ما أشد نقمته على الآخرين !

ما أشد نقمته على الآخرين !

  • 27293
  • 2012-02-14
  • 2136
  • محمد


  • الموضوع بدا وهو فى الثانية من المرحلة الثانوية العامه كان يعانى من مرض فى عينه يعنى يمشى فى الشارع كانت عينه بتدمع وقد قام بعملية تسليك القناه الدمعية ثم قعد فى البيت 6 اشهر حتى يشيل الدعامه ولكن بعد شيل الدعامه ظلت عينه كماهية يعنى العملية منجحتش وبدا يبقى عصبى وكان يريد ان يذهب الى الطبيب بسكينه ويعوره.

    اقعد على هذا الحال فتره ولكن الحمد لله نسى وهدى وبدا فى الاونه الاخيره يقول لولدتى انتى السبب الى ولدتنيى كده بعين بيظه ولادتى تقوله ماكنش ينفع نعملك العملية وانت صغير الدكتور الى قال كده. مافيش فايده برده يفضل يقولها انتى السبب وبدا ويقول ليه ياربى خلقتنى كده اشمعنا اخواتى سلام وهذه هى كانت هى البداية.

    اقعد فى البيت وطبعا عاد السنه الثانيةمن المرحلة الثانوية العامه مره اخرى ولكن عادها منازل لانه حس انه وحيد لان زملائة سابقوه بسنه نجح والحمد لله ذهب الى المرحلة الثالثة ماكنش بيروح المدرسة يعنى ممكن نقول انه قعاده فى البيت عمله اكتئاب + معندوش اصحاب خالص

    حتى الان كتر قعاده فى البيت وبعد كده بدا يشتكى من عينه مره اخرى ذهبنا به الى طبيب اخر ونزلناه بالعافية علشان يروح يكشف الدكتور قاله هنعمل عملية مره تانية والحمد لله عمل العملية وقعد برده فى البيت 6 اشهر حتى شال الدعامه والحمد لله العملية نجحت وهو الان لايشتكى من عينه

    ولكن اخلاقة بقت زى الزفت لدرجة انه يسب ابوه وامه بالالفاظ لااقدر كتابتها وهما كبيران فى السن. المهم اقنعناه انه يروح الجيش علشان يعرف يدور على شغل وفعلا انا روحت معاه عند مكتب التجنيد. فالضبابط قله جهز الاوراق وتعالى يوم كذا.

    مجرد ما رووحنا البيت قال انا مش رايح تانى. قولناله ليه يابنى لازم تشوف موضوع الجيش علشان تعرف تدور على شغل. المهم جارنا الى تحتنا ابنه ضابط فى الجيش. قلنا كويس نكلمه على اخويا علشان يوصى عليه فى الجيش علشان حالته النفسية + ظروف عينه.

    الراجل الى تحتنا قال ماشى اول مايجى ابنى هكلمه وفى يوم الراجل الى تحتنا نده علينا علشان اخويا ينزل يكلم ابنه ويقعد معاه ومن هنا بدات مشكله كبيره جداً. احمد اخويا اقعد يقول لوالدى ازاى ينده عليا. ازاى ينده عليا .

    نزل بابا وقال لجارنا الى تحتنا وقال لابنه خلاص احمد مش هيروح دولقتى الجيش متشكرين. المفروض ان الموضوع يتنهى على كده لكن فضل احمد اخويا يقول ازاى ينده عليا نقوله يابنى خلاص ابوك نزل وقال للراجل شكرا مافيش فيده برده اقعد على هذا الحال لمدة 3 سنوات

    حتى الان مش قادر ينسى وكل شوية يقول ازاى الراجل الى تحت ينده عليا وظلت جواه حقد اتجاهم وكل ده علشان الراجل نده عليه علشان مصلحته مش قادر احمد اخويا يفهم الكلام ده المهم قام بحرق ستارة البلاكونة الخاصة بهم باليل

    وقام ايضا فى يوم اخر بكسر عداد النور الخاصة بهم وكانت العماره كلها هتولع يعنى عايز ينتقم منهم ليه انا مش عارف احنا مش عارفين نعمل معاه ايه واصبح اى كلمة نقولها يعلق عليها حتى لو كان هزار يعنى بقى موسوس جدا جدا حتى مع والدته ممكن يقوم بمد ايده عليها وابوه ايضا

    ولو انا كلمته وحاولات انصحة يقوم بقطع ملابسى بالمقص وكمان فى ظل الجو الشتاء الى احنا فيه يقعد بفلنه بحملات ازاى مش عارف وممكن يلبسها وهى مبلوله يعنى يجبها من على الحبل ويلبسها مبلوله رغم انه عنده غيرها مش عارفين بيفكر ازاى فكرنا كتير اخذه لطبيب نفسانى بس ازاى هنوديه

    وهو مش بيخرج من البيت نهائى الا باليل ينزل يلف شوية ويطلع تانى بقالوا حوالى 3 اعوام على هذا الحال وبقى حاسس من جواه انه مش زى الناس بمعنى انه فشل فى الدراسة يعنى ماكملش بعد الثانويه العامه لم يذهب الى الجيش يعنى حياته ضايعه.

    وحتى وقتنا هذا يقعد يقول ازاى الراجل الى تحتنا ينده عليا حتى الان!! وكتر قعاده فى البيت حسسه ان الناس يعنى الجيران الى معانا فى العماره بيتكلموا عليه وده مش صحيح لدرجة انه قبل مايتكلم يقوم بغلق جميع الشبابيك كلها

    يعنى مش عايز حد يسمعه ولا حد يعرف عنه اى حاجة هل فى علاج للمخ لهذه الحالة يعنى احنا عايزينه ينسى الحاجات المتعلقة فى ذهنه من سنين (الحل ايه وكيفية المعامله معه ولكم جزيل الشكر ).

  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2012-04-01

    د. وائل فاضل علي


    بسم الله الرحمن الرحيم .

    الأخت العزيزة :

    السلام عليكم ورحمة الله وبركاته .

    بخصوص ما عرضته عن حالة أخيك أنا أقول لحضرتك الآتي :

    لابد من مراجعة معالج نفسي وبدون أي تأخير يعني اليوم قبل الغد لأن الآن يمكن الاكتفاء بالعلاج النفسي ولكن بعدها قد تتطور الحالة ونحتاج إلى الدواء .

    أما حالة عدم قبوله فيمكن لكم أن تتحدثوا إلى معالج نفسي يمكن أن يزوركم في البيت بحجة معينة ويتعرف عليه بدون أن يجعله يثور وتشرح حالته كما أن هناك بعض الأدوية المهدئة التي يمكن له تناولها من اجل تقليل حدته العصبية قبل جلسات العلاج النفسي .

    إن حالة النقص التي يشعر بها أخوك جعلته في حالة نفسية سيئة ويشعر بأنه اقل من الآخرين أي بالدونية لذا فهو ينتقم من الآخرين تعويضا لتلك الحالة ..حقيقة أنا اقدر وضعكم ولكن ما عليكم الآن فعله هو التحرك بسرعة لا الانتظار أكثر لان الحالة قد تسوء أكثر ولا اعلم إن كان لديه صاحب أو صديق سواء من العائلة أو خارجها يمكن له المساعدة في التحدث إليه بطريقة غير مباشرة ومساعدته على تجاوز هذه الحالة .... وفقكم الله .

    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات