السذاجة.

السذاجة.

  • 38298
  • 2017-10-22
  • 93
  • نادرة

  • السلام عليكم ورحمة الله وبركاته\\في الحقيقة وصلت الى حد لايمكن تحمله.. الوضع لايطاق في المنزل . واعتذر عن اسلوبي في الكلام لكن شدة الضغط واتهامي باني احب العناد !!! ...................\\احنا عائلة طيبة جداً لأبعد حد.. من يوم كنت طفلة وانا اشوف اقاربنا\يباتون عندنا بالأيام والأشهر .. العائلة كلها او احد افراد العائلة\\ونضيفهم احسن ضيافة بالرغم انه مافيه احترام لحرمة المنزل ..\مثلا البنات البالغات يتمشون في البيت وأخواني اللي يطلعون من المنزل عشان ياخذون راحتهم ..\\الأمهات تسمح لعيالها يباتون عندنا بدون مراعاة الإزعاج وتوسيخ البيت ومصاريفهم طبعا علينا !! \\العشا كل يوم شيء محترم .. من برى او تجتهد امي وتزين قدر كبير.\\مافيه بيت يضيفهم غيرنا بسبب سماحتنا الزايدة .. حتى يجون بدون اتصال مسبق ... ويجرؤن علينا بشكل فيه احتقار,\\بعد ماكبرنا ظلوا يباتون عندنا .. اي احد يجي الرياض ينصى بيتنا كنه فندق طبعا .. \\بعد كل هالكرم و الضيافة والإحسان ... نلقى الاستهزاء فينا وفي بيتنا ... وفي اهلي وفي حينا القديم الي مو قد مقامهم السامي.\ومع ذلك مواصلين الكرم والمعاملة الطيبة ..\\مافيه احد يعرفنا ويحترمنا .. الإحترام يكون من الناس الأغراب\واذا عرفونا زين .. وشافوا كرمنا الزائد وخدمتنا ... احتقروناا وبدو يرفعون اصواتهم ويهضموو حقنا .ويخلونا بالاخير. حتى الأطفال مايحترمونا وياخذون اغراضنا ومايتجرؤن ع الثانين.\\تزوج اخوي وكانت حرمته بالبداية تقدر امي وتحترمنا كلنا..\ومرت السنوات وبدت تعرف سذاجتنا واستغلتها .. وصارت ترمي عيالها علينا .. ووتلفظ الفاظ شينه مثل .. انتم بالشنطة ورى وعيالي ترى قدامكم وتضحك !.. طبعا احنا طيبين زياده ماقلنا شيء عشان مايزعل اخونا الكبير!\\وتروح الدوام او السوق او بو ريالين ههه .. وترجع وتنام .. واحد اخواتي تصلح الغدا لعيالها\وبعد ماتصحى يقهونها الظهر والمغرب .. احيانا مايلمسون القهوه الا لما تجي ..\كل خميس تسافر لاهلها .. و عيالها عندنا نمسكهم والغدا امي تغدي اخوي وتهتم من فطوره وغداه ...\\ وتاخذ الشغاله وتروح الين يوم السبت ... طبعا مانطلع بهاليومين لان السواق رايح مشوار وبعيد ومانبي نتعبه ولانبيه يتأخر عليها دقيقة !!!\\ السواق تستخدمه ليل نهار وامي تدفع البنزين لمشاوريها الطويلة اليومية! بدون ماتحط ريال واحد .! واحيانا انا او اختي ندفعه\بالرغم اني مو موظفة .. عملي حر واختي الثانية منفصله عن زوجها وغير موظفة ,\\واي شي تعطيها امي ترمية بالزبالة .. عود اصلي .. عسل طبيعي \بالزبالة ! شاي فاخر من لندن ! وتجي تقوله لنا اني حطيته بالزباله وتقول عذر.\\من شدة عدم الاحترام .... جلستها ترفع رجلها وتمدد يديها للخلف\في لغة الجسد " جلسة المسيطر" \\والقهوة قدامها تقهويها امي وبزرها ماكمل سنه في يد اختي ..\\ لما اقولهم ان هذي مو طيبة .. شوفو الناس كيف تهضم حقنا\وتخلينا الاخير .. يرفعون اصواتهم علينا .. مافيه تقدير لنا ابدا!\يحشون في حينا وفي بيتنا وكل شيء يخصنا قدامنا ..\واللي يحقرهم يحطونه على راسهم !\\حتى الشغالات يكشرون في وجيهنا... امي حتى الذهب توزعه ع الشغالات والسواويق!!\ ومع ذلك قلة شغل وعدم احترام لنا..\الزواجات والمناسبات يتعازمون واحنا اخر ناس ... او مايعزمونا اصلاَ ...\\اختي المسكينة اللي اكبر مني ... تعتقد ان هذا طيبة \وطيبتها خلتهم يعاملونها معامله مختلفه عن اخواتي الباقيات..\\الاطفال يشتمونها ويقومونها من غداها عشان تجيب لهم ملعقة.! ,, الناس يوصونها تجيب اشيائهم او تخلص اغراضهم وتروح .. ياخذون جوالها غصب عنها .!\ماتدرس ولاتتشتغل عشان تهتم باطفال اخوي ! تسوي لهم ساندوتشات لان امهم نايمه بالعسل او برى في السوق !\\اخوي يجي يقول لها سوي لي شاي وزوجته قاعده رجل على رجل بس سناب شات ..\\حتى السواق اهلي يوصونه يجيب شيء .. يقول لا بعدين ههه\هزلت..ويرفع صوته\\الشغالات مايكملون سنه عندنا .. بسبب الهدايا اللي تجيها \تكون ثروه وتسافر بلدها ...\\واذا قلت لاختي ليه ماتشوفوين نفسك وتخلين امهم تهتم في عيالها . وانتي شوفي لك شغله والا شيء تسوينه .. تقول الموضوع مو عناد !\استسلمت وقلت كيفها تمر السنوات وتشوفين نفسك ماسويتي شي بحياتك غير خدمة الناس اللي مايقدرونك..\\\من المواقف كذلك .. اذا عندي مقابلة عمل مايشجعوني اروح \يذكروني ان زوجة اخوي تحتاج السيارة ! وينسوني .. يقدمون كل الناس علينا ..\بالرغم ان السواق لنا لامي ...!\\استنتاجي بالإضافة الى طيبتنا الزايدة \الأسباب.. يمكن لان الوالد متوفي الله يرحمه ومايحسون ان لنا مكانه !\او لاننا نسكن في حي شعبي .. بالرغم انهم يسكنون في الشفا وحواليه !! وبعضهم كانوا يسكنون في نفس الحي حقنا ولكن انتقلوا.\\ كيف اخلي الناس يحترمون اهلي عن طريقي انا ؟\لان اهلي مايبون يتغيرون..واستسلمت.\\شكراً\\\
  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2017-10-28

    أ. عبد الله إبراهيم الخميس

    وعليكم السلام ورحمة الله وبركاته
    أرحب بك أختي نادرة وأسأل الله تعالى أن يوفقك في خطوبتك ويسعدك في زواجك

    • تذكري أن الآخرين هم صدى لتعاملنا معهم، فعدم احترامهم لوقتكم ومنزلكم بسبب طريقتكم في البيت حيث لا يوجد نظام ولا حدود ممنوعة

    • أرى أن تبدئي التغيير في نفسك أولا، فانظري الأسباب التي من جهتك واعملي على تغييرها ثم حاولي أن يرى من حولك هذا التغير فيتأثر بك، وهذا أفضل من أن تحملي همك وهم الآخرين كلهم.

    • قال تعالى : (( أن الله لا يغير ما بقوم حتى يغيروا ما بأنفسهم )) ركزي على نفسك أولا.

    • تذكري أنك ستتزوجين قريبا، فاحذري أن تقعي في نفس الأخطاء التي سببت لك المعاناة.

    • طوري نفسك بأخذ برامج عن توكيد الذات والثقة بالنفس وإدارة الغضب وغيرها ستعينك بإذن الله لتخطي مثل تلك المشكلات.

    • أنصحك بالاتصال على الهاتف الاستشاري رقم 920000900 حتى نستمع لك أكثر وتتضح أبعاد المشكلة فلكل داء دواء كما أخبر عليه الصلاة والسلام

    وفقك الله وأسعدك
    • مقال المشرف

    قنوات الأطفال وتحديات التربية «1»


    أكثر من ثلاثين قناة تنطق بالعربية، تستهدف أطفالنا، بعضها مجرد واجهة عربية لمضامين أجنبية، وبعضها أسماؤها أجنبية، وكل ما فيها أجنبي مترجم، ومدبلج بمعايير منخف

      في ضيافة مستشار

    د. أيمن رمضان زهران

    د. أيمن رمضان زهران

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات