أريد حلاً في علاقتي!

أريد حلاً في علاقتي!

  • 40007
  • 2018-03-12
  • 460
  • ام عايشة

  • انا فتاة عمري٣١سنة متزوجة من ٥ سنوات ولدي بنت عمرها ٤سنوات زوجي اكبر مني بثلاث سنوات ولدية موهل جامعي وهو أكبر اخوته الذكور وفوقة خمس بنات\في بداية الزواج كان طيب وحنون فيه عصبية ببعض الاحيان بس يرضى بسرعه كريم ويحب المساعدة وكان يساعدني وقت الحمل ويهتم فيني\في بداية الزواج كان يشتغل مع ابوة وبعد سنه من الزواج توفي ابوة وشريك عمي رفض أي احد يدخل من عيال عمي بالشغل فجلس زوجي بالبيت وسارت امه تعطيه مصروف من وارد المحل وكانت تمر ظروف بس تعدي \قبل سنه ونص اشتغل زوجي بشركة طيران وكنت فرحانه بشغله \المهم وظيفته حتمت عليه يختلط بحريم وهو طبعه يحب يسولف كثير ويضحك ويحب يستكشف كل شيء بالناس فضولي نوعا ما \المهم بعد فترة من الدوام اكتشفت انه يخوني مع وحدة بالعمل وعرفت معلومات عنها مطلقة واكبر منه وعندها بنت ومشغله بنتها مودل وفي فرقة اسنعراضية حق بنات \المهم انا عرفت المعلومات بعدين بس هي اسمع عنها منه يسولف عن حالها وحال كل الموظفات\المهم ماسكتت واجهته ولا أنكر قال ايه اعرفها وزعلت ورحت بيت اهلي شهر جلست فيه وكان ابوي وقال انه تركها ويبغى بيته وبنته ووعدتك يدور شغل ثاني مر وقت وكل ماسالته الشغل الثاني يتعذر في مصاريفنا وحياتنا وسكت \بعد فترة رحت زيارة لاهلي وتهاوشنا بالواتس وقلبي خليش عند اهلش فبقيت عندهم شهر ثاني لين كلمته يتلكك انت السبب كلام قلته وخلاص ليش ما اتصلتي وتفاهمنا ورجعت المهم تفاهم مع ابوي ورجعت وعدت الامور بس كنت مش مرتاحه لتصرفاته ابدا كل ما اواجهه ينكر اي شيء ويقول انا تعبان من الشغل خلاص انسي موضوع الحرمه انتهى ما يسير تعيدين وتزيدين هي زميله بالدوام خلاص \المهم مرت الايام وسار اي خلاف يقول بيترك البيت او يقول مابترتاحين لين كل واحد يعيش ببيت بلحاله \عدت الايام وتحسنت حياتنا كثير وتغيرنا بتفكيرنا سرنا نفهم بعض ونعتذر بعض وعدت الايام لين جا يوم اختلفت معاه بنقاش وسكتت رجع وقال بترك البيت انا عصبت وانقهرت وتنرفزت ليش تقول كذا ماتبغاني اتركني بس لا تتلك بالكلام المهم كنا بالصالة قال تعالي نتفاهم داخل بالغرفة ودخلت الغرفة اول مادخلت رماني على السرير وسحبني باللحاف على الأرض وجلس يضربني اول مرة بيدة ورجله ويصرخ انا تعبت منش تعبت من اهلش رايح جاي ليش تبغين تسوين فيني تبين الطلاق قلت لا قال الا تبينه قولي ابغى اطلق واذا قلت ابغى اطلق يقول كذابه تقوله انت قتلي كذا يقول قولي الي تبغينه ويصرخ باذني كذابه بياعه بنتخرب بيتها بتضيع بنتها\وبعدها جاب السكين ورفعه علي مين الي يقولش سوي كذا تعرفين واحد ثاني وانا اقوله لا يقول الا مين يوزيش علي يقولش بهذليه اقولة ماحد ويهدد بالسكين وطول الليل واحنا صياح وصراخ ويقول بتفضحيني قتله لا وحلفتله اني ما افضحه وابقى عليه وعلى بنتي وهدي وحط السكين وقال بخليش عبدة عندي واهلش ماتزورينهم \المهم كان وقته الفجر اذن وصلينا وجاب فطور ونمنا انا قلت متى ماراح الدوام بكلم اهلي ياخذوني المهم ماراح الدوام قمت الظهر هو نايم صليت ونزلت بيت اهله وعلمت امه وخواته واتصلت باهلي وجو خذوني ورحت المستشفى والشرطة قدمنا بلاغ وطلب طلاق وعدم تعرض ورحت عند اهلي وكان طول الوقت يتصل علي ولا رديت رسل انه ندمان ولا هو ذاكر ايش سار والي ابغاه بيسير المهم وقع بالشرطة تعهد ودفع كفاله وجت بيت اهلي بعد شهر يعتذر لابوي وايش تبغون قاله طلاق وحضانه البنت ومصروفها بس بعد٣ اسابيع رجع اتصل بابوي وقاله ما اقدر اطلق وايتم بنتي وايش تبغون انا حاضر انا احب ام عيالي وانا غلطان واسف المهم قاله ابوي خير وشرط اني ما ارفع صوتي قال الصوت العالي ينرفزني \المهم انا عند اهلي لي ٥ شهور ولا اكلمه يرسل مصروف بنته وسجلتها بروضة ويسال عليها وياخذها نهاية الاسبوع \وكل يوم بالواتس يرسل كيفكم اخباركم وانا احبش وفاقدش وانا ما ارد عليه \ابوي يقولي ليش تبغين بيسير وانا خايفة على نفسي وبنتي منه ليش ممكن اسوي او اشرط لو برجعله \لو اطلقت ماعندي دخل اصرف على بنتي منه وحالة اهلي متوسطة بس بنتي طلباتها كثيرة هي عندها تاخر نماء لغوي وانا كثير تعبانه معاها انا بحيرة مايعلم فيها الاربي الحمد الله انا صابرة ومومنه وراضية بس التفكير ذبحني ولا ابغى اتخذ قرار اندم عليه وجزاكم الله خير.
  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2018-03-13

    م. فيصل حسن مغربي

    في البداية أشكر لك ثقتك بهذا الموقع المبارك وأسال الله أن يجعلنا مفاتيح خير لك

    أختي الكريمة
    الحياة الزوجية سكن ورحمة ومودة ومشكلتك في حالة متطورة جدا وفيها حقوق واعتداء جسدي غير مبرر وبينكم طفلة بريئة ولا يصلح معها استشارة من طرف واحد ولذلك أنصحك ابنتي الكريمة بالتوجه إلى أقرب مركز إرشاد أسري فيه قسم إصلاح ذات البين وعمل عدة جلسات لكي تتضح الصورة أكثر وخصوصا من جهة هذا الأب ولماذا حصل منه ما حصل من رفع السكين والضرب

    ونقترح عليكم التواصل عبر هاتفنا الاستشاري 920000900 من الساعة 9-11 ص و 4-8م
    وأسال الله الكريم أن يفرج عنك ويحفظكم
    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات