كيف أخفف من خوف طفلي ؟

كيف أخفف من خوف طفلي ؟

  • 26634
  • 2012-01-08
  • 3455
  • ندى عبدالله


  • السلام عليكم ورحمة الله
    أولا : أشكر حضرتك الي بتساعدي الناس ويارب يضاعف لك الاجر بكل حرف تكتبيه

    المشكله عند ابني عمره 9 سنوات و 6 شهور وأنا جدا قلقانه عشانه أولا أنا حاشرح لك زوجي شخصية جدااا قلقة يعني القلق المرضي الي يمنعه يستمتع بالحياة ودايما حاط بباله الاحتمال الاسوا بيحب الترتيب والدقة وحساس جدا يحب الروتين

    دايما في قلق وتوتر شديد يعني اي حاجه تخرب عليه الروتين يشيل لها هم وتفسد عليه كل اليوم حتى لو حاجه تافهه الغسالة مثلا احتاجت تصليح اوالغاز خلص ,هو مبذر جدا ومسرف بالفلوس ونفس الوقت يحب يحتفظ بكل حاجه حتى لو مايستخدمها ويحتفظ بالفواتير القديمة خالص

    طبعا جوزي شحصيته متاثره كثير بوالده والده شخصيه قوية جدا وحازمة يحب النظام بشكل زايد وكان شديد عليه اوي في تربيته ولحد الان زوجي عنده 45 سنة بس جدا بيخاف من والده وعلاقتهم سوا كويسه بس طبيعه العلاقه رسميه ودا طبع والده مع الجميع بس زوجي يزود توتره اكثر لو اي موضوع دخل والده فيه طرف او عنده مهمه يسويها عشان والده

    طبعا أنا نفسي زوجي يخف توتره بس غلبت معاه خاصه انه اكبر مني بكثير وهو احيانا لو فيه مناسبة او كدا بياخد حبوب زاناكس طيب نرجع لابني الي انا قلقانه اكثر حاجه عشانه هو عنده 9 سنين ونص وللاسف جداااااا متوتر وقلق لدرجة فظيعة ,,

    حتى لما اسال زوجي يقول انا كنت وانا صغير مش زيه خالص .ابني حساس جدا وبيخاف من كل حاجة يخاف من الظلام يخاف اني انسى اغراضي على طول يبقى يسالني لما نرجع من مكان ماما انتي اخذتي الموبايل تبعك او نسيتيه هو مثل والده بيحتفظ بكل حاجه

    ونسيت اقولك ان والده بيحب يشتري حاجات كثير ويحس لو مااشتراها انه لازم يشتريها ولما يشتريها يركنها ولا يستخدمها ابداااا وابني نفس الشي يشتري حاجات كثير ولما اقوله استخدمها يقولي بعدين ومايستخدمها

    على طول ياكل اظافيره وبرضه ياخذ مناديل ويمضغ فيها خاصه لما يتوتر .شخصيته ضعيفه دايم خايف وقلق من كل حاجه حتى لما نركب السيارة يكون خايف لاحسن السواق يعمل حادثة لو طلعنا الفود كورت مابيحبش ياكل قدام الناس خالص ويتوتر من الموضوع ده .دايما متردد ولو عاوز حاجه يكون ساكت ومتردد انه يقولها او يتكلم ,,,,

    وكنت احاول اخليه دايم يحس ان الشخص لازم يكون قوي ويطالب بحقه بس حدثت حادثة اثررررت فيه تاثير قوي وزادت خوفه وقلقه ..كنا خارجين مهرجان عندنا وللاسف كان فيه ستات مش متحضرين وانا جيت جالسه ومعاي الولاد بقو يقولو اتركي الطاوله دي لان حيجو ازواجنا معانا وكده

    وأنا بس عشان خاطر عاوزه افهم ابني انه مايتنازل عن حقه رفضت هم كانو مجموعه وجدا مش متحضرين فزقوني قدام ولادي ووحده بدات تضربني ماخلصننيش منهم الا رجال الامن حسبي الله عليهم

    الموقف ده اثرر في ابني تاثير عكسي صار جدا بيخاف اكثر من الاول .حتى سافرنا بعد كده لو بفاصل في حاجه باشتريها او كده يبتدي يصرخ ويبكي بشكل هستيري خايف تكون فيه خناقه .لو بسال اي ست عن حاجه او اناقش نفس الشي تجي له حالة الفوبيا ويبتدي يبكي بخوف ,,

    حتى بالمدرسة على طول خايف وقلقان حتى يخاف يرفع يده يجاوب على طول خوف وقلق ..ايه رايك ايه احسن طريقه اتعامل معاه وازاي احد من الخوف والقلق بتاعه دا حتى لما نطلع يكون خايف لاحسن اخوه الصغير يضيع حتى وانا ماسكاه .

    دايما قلقان ومتوتر وخايف ..وانا من جد احتار دليلي مش عارفه ازاي اتعامل معاه وازاي اقوي شخصيته واخفف خوفه وقلقه ؟صدقيني مش حانسى معروفك وادعي لك طول عمري لان فعلا الموضوع محزني كثير

    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات