ما الحل مع زوجي

ما الحل مع زوجي

  • 40257
  • 2018-05-06
  • 458
  • مرام

  • حابه استشيركم \انا بيتي على وشك انه ينخرب وزوجي مخليني عند اهلي ولا يدري عني انا وولدي وكلمني في اخر مكالمه بيننا من قبل اسبوعين انه من اليوم ورايح ماراح اجيبك او اوديكي بيت اهلك \السالفه من البداية كان عندي موعد بالمستشفى مقسوم على يومين الاحد والاحد الي بعده في اول موعد اعطيته خبر بالموعدين واني بروحها مع الوالده لانه هيا كمان له بنفس المستشفى واصلا هو دايم مشغول فقلت عصفورين بحجر المشكله صار بالموعد الثاني كنا اساسا ما نتكلم الى في الضروري جدا وانا زعلانه منه لانه قبل 3 ايام كان مطنش وكله لاهي في شغله وتلفونات اصحابه وانا كاني عروسه بالبيت بس يجي وقت يالله في اكل فجاه ولده كان يصيح زيه زي اي طفل ممغوص وعملت كل شي له فخليته على بطنه وكملت شغلي قدام عيوني مارميته \هنا الطامه جا شال الولد وبصوت عالي قالي لمن يوحشك الولد لا تطلبية وخرج شاله وطلعه لامه فوق وسك الباب بقوه \سكت قلت شوي بيرجع وبيرجع الولد ولا شي صار خلاه وانا اتقطع على ولدي ابغاه \وقتها راح اتصل بامي وابويا وقالهم ودو بنتكم المستشفى شكلها الحبوب ماثره عليها ومن هذا القبيل \الحبوب هي حبوب منع الحمل يعني اخذها عشانه وهيا تعمل استرس بس عادي محد قالي شي غير زوجي هوا كان يخلق المشاكل ويقول انتي معصبه ومنفسه خذوها تريح عندكم كم يوم \هذا شي ولمن كلمته يقول بضحك حرقك الكلام انقهرتي ويضحك لين نام نمت وماعلقت على كلامه استنيت يوم يومين اربع قلت بيجي يعتذر ولا شي يطلب اكله ملابسه ويخرج\فيوم المستشفى كلمني على طول فينك قلتله بالمستشفى وهذي اول مره اروح بدون اكلمه بس عنده خبر من الاسبوع الي فات \قالي من قالك تروحي خلاص اخرجي الان امرك مع انه عنده شغل لاكن يكنسل اذا في راسه مضاربه عادي قلتله مش مكنسله انا دافعه فلوس وحاجزه من شهر \على طول قال انتي ماعندك رجال في البيت يلمك اجل لا تقعدي معايا وخليكي عندهم وكلام من هذا القبيل قلت طيب وسكرت الخط جلس يتصل مرات كثيره علي وعلى امي مارديت اتصل على ابويا وكله بصوت عالي بنتك وبنتك ابويا تعصب من حقه \ايش سويت انا مايودي اي مشوار لو مستشفى الى لمن يفضى وهذا يوم بالاسبوع كل الايام مشغول من شغل مشاوير روحه وجيه ونادي وانا اخر شي يقولي لكي يوم بالاسبوع هوا يكون منفس وبقاله ومستشفى كل شي حرررام والله \\الان هوا قال لا تقعدي معي وقد قبل كذا كل ما اتخاصمنا يقولي يعني نفترق يعني تبغينا نترك ومره قالي ايش رايك نقلب زواجنا عرفي \\\استاذي انا احس زواجي متعلق كله واجبي بفراش الزوجيه واعمله اكله الي بشروط عشان الدايت \\غير كذا ولا شي \\يبدي نفسه في المصاريف والمشتريات وكله يجيبه بالدس ويدخله وعادي بالالاف \\انا وولدة لازم نكوون في اشد الحاجه للطلب \\دايمن مو ولدك في حليبه وعنده لبس يكفي الباقي مو مهم والله ما اخذ مبلغ الى اكون طلبته واتشحت شهور عليه \\واخذه بشرروط ومبلغ صغير يدخل فيه طلباتي طلبات ولدي نواقص البيت \\واذا ماكفى مو لازم \\والله انه زوجي بيدخله مبالغ زي رواتب موضفين بشكل يومي وليس شهريا وفوق كذا ماعندي ماعندي \\وايضا قبل شهر تقريبا بعد خصام بيننا انه دايم مشغول واني كل مااجلس معاه مشغول بجواله ويضحك مع اصحابه ومن تلفون لتلفون احيانا مكالمات من اصحابه الساعه 12 و 1 الفجر وقد بلغته انه دا يضايقني يقول اوكي وبكرى يكلم نخرج اي مكان مع الجوال في السياره مع الجوال كل مكان لدرجه اتكلم احيانا والرد دايم ها ايه ايه وي موعارف على ايش \\كل ما اكلمه يقول شغل شغل \انا بشتغل بس بفصل بين بيتي ولدي وزجي وشغلي \\بعد الخصام نادى صاحبه عندنا بالبيت في الاستديو تبعه وقفل الباب وانا بالمطبخ فعلابالي انه لوحدة مقفل وجالس \طلع جايب صاحبه ويشتكيله مني يا استاذي اشتكاله من كل شي ووصفه على كل ومرتي ومرتي واهلها وكل شي من يوم زواجنا وهوا الي كان دايمن يقولي مهما صار حتى اهلك ماتقوليلهم \وكنت واللهي اسكت اكل بنفسي واسكت \طلع يقول لامه واخته واخوه \واثلاث من اصحابه بكل التفاصيل وعادي لمن عرف اني عرفت عاتبني وجلس يومين برى البيت ولمن رجع بس قالي اسف حاف يالله فيه اكل \\\\\الان انا في بيت اهلي كلم امه قوليلها ترجع ولا ما يصير خير انا ما راح اجيبها فلمن كلمتني قلتلها انا ماخرجت من بيتي كان عندي شغل وبعدها رحت المستشفى وولدك اتصل وصار الي صار قالي لا تجلسي معي ولا تجي كيف ارجع قالتلي ارجعي برضو مشي كلمته المهم كل كلامها مشي كلمته عشان لا تخربي بيتك ولا يطالع برا \\ما همها فيا ولا في اللي قالي عليه \\انا عندي الم فضيع ناتج عن اورام برحمي قالتلي ماقلي ماراح يتكلم ولدك اهم شي نفسه حتى طلبته حرمه تساعدني لو كل اسبوع تجي رفض يعني شغل وبيت وطفل رضيع وتلطيش بالكلام \\ولا كانو شي كل الكلام ارجعي بس فرفضت \\بعد كم يوم سافر عنده نقطه كل ما نتخاصم يسافر مع انه يقول دايم مافي فلوس بس يسافر لوحده عادي فسافر هذي المره وغير كوالين البيت اضطريت عشان ولدي اروح اجيب اغراضه لقيته مقفل البيت وهذي اول مره \مع انه دايمن ما يقفل بغرض لو اهله دخلو يلاقوه مفتوح وكل ما اخرج امه تدخل بيتي وعندها مفاتيح بيتي يعني اهله عندهم مفاتيح بيتي وانا بيتي مقفل عني \\\\ومركبين كميرات مراقبه ورافضين تماما انهم يعطونا الحساب زيهم بس هما يراقبون \\\ دوامي يرفض انه يوديني ولا يجيبني كله مع السواقين والسواق حق اهلي ولو احتاجوه يعصب وليش ما تكلمو \\انه مو ملزوم \\جدا بخيل من الامثله يوم عيد ميلادي جاب ليا كيكه ابو شخص قد كف اليد فقط \وكملت وفرحت \يوم عيد ميلاده عملتله كل شي وكيك وهديه زعل وماعجبه شي عشان الهديه ماكانت الايفون الجديد الي يبغاه \\بالله واحد يستكثر فيا باقه ورد اذا جاب ورد يجيبه من تبع القاعات بعد مايخلص شل الي تجي فوق الطاولات \ ويزعل وياخذ موقف \\من يوم اتزوجنا خلاني اكفله وبدا بالشغل \وبعدين يبغاني ادخل شراكه باسمي مع اصحابه عشان هوا مو سعودي \وكثير حاجات عشان انا السعوديه \\بصراحه حسيت انه بس استغلال كل شي بصالحه \\\\هذا ولا شي عندي اشياء كثير \\اسفه على الاطاله \ابغى استشارتكم ايش اسوي وهل اكمل مع هذا الرجل ولا لا
  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2018-05-15

    الشيخ عبدالله يوسف العبيسي

    أختي مرام من المهم التواصل مع مركز الإرشاد الأسري لأنه لا بد من استكمال المعلومات ولو تحضرين أنت وزوجك أفضل بل مهم جدا.

    إذ لا يمكن أن تكون استشارة على معلومات ناقصة ومن طرف واحد .
    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات