ابحث عن حل لمشكلتي

ابحث عن حل لمشكلتي

  • 41527
  • 2018-12-14
  • 163
  • ع .ف

  • السلام عليكم ورحمه الله وبركاته اكتب استشارتي علئ امل ان اجد حل لها عندكم بعد الله متزوجه لي 4سنوات بيني وبين زوجي 9سنوات فرق ب26اناوهو تقريبا ب35 وعندي طفل جاء بعد عدد من الاجهاضات اول سنتين زوجي كان بعيد بمنطقه وانا بمنطقه اخرئ ثم انتقل لمنطقه قريبه من منطقتي يفصله ساعتين تقريبا كانت حياتي بسيطه لاتخلو من الاشيا اللي تبسطني والاشيا العاديه اللي تحزني لما يجي كنت افرح وانبسط نخرج نروح نرجع نتخاصم بس نتراضئ لانه بعاد بعد ماقرب نفس الشي لكن فيه صفه عكس شخصيتي هو طويل بال مره وانا من النوع العصبي اللي ماتحمل كلمه اتنرفز فاغلب مشاكلنا بسبب هاذي النقطه وبسبب اجهاضتي كمان احسها اثرت في بالذات اول اجهاض كان بعد زواجي بشهرين تقريبا 3شهور ونص واجهضته مافرحت بالحمل من البدايه وكنت رفضته ابوه بعيد بجهة وانا بجهة مع اهلي وان جا بالشهر كل اسبوعين 3ايام يجي يشوفنا ويمشي لكن اراده الله انه يسير وبدت امي تحببني فيه واشترت شغلات بسيطه للبيبي حببتني فيه راد الله انه مايتم واجهضته جاني اكتئاب بعده بسيط بالنفاس وراح حملت بعده بسنه 2 مره اسبوعين واجهضته بعدها بشهر حملت وعدئ شهرين واجهضته طبعا هذا كان مأساءه لي طولت قريب اسبوع بالمستشفئ ومو راضي ينزل اعطوني ادويه تحاميل طلق كل شي التشخيص كان بالبدايه عنقودي بعده كيس بالرحم بعده مجموعه اكياس بعده انكتب لي انه وضعي غريب حسب الحاله ولم يتم معرفته راد الله انه ينزل وجلست تحت متابعه المستشفئ،بشكل شهري لين ينخفض الهرمون وترجع المستويات طبيعيه جلست سنه كامله بعد اجهاضي وحملت ب4اللي اكرمني الله فيه مريت بفتره حمل وولاده صعبه جدا بعد ماخرجت منها وخلصت نفاسي كان فيه نفور مني لزوجي بعكسه حاولت انه اضغط نفسي وارجع له بالتدريج مابعد عنه واوافق،بين طفلي وبيتي وزوجي لين رجعت شوي شوي وسرت اتقبله بعد ماسار طفلي عمره تقريبا 4شهور يصادف قبل العيد بايام المهم انه كنا نتكلم انا وهو واجهز الاكل راح بيمزح بيده معاي ضربني برجله في وجهي وطحت علئ الارض تألمت من الطيحه واستغربتها منه وانصدم هو كيف جات خرج شوي ورجع وانا جلست ابكي ماقد سارت معاي وجا يتعذر وانا مانسيتها بنفسي بس مشيت الامور خفت اوصلها لاهلي اقلهم بيمزح وضربني يسير شي اكبر من كذا ندمت انه مانكلمت حتئ لو كان مايقصد مافي شي يبرر الغلط اهله طبعا بمنطقه غير بحكم دراستهم انتقلو لمنطقه اقرب لنا فاغلب وقته يروح هناك سارت تاكل بنفسي كثره روحاته فيه اخوانه بس اكثر شي هو يخدمهم وانا كمان بس يتكاسل احيان عني طلبت اجازه لنا نسافر اخذها وبما انه مافي مدارس انتقلو اهله واضطر بجلس معاهم فسافرت مع اهلي علئ اساس هو بيلحقني ماراح جلس عندهم وراحو يتمشو معه رحت اعتمر كانو بس يتصلون طول الوقت الجوال مايسكت تضايقت من ذا الشي حسيت انه مربوطه مايوديني مكان الا هم لازم يوديهم غيره وكثير مواقف علئ نفس الموال تتكنسل مشاويري علئ حسابهم بعذر انهم اهل مايقدر يقول لا وانا زوجته يحكمني اعترف انه فيني غيره والشي اللي احبه ماحب احد يشاركني فيه لكن حتئ هو له دور بذا الشي سافر مره معاي بعدها جاته اجازه يبغاها مع اصحابه تغيير قلت مو مشكله اكتشفت انه بيروح مع اهله عرض اروح لكن تكلم ووصل معلومه يبغون الطلعه اهليه خاصه ماحد يشاركهم مارحت طبعا وما كنت ابغاه يجلس معاهم يوصلهم ويرجع لي لانه فيه اخوانه غيره يجلسون مع الباقين رفض اتكنسل مشواري من نصه عشان يروح يجيبهم ويرجع وانقهرت لميت اغراضي ورحت لاهلي تخاصمت معاه وتكلمت عليه من قهري واتوقعت يسير طلاقي بذاك اليوم وهو مسك نفسه طبعا طنش وراح معاهم بعد ماراق اتصل مارديت مرتين 3 شفت انه متمسك باهله وعادي انركن انا وولده علئ جنب مافي مجال يساوي بيننا طولت مشكلتنا قريب شهر ورجعت اتصالحت وسافرنا مده اسبوع كتغيير وبرضه عك بالسفره ورجعنا لنفس المشاكل انت توصلهم وماتوصلني تعطيهم وتسحب علي هم فيهم شغله ماتعجبني اغلب الجلسه ضحك واستفزاز بالكلام فعزلت ماروح كثير لكن كل ماقوله بالفتره الاخيره بروح يقولي لا انت اعزميهم يجوك الببت فيه شغل ويكون مليان ضيوف مثلا فهمت انه مايبغاني اروح فسكت اعرف انه المقارنه مي حلوه لكن موبيدي احاول ابعد عنها فتسير شغلات بنفس اليوم مثلا يردني فيها يقضي مثلا مشاورهم انقهر هم فيه وبلاه بيخرجو ويصلحو اللي يبغوه مبسوطين مايهمهم احد انا مثلا يتكاسل او يقولي خلي اهلك او اخوانك سرت اكرههم واكرهه معاهم حتئ المتزوجين منهم يخدمهم وانا اولئ بالخدمه ويجيب اغراضي عذره دايم لي نسيت راح عن بالي انشغلت خليها بوقت ثاني مالي خلق شي يقهر سرت افكر بالطلاق كثير تعبت نفسيتي من المشاكل ووجع الراس حتئ ضغط سار يجيني من فتره لفتره لكن بنفسي اقول مو حل طفلي ايش ذنبه يعيش بين بيتين منفصل بالذات انه يحب ابوه مافي احد كامل وكل واحد له ايجابيات وسلبيات واجلس احسبها براسي لكن كثره المشاكل وحبه لهم والتفرقه اللي مايشوفها احس ماسرت اتقبله صارحت امي بفكره الانفصال وزعلت مني لكن توه زواجي 5سنين وكذا عايشه كيف راح استمر عمر وهم علئ طول بحياته مايقدر يفصلهم عنه مو حسد وانا من نفسي انقهر لما اتخاصم معه او اصلح كذا لهم لانه ماتعودت اعامل احد بكره او بغض لكن ايش اصلح تكلمت عن تفاصيل صغيره ماتطرقت لهم كيف هم عايشين وليه سرت كذا لكن اتمنئ القئ حل لمشكلتي ابغئ اكون مرتاحه وراضيه بعيده عن المشاكل ووجع الراس اتمنئ مسكلتي تكون خاصه بين وببن اللي بيرد عليها ماتتنزل بالموقع وشكرا
  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2018-12-18

    أ. حامده علوان السهيمي

    السلام عليكم ورحمة الله وبركاته
    حياك الله أختي الغالية في موقعك موقع المستشار سائلين المولى عز وجل أن نكون عند حسن الظن
    قد ذكرتِ مشكلتك و كانت ترتكز على:
    عصبيتك وخروجه مع أهله و تلبيته لطلباتهم و تقصيره معاك وتفكيرك بالطلاق كحل ،
    فأقول مستعينة بالله :
    ١-إهتمي بصحتك النفسية و هوني عليكِ مثل هالأمور : تحل بطولة بال و مازلت صغيرة و طفلك بحاجة لك و أنت بصحة جيدة و أنتي كذلك بحاجة لأن تتمتعي بصحتك و شبابك و حياتك الزوجية
    ٢-تخلصي من صفة الغضب ، و إنشغلي بما ينفعك و فكري دائما ماذا لو حدث كذا....؟ ماذا سيحصل؟ لا شئ.
    ٣-أما بالنسبة لعدم تلبيته لطلباتك فلعلك تتنازلين عن رغباتك إذا اعتذر هو حتى إعتاد على ذلك أو تذهبين مع إخوانك ، فقوي شحصيتك و إقرأي لياسر الحزيمي :" كتاب الشخصية القوية " أو تابعيه باليوتيوب و قوي شخصيتك واطلبي ما تريدين بكل وضوح وقبل بوقت لأن الرجال يحتاجون لوقت للتفكير.
    ٤-لابد أن تتفقي مع زوجك على الأمور المشتركة بينكم و التي لا تقبلون فيها تعدي الحدود و تتفاهمون وتتحاورون بكل محبة وود و تضعون النقاط على الحروف مع إختيار الوقت و المكان المناسبين لذلك .
    ٥-تفكيرك بالطلاق ليس حلا أبدا فلذلك أنت شابة فقط تعلمي طريقة تفكيره و أنصحك بقراءة كتاب النساء من المريخ و الرجال من الزهرة أروع الكتب في ذلك .
    ٦-توكلي على الله و أحسني الظن به و أكثري من الدعاء و تعلمي الصبر فالحياة كلها معتمدة عليه .
    دعواتي لك بتفريج الهم و الغم و تييسير الأمور .
    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات