شحوب يجتاح حياتنا

شحوب يجتاح حياتنا

  • 36182
  • 2016-02-03
  • 485
  • المسترشدة

  • اخوي تعبت منه و تعب اهلي معاه م نعرف هو مريض نفسي او ايش فيه بالضبط بس اللي متاكده منه انه يتعاطى بس حاليا مادري هو يتعاطى ولا لا لان له شهر طالع من مستشفى الامل جوالي ماقدر امسكه وهو موجود مع ان جوالي مافيه شيء مسبب لي رعب اخاف منه م اقدر اقعد معه بالبيت لحالنا لانه يكرهني و هددني بالقتل قدام اهلي يمكن هو يسوي كذا بس يبي يخوفني لمن نكون نايمين انا واختي يدخل غرفتنا يفتش ب الاغراض حقتنا لقي عدسات حقتي اخذها يقول ذي حرام تلبسينها ورماها يشوف كتابات ع كتبنا يقولنا ذا سحر لمن يشوف شعره طايحه يقول انتو مسحورين وخرافات وخرافات ابوي مره تعب معه سجنه قبل شهرين قضية عقوق بعدين طلعه و بعدها حقد ع ابوي مع ان ابوي يبي مصلحته وابوي م سجنه الا بعد م تعب معه كان يحرق ف وسط بيتنا كتب يقول هذي سحر و يحرق ملابسنا ووقتها ههددني بالقتل بعدها ابوي سجنه لمن طلع حقد ع ابوي تعدل اسبوعين بعدين رجع ولمن اامي تهاوشه يبكي زي البزر مع ان شخصيته قويه ترك وظيفته يقول انتو فضحتوني عن الناس قرايبي درو انكم سجنتوني م عاد يستقبلوني و يبكي ابوي دخل مستشفى الامل جلس شهر وبعدها طلع و كان مره تمام بعد شهر انتكسة حالته كلمه ابوي قاله اخوانك واخواتك نفسياتهم تعبت ف بيتهم م يحسون باللامان تعدل ولا بتجه لطريقة ثانيه صار يبكي اخوي ويقول انت دمرت حياتي وسجنتني وصديقي مات بسببك -صاحبه توفى بحادث كان رايح يزور اخوي بالسجن لمن درا عنه و كان مسرع وصار له حادث بالطريق و مات -ف بسبت هالشيء صار يلوم ابوي بذاك اليوم كان يبكي بحرقه ويقول انا حياتي انتهت انتم م تحبوني قرايبي م عاد يحترموني المهم امي جات من الدوام الظهر وراحت له لان كان مستمر بالبكي ووبوقتها كان له 3 او 4 ايام م نام جو اخواني الصغار وصحوني من النوم يقولون اخونا انصرع من الفجعه جلست اركض بشوف اشفيه لقيته متشنج وامي عند راسه تبكي وابوي دق ع الاسعاف المهم صحى ولمن صحى جلس يصارخخ ويطالع فينا اعتقد انه انفجع لمن شافنا عند راسه المهم قامت امي تهديه واختي بعد وانا ساكته جلس يبكي ويبكي و م يقدر يتكلم وياشر ع اختي يسالها ليش م يقدر يتكلم جلست اختي تهديه وتلقته الشهاده ولسانه كان ثقيل لمن شاف ابوي جلس يبكي ويحضن امي يقول خليه يروح مابيه وطبعا كان لسانه ثقيل ف حكيه بالغصب ينفهم يحسب ابوي بيدق ع الشرطه تعقد من هالموضوع لمن جو الاسعاف هدوه واعطوه ابره منومه ومهدئه بعدها نام قالو فيه انهيار عصبي ولك ان تتخيل نفسية وحده عمره 19 مرت بكل هالاشياء و م خفي كان اعظم كيف بتكون! .
  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2016-08-24

    أ. عدنان سلمان الدريويش

    (بسم الله الرحمن الرحيم)
    وصلى الله على سيدنا محمد ...،وبعد :
    أسأل الله الكريم أن يصرف عنك وعن أسرتك كل سوء ومحنة ويفرج كربتك ،وأشكرك على تواصلك مع مركز التنمية الأسرية بالأحساء .
    المشكلة لها فرعين سنتناول كل فرع :
    الأول / أخوك هذا أمر الله وعلينا الصبر وفعل الأسباب التي نستطيعها وأظن أنكم ما قصرتوا في هذا الأمر وزيادة على ذلك أقترح :-
    1- عرضه على طبيب نفسي واستشارته .
    2- البحث له عن صحبة صالحة عن طريق ( الجيران - أهل الحي - بعض أصحابه الطيبين - بعض الاستراحات التي يجتمع فيها التائبون خاصة من المخدرات ) وهذه نعرفها عن طريق المسؤولين في مستشفى الأمل .
    3- التعامل معه بحذر وعدم التوتر معه والمسؤول عنه الوالدين .
    4- أن يأخذه الوالد معه في زياراته وبرامجه ( صلة الرحم - المسجد - الأصدقاء - مع الضيوف ) .
    5- إشباعه بالحب خاصة من الوالدين ( يا حبيبي - اللمسة الحانية والضم للقلب - تقبيله - استشارته - الحديث معه وأمامه أننا نحبه خاصة مع الأهل ) .
    6- حاولوا أن لا يحتاج لغيركم خاصة في المال لكن بالعقل .

    ثانيا / بالنسبة لك أنت :
    1- حاولي مساعدة أهلك بما تستطيعين وتذكري أن هذا قضاء الله وقدره، وأن هذا ابتلاء .
    2- لا تخسري نفسك بسبب أخيك اهتمي بصحتك ودراستك وجمالك وتذكري أنك فتاة ومقبلة على الزواج .
    3- ابتعدي عن المواقف الصعبة وحافظي على نفسك وأغلقي بابك عليك خاصة عندما تحسين بالخطر معه .

    4- استشيري واقرئي وتعلمي كيف تتعاملين مع مثل هذه المواقف؟ .
    5- أهلك وأسرتك يحتاجون إليك فلا تبتعدي عنهم، وساعديهم بما تستطيعين .
    6- الدعاء في الصلاة وغيرها بأن يصلح ربي حاله وحال الأسرة .
    7- كوني قوية بالله وبنفسك ولست أول فتاة عندها مثل هذه المشاكل، وانظري للمستقبل بتفاؤل .

    أسأل الله أن يفرج عنكم هذه الكربة ويصلح لكم أنفسكم وذريتكم، ودمتم بخير .
    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات