اختي دمرتني ودمرت علاقتي بأمي وابي

اختي دمرتني ودمرت علاقتي بأمي وابي

  • 35539
  • 2015-10-06
  • 1610
  • لا حول ولا قوة الا بالله

  • السلام عليكم ورحمة الله وبركاته\اطلبكم بعد الله بالنظر الى موضوعي وارشادي..لأَنِّي تعبت اقرب الناس لي امي وخواتي واخواني يسوون فيني كذا...اختي قويه جدا لدرجه انهم هي وامي واخوي ظربو ابوي ظرب قدام عيني وتقوله اختي يالله اسجدلي..وسجدلها من هول الضرب والفاجعه..وكان الدم يصب ما راْسه وهو مريض بالسكر وكبير بالسن..ليش ضربوه؟ مخطط سوته امي هي واختي لان امي تريد تنفصل عن ابوي واختي كانت توه تشتغل مدرسه ..واتصلو بالشرطة ..عشان يغيرون الموضوع ان هو بدا ضرب بنته وهادي ردت الفعل..في الأخير انسجنو ..بس ابوي بعدين راف بحالهم وطلعهم.. وخلعت امي ابوي..والمصاريف اللي يعطيها ابوي للمحكمه..كانت ماتعطينا إياها كانت تأخذ النص منها ابوي يعطينا 1000 وهي تأخذ 500 اجباري..انا واخواني الصغار...سكتنا..فهمتنا هاذا من حقها..وقسمنا البيت وابوي كان جالس لوحده محد يزوره ولا يطبخله.. وكنت انا اروحله واطبخله من عند بيت امي واوديه له من غير ما يشوفون ..بس خواتي شافوني وخبرو امي وظربوني ظرب..للعلم انا بعد فيني سكري ..وراح ابوي وداني الشرطه واشتكينا عليهم وجو وسبوني وفضحوني قدام الشرطه ..وسكَّرت السالفه..بعدين الناس قامت تتكلم وتمدح فيني لأَنِّي واقفه مع ابوي ويخطبوني بس ابوي كالعاده يرفض ..حتى من اهلنا يخطبون بس ما يرضى..واختي للأسف مقهورة مني لأَنِّ الله عطاني جمال وطيبه ..طيبه لدرجة الهبل كأني طفله يعني لاني طيبه اشوف الناس كلهم طيبين...المهم بديت اروح الكليه..وبعدين كانت اختي تتجسس علي تخلي بنات يتصلون فيني يسألون هل تكلمين شباب أقولهم لا .. بس ماتوقعت ابدا ان اختي كانت ترسلهم لي...ابدا..كان عمري 17سنه وأعاني كثير في حياتي لاني مع ابوي وهم مع امي القويه اللي أدافع عنهم ..وراحت ترسلي واحد..وعلمته اختي بظروفي ..انا في البدايه مارضيت اكلمه..بس قال انا أبغى اتزوج ونا اعرف عايلتك وكدا..المهم انا كلمته وكان بحسبه اخ ماولدته امي واختي تعرف بموضوعي وفضحوني عند امي ونا كنت مادري انه هو من طرفها...وقطعت..وكانت تفضحني في الكليه ...بس والله العظيم ماتوقعت انها اختي السبب ...ومشاكل في البيت واتنوم بالمستشفى أسابيع من الضرب لانه فيني سكري ..واتنوم لوحدي محد يجيني في المستشفى الا ابوي يسلم ويروح..ابوي الله بهداه مايصلي وكان يشرب الخمر ..واخواني نفس الشي بنات وخمور و و والمشكله يشتغلون في الشرطه..وخواتي نفس الشي ..لان امي معاهم..ونا الضحيه..مع ابوي اقعد واسويله اكل وتروح امي تقول للناس ان ابوها أكيد يرتكب فيها فاحشه...شاب راسي ..طيب اذا خايفه علي لهادرجه ليش ماتنصحني او توجه كلامها لي..ليش الناس؟ واختي استغلت وقامت ترسلي شباب ونا أكلمهم من غير ماعرف انهم من طرفها.. انا أكلمهم مو لهب ابا حد يتزوجني ويطلعني من الهم اللي انا فيه من ناحيه امي وخواني وخواتي ومن ناحيه ابوي اللي مايريد يزوجنا..انا صح غلطت أتكلم مع واحد بس علطول احذف رقمه وأحس انه يتلاعب وهكذا الحياه واختي تفضحني عند امي وابوي ...حتى اخواني يفضحوني ..انا شاكه ان البيت مسحور والله..وصبرت وصبرت...وتوظفت في وظيفه...واختي غارت...كثير كانو بيخطبوني ونا كنت أعاملهم مثل اخواني يعني ما افكر بشي ابدا...واختي بدا فيها الشكوك والظن السيء.. انا جميله وتشتغل مع ظباط أكيد في شي بالموضوع.. اول ماتوظفت قال مديري..انتي شكلج بتنخطبين في هالمكان...صح..اختي الثانيه هي اللي ساعدتني هالوظيفه هاذي لانها ماكانت تريدني اشتغل عندها وأخرب جوها...ونا والله العظيم نيتي صافيه...الهم كم شهر وقالولي فلان يبي يخطب وكلمي اهلج..انا رحت عند امي واخوي عشان أقولهم لان ابوي مايرضى..الله يهديه...راحو خبرو اختي الافعى وبدت المشاكل من تحت لتحت...والرجال علم الكل انه بيخطبني وبعدين تواصلنا بالتلفون يومين فقط كان يبغا يسال شو صار بالموضوع اقدر أتقدم لك؟ بس ماقلته عن مشاكل اهلي..وقلتله خلاص لاتتواصل ماكنت مرتاحة ..ومرت الايام..وانا راجعه البيت اشوف واحد من اللي يشتغلون معنا يلاحقني لين باب بيتنا!..خفت ..واليوم الثاني واجهت مديري وقلته فلان يلاحقني! للبيت.طلبت من مديري النقل من المكان..مارضو..وتميت احاول معاهم بس مافي فايده..ومرت الأيام واشوف امي حاطه ايدها على سيارتي تدعي علي..واليوم الثاني صارلي حادث مميت ونا رايحه الدوام الصبح كان عندي هبوط سكر وطحت فغيبوبه شهر وركبولي حديد في رجلي..والحمدلله الله عافاني ورجعت مثل قبل..بس..خلال فتره الغيبوبه اختي تواصلت مع الرجال اللي كان يبغا يتزوجني والفت كلام عني ونا ماكنت ادري..يوم رجعت الدوام ونا عالعكازه..قالو انتي تكلمين فلان ونتي كذا وكدا...خواتي اللي فضحوني في دوامي قلتلهم انا بقدم استقالتي وقدمت...وبعد سنه عرفت ان الرجال اللي يبغاني متعرف على اختي ويبتزوجها وامي تعرف بالموضوع وتشجعها...كنت ونا صغيره اقول لامي..ان انا لو تزوجت اختي بتخرب علي عيشتي وفعلا صار اللي توقعته...الحين انا منبوذة من الناس بسبب مكر اهلي .. ورموني بالغلط عشان يقولون هي كذا وكذا..ماعندي حد ألجأ اليه الا ربي..وتوظفت بعد سنتين في بنك..صديقتي ساعدتني أتوظف معاها..وكانت مسكينه تمر وتأخذنا للدوام..لان ما معي سياره..وكانت تدخل بيتنا وتقعد معانا وتضحك الله ينور قلبها..بعدين قلت لآخوي يعطيني سيارته او يوصلني لان البنت مأخذه اجازه..عطاني...وريته ماعطاني..اختي كانت موقفه سيارتها ورا سياره اخوي عمد..رحت كلمتها ماردت علي وبعد كلمت امي عصبت علي قالت مفتاحها عند اختها الثانيه..رحت لأختي الثانيه قالت انا موفاضيه خليني البس واخلص بعدين ..اطلع..وعلى كيفي..انا قلت عطيني المفتاح بطلعها وراي دوام..مارضت..الحل قلت بكلم اخوي يمكن يسوي شي..راحت اختي تصيح عنده انـي اسبها و و و ..وضربني اخوي وطردني برا البيت وسكر الباب.وصديقتي .وصلتني المستشفى وكتبت تقرير الظرب ووديته الشرطه..ورجعت البيت..واليوم الثاني في الدوام جت اختي وسبتني قدام الموظفين وتقولي عطيني الفلوس اللي سلفتك إياها لو جيتي البيت بنظربك ..ترفعين قضيه على اخوي.. وعطيتها فلوسها..وبعدين كلمت صديقتي وأخذت رقمها..ورجعت البيت ضربوني قالو مانبغاج بالبيت وطردوني وكلمت الشرطه قلتهم تعبت وين اروح ..حالتي الصحيه وانفسيه صفر...طلعت من البيت وخبرت الشرطه..وكنت ساكنه تحت دوامي عشان اداوم وكنت اكلم الشرطه اول بأول...اهلي كانو ساكتين مايتصلون ولا شي..كانو يفضحوني عند الناس وعند ابوي حرمته...بس الشرطه كانت واقفه معاي..وكالعادة تشويه سمعه و و قدام الظباط..وتصلو بصديقتي امي وخواني يفضحوني عندها وهي عارفتهم بس خافت منهم وقطعنا العلاقه.قبل هاذا كله ..امي واخواني اختي ضربوني ضرب يوم اكتشفت ان اخوي يخون اخوي الثاني مع حرمته.. وودوني العيادة النفسيه أسبوعين ...انا لا صحه ولا وظيفه ولا أهل ولا شي الا ربي...أستشيركم ماذا افعل ... حاولت أكون معاهم زينه ابدا ماينفع.كل حد يقول سحر..واتوقع من اختي اي شي \يارب اذا كان الموت خيرا لي فتوفني يارب واغفر لي ولاهلي
  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2015-10-12

    أ. تسنيم ممدوح الريدي

    أهلا وسهلا بك أختي على صفحات المستشار ...و أسأل أن ييسر لك أمرك للخير وأن يفتح لك أبواب رحمته.
    لم أتخيل ما أقرأه ... كيف تصل العلاقات الأسرية لهذا الحد من التفكك والضياع !؟.
    فقد قال أحد المتخصصين : أن انهيار الأمم تكون بانهيار الأم ،وأن تكون الأم على عكس ما فطرها الله عليها من حب أبنائها ورعايتهم والاهتمام بتربيتهم.
    بالتأكيد وجودك في هذا المحيط الفاسد سيؤدي بك إلى المرض النفسي والجسدي، لم أتفهم لماذا يرفض والدكِ زواجك ؟؟ من الواضح أنه لا يريد أن تتركيه ولا يجد من يرعاه بعدك... لكن العمر يمر أختي ويجب أن تنقذي نفسك بشاب صالح يأخذ بيدك إلى الطاعة.
    توبي إلى الله توبة نصوح عن التواصل مع الشباب سابقاً توبة نصوح ألّا تعودي إلى ذلك حتى ولو بنية الرغبة في الزواج، فالرجل مهما حدث لا يتزوج ممن تواصلت معه في الحرام ! فهو لا يؤمنها على نفسه وبيته وأولاده !!
    اذهبي إلى والدتك بحضور أحد من كبار أهلك - جدك أو خالك أو عمك أو أياً من كان- وإذا رفضوا فليكون بحضور الشرطة إن أمكن ، وأن تصفي معهم كل الخلافات وأن تخبريهم أن علاقتك معهم ستكون رسمية في إطار صلة الرحم ، حتى لا تحدث مشكلات جديدة، وانتقلي إلى وظيفة جديدة لا يعرفون فيها مكانك أو عنوانك.
    ثم اذهبي لوالدك ووضحي له أنك لن تتركيه أبداً بعد الزواج، ووضحي له بحنان وحياء أنه إذا ظل يرفض زواجكِ فسوف تبحثين عن ولي وتزوجين نفسك وفقاً لشرع الله عز وجل، وكوني حاسمة إن تقدم لك شاب صالح تقي ورفض والدك مجدداً تواصلي مع جدك والد الأب، أو عمك أو خالك ، وإن لم تجدي فاذهبي إلى القاضي الشرعي واعرضي أمرك.
    لا تتزوجي لمجرد الهروب من مشكلات أهلك، تزوجي بمن ترضين دينه وخلقه الذي يحفظك ويصونك.
    تمنياتي لك بالسعادة والتوفيق .. وتابعيني بأخبارك.

    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات