا أيتاماً؟

استطلاع رأي

رأيك يهمنا: ما رأيك في منصة المستشار الأستشارية؟

المراسلات