تغيّر طفلي بعد الحمل.

تغيّر طفلي بعد الحمل.

  • 34597
  • 2014-12-06
  • 1236
  • أم أ


  • السلام عليكم ربنا يبارك فى حضرتك يا دكتور نا محتاجة رأى حضرتك ضرورى كنت عايزة على حاجة بخصوص الحضانة

    من حوالى 4أيام وديت ابنى الحضانة هوه سنه 2سنه و7شهور بس عشان شغلى وديته حضانةوهوه ماشاء الله كويس بس مش متحمل يروح الحضانة من غيرى ..

    أول يوم قعد يلعب وانا روحت وسبته بعدها تانى يوم لقيت مديرة الحضانة بتتصل عليا تعالى انس منهار من العياط من ساعة مامشيتى واليوم اللى بعدها قعدت معاه لحد ما روح على الكرسى اللى جمبه ..

    فيه حاجة غريبة فى سلوك انس انا حسيت بيها وهيا انه بأه عصبى جدا وبيضرب اى حد يقرب منه او يضايقه وبيقول كتير للناس لو حد عاكسه شوية (انتا وحش) مع انه كان حبوب جدا وروحه حلوة بس الموضوع دا الفترة دى..

    انس يا دكتر بيطلع اخر درس ليه الفترة دى وكمان انا حامل فى الشهر السابع وانس فى احد المرات خرجت وسبته عند ماما بعد ما اقنعته وقالى ماشى مع السلامة يا ماما لقيتهم بيقولولى دخل الاوضة ونام على كنبة الصالون وقال محدش يدخل عليا وجدو لما سألوا قالوا لو سمحت اطلع برة يا جدو

    ولما الح عليه قاله انا زعلان عشان ماما بتبعد عنى وبتسبنى لوحدى وحاليا هو ماشاء الله فى ارتباط شديد بيا حتى ممكن يسيب الاطفال الموجودين ومايلعبش ويجى يقعد معايا فى الشقة ودا الفترة دى بس مكنش بيحصل قبل كدا إلا لو حد ضربه..

    أنا طريقتى فى تربيته بحاول دايما اقنعه وبحب السياسة معاه جدا والعقاب بيكون انه يقف على الحيطة ويرفع ايده لفوق واعد لعشرة ولا انكر انى بعلى صوتى فى بعض الاحيان ودا لما بيرفض انه يتعاقب..

    الفترة دى هو دايما يقولى لا على اى حاجة.وأحيانا لما برفض فعله او أي طلب ليه زى شيلينى يا ماما احيانا من عصبيته يقولى أنت وحشة ويرجع تانى يقول لا حلوة حلوة وممكن يضرب بعصبية ويرجع يحوش ايده وكانه غلط ..انا مش فاهمة خالص خالص نفسيته الفترة دى..

    كمان حاجة هوه فى الحضانة مع أطفال كبار فى السن وأده فى السن بس مثلا الشوية اللى قعدتهم بيلعبوا اول ساعة وباقى وقت الحضانة بيقعدوا على الكراسى ويتلقوا الكلام بشكل مكثف شوية انا لا انكر انه بيستوعب منه حاجات وبيكررها بس انا بحس بملل فما ادراك بحاله ففيه فصل تلقين فقط قصص واناشيد والحروف تلقين والارقام تلقين

    بس فيه اطفال لسه بيعملوا فى البامبرز وأطفال مش بيعرفوا يتكلموا خالص وممكن اقل من سنتين .الصح ايه اسيبه معاهم ولا مع الكبار اللى من سنه أو اكبر مع العلم ان انس داخل بعدهم الحضانة ب3شهور ..وجزاكم الله خيرا وأرجو الاهتمام بارك الله فيكم

  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2015-03-17

    د. خالد سعد العرفج

    أخت أم أنس ..ممكن أحدد مشكلتك في تغير سلوك طفلك أنس بعد الحمل ..والتغيرات السلوكية اللي تحصل منه في الحضانة..

    عموما يا أم أنس طبيعي الولد شايف اهتمامك بالضيف الجديد اللي في بطنك وكلامك مع أسرتك وزوجك عنه... فحاس أنك ممكن تسيبيه وتبعدي عنه..

    غيري سياستك معاه ولا تركزي على مشاكلة وخليه فترة لما يبكي أو يغضب بعنف لا تتوتري وتعلي صوتك عليه لأنه استطاع جذب الانتباه ووجد ان هذا الانفعال يجيب فايده معاك.. وناقشيه أن الغضب مش اسلوب وممكن يتعبه أكثر وأنك نحبيه ولن تتخلي عنه أبد..

    حاولي أن تغيري الكلام والاهتمام أكثر حول اهتمامه وألعابه وأصدقائه وأنه رجل الأسرة والكبير بعد أبيه وأنه الدكتور والمهندس والخبير ..مثل أبيه وخاله وعمه..

    سلوك الطفل في هذا السن غضب شديد وتوتر طبيعي وهذا من متطلبات هذا السن وهذه المرحلة من النمو..

    شجعيه لأن يكون له أصدقاء من الأسرة أو الحضانة,, اعملي برنامج زيارة عائلية لصديقه من الأقرباء.. شجعيه ليتفاعل اجتماعيا اجعليه يقدم هدية لأصدقائه ولو كيك وبسكويت وحلويات..

    اجعلي والده يأخذه معه خارج المنزل بعض الأيام ليندمج أكثر مع المجتمع وينسى اهتمامك بالضيف الجديد ..

    وفقك الله لكل خير وأصلح أنس وهذه مرحلة وسلوك موجود عند كثير من الأولاد...والسلام .

    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات