تعبت من كبت عواطفي!

تعبت من كبت عواطفي!

  • 39441
  • 2017-11-22
  • 204
  • لين

  • السلام عليكم . او سمحتم انا عندي مشكلة وهي اني تزوجت رجال متزوج و ببداية زواجي سافرنا و كل شوي يغلط باسم زوجته الاولى و هضمتها و سكتت . و رجعنا من السفر و لكون زوجته موظفة مثلي فانا يجيني في النهار اقل من ساعتين بس عشان ينام و يطلع و لا اشوفه . يعني من اول ما نزلنا من الطيارة تركني بالشقة لحالي وراح عندهم و جلسنا على ذا الحال بكل ليلة اكون بلحالي و عذره عشان يوصل بنته للمدرسة و قلت ماشي لكن من حقي خميس وجمعة و سبت تبات عندي و لا رد علي و صار ينام هناك و المشكلة كبرت لين قلت له ليه تزوجتني دامك تبيها و حان عليها و قال عشان ارتاح و بعدها رجعت لاهلي عشان عملي لان هو بمنطقة بعيدة عنا و برمضان اجازتنا فقلت له احجز لي خلني اجي عندك صار يتعذر بالمادة و صبرت لبعد العيد و رحت عنده و فتحنا موضوع العدل بالليالي و قال انا عادل و اشوف ذا صح رغم يحلف بالله انه يحبني و يبيني لكن الشعور عدم جلست عنده لين نص شهر ذي القعدة وقالي ابحجز لك عند اهلك تضايقت و قلت له ليه قالي المادة و رجعت لاهلي و انا مغبونة و نظرات كل من حولي لي باني مسكينة ما تهنيت بعرس و زواج واحساسي انا بعد ذبحني المهم صار يرسل لي بالواتس اني ما وقفت معه و انب ضغطته بالمادة رغم يعلم الله اني ما استقريت بشقة وهذا حقي كل شوي شايلني حاطني بالفنادق و ليتها تسوى و لا يعطيني نفقة بحكم يقول اني موظفة و صار بينا شد كلام و سكتت بالاخير و رغم ذا جاء بالواتس يقولي ماحطيتي يدك بيدي ولازم تجلسي عند اهلك ثلاث سنوات باقية لاني ابحسن وضعي بالعمل و يا بنت الناس انتي غالية علي و اعصابي تعبت لدرجة يوم ارسل له كلام حب و ابي اسمع كلمة حلوة يقولي انتي فاضية انا مضغوط بالعمل و صبرت . جاء قال انه مديون و مهدد بالسجن قلت خلاص خذ مني و حولت له بعد ما هو رفض قال طلبتك مرتين و لا عطيتيني بالرغم . بداية زواجي عطيته ست الاف ولا ردها. و الحين حولت له مبلغ كبير و لا ابي منه شي غير يحترمني بحقي اللي الله ناصة لي\هو كل ما قال يحبني و ان اللي بينه و بين زوجته انتهى لكن احس كله كذب ولو هو يحبني سال جوال اة واتس . و مرة قالي انتي ماذقتي ربع اللي هي ذاقته قلت له كيف قالي ايه كفاية اتا تزوجت عليها و تهاوشت معه و قلت له طلقني دامك تبيه ليه مخلينب عندك و اصلا كذا ولا كذا عمري يضيع و انت مو يمب بالاسم بس متزوجه . انا تعبت من كبت عواطفي و من حسرتي كونه يم بيته الاول و انا مو سال فيني لي اربع شهور ما جاني للان و يوم قلت ابجيك عشان ضغط عماك قال لا الافضل انا اجيك وللان ما جاء . عارفة و كلامه صح انا جالسة هنا عشان عملي لكن هو رفض اقدم نقل لعنده و عذره انه هو بيكون بين ثلاث مدن بسبب عمله و بيتينه .. وش اسوي و كيف اتصرف ما اقدر ادخل اي احد من اهلي و ابوي و امي متوفين . اختي وحدة تدري بوضعي و قالت لي تطلقين افضل و شوي هي تقوليى اصبري دامه يحبك لكن وش اسوي بحب يجي بكيفه حتى يوم اقوله ليه ما تكتب لي يقولي انتي فاضية رغم باشد انشغالي بعملي اكتب له و اسال عنه. و قلت له يوم تجيني او اجيك راح نتقاسم المادة بين بعض و قلت ذا لكونه يقولي ما عندي ما اصرف عليك فيه ما يبقى معي الا 500ريال بسبب الدين والقرض . ورضيت.. بالله هذي جزاتي و حسيت بالندم كوني وافقت على متزوجت توي احس بالنار تعبت و انا استحمل و تعبت امثل بالسعادة رغم نظرات الكل لي. ارجو المساعدة لاني و الله تعبت
  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2018-01-02

    أ. أحمد عبد الله الخليفة

    بسم الله الرحمن الرحيم
    فبداية ، نشكر لك تواصلك مع موقع المستشار ونتمى أن نكون عند حسن ظنك .
    السيدة الكريمة : لين .
    قرأت استشارتك بشأن " ارتباطك بزوج معدد ولكنه لم يوفق في العدل ومقصر تجاهك ماديا ومعنويا "

    فمما لاشك فيه أن القصد من الزواج هو الراحة والسكينة والطمأنينة . وأن استقرار الزوج والزوجة أمر مهم في نجاح العلاقة الزوجية . وما تشعرين به من التوتر والقلق بسبب التنقل وعدم الاستقرار هو أمر طبيعي
    فالإنسان تزوج ليرتاح ويستقر. ولكن دعيني أجمل حديثي لك بهذه النقاط :

    1/ "العلاج بالواقع" تعاملي مع واقعك فأنت زوجة رجل معدد ، له أبناء تنتابه الظروف الكثيرة ، وأنا أعلم أنك بذلت وسعك في مساعدته ولكن يبقى الرجل المعدد في سنواته الأولى أوراقه تحتاج إلى الترتيب كثيرا ، والضغوط المادية والمعنوية والنفسية كثيرة على زوجك ، بسبب أنه يحاول أن يوفق بينك وبين زوجته الأولى وأبنائه .

    2/ "الاتفاق الزمني المكتوب" والحوار الهادئ مع الزوج ، والجلوس معه ، وإعطاؤه فرصة ،لترتيب أموره وأوراقه، خطوة جيدة ستساهم في الحل .

    3/إذا لم يستجب ولم تستطعي إقناعه بذلك ، عليك بإدخال والدك أو أخوك الكبير ليتم التفاهم أكثر فأكثر.

    4/ احرصي حرصا تاما على أن يوفر لك مسكنا خاصا لك ، فهو مسؤول عن ذلك . ولا تقلبي أن تكوني متنقلة من مكان إلى آخر . فأعطيه فرصته ليراجع ويرتب أموره .

    5/ لا تخبري أحداً من عائلتك بما حدث بينك وبين زوجك حتى لا تصبحي -أنت وزوجك- حديثاً للمجالس ! بل حلي قضيتك بهدوء وبكل سرية ، ومن سألك حاولي أن تجاوبي بإجابات عامة أو تمتنعي فهذا من حقك .

    6/ لاتيأسي وحاولي فإن استجاب فالحمد الله ، وإن لم يستجب فيبقى الخيار الأول والأخير لك في الاستمرار معه أو عدم الاستمرار .والصبر مفتاح الفرج .

    7/ أوصيك بالدعاء فهو سلاح المؤمن الواثق بربه .
    سدد الله خطالك ، وكتب الله لك السعادة في الدارين .
    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات