لم أجد ما تريده كل زوجة !

لم أجد ما تريده كل زوجة !

  • 22966
  • 2011-03-23
  • 2586
  • ام محمد


  • السلام عليكم
    انازوجه ابلغ من العمر 37 سنه وزوجي 35 سنه يعني انا اكبر منه ولي 12 سنه متزوجين ولدي 4 اطفال الله يخليهم لي ولا يحرمني منهم

    المشكله تكمن في زوجي مهما كانت المشكله التي نواجهه على لسانه (اطلعي من بيتي شيلي اغراضك واطلعي)يعني شي يقرف ولما نتصالح اقول له قول كل شي ولا تطردني من بيتي انت تجرحني بس مايفهم كل مره تزيد حدته وتزيد مده الزعل

    واغلب المشاكل الي تصير بسبب اعرف اي شي يسويه من الناس دايم يسوي اي شي من دخول مشروع او سفر دايما اسمع من حريم اخوانه او زوجة صديقه شي ينرفز وعلمته تبي تسوي شي علمني مو جالسه زي الاطرش انا راح اعرف فأختصر علي الاحراج الي اشوفه كل مره

    والمصيبه انه دايم يلح على اخوانه وصديقه انتبهو زوجتي تدري اول لما اسمع مااصدق فيه بس لما جلست معاه سألته صحيح انك تقول زوجتي لا تدري بكل وقاحه قال نعم انا اوصيهم اذا بعلمون زوجاتهم يوصون زوجاتهم اني ماادري طيب ليش انا الي معاشرتك موهم

    انا ام اعيالك اناحافظه بيتك ليش ماسترتني ليش تشمت الناس فيني انتم لو تشوفون كيف الوحده تتكلم معاي يلعبون بعصابي حالات يعرفون حاجات خاصه فيني مثل اليوم الي راح اسافرفيه لاهلي وانا صاحبت الموضوع ماادري اني بسافروا

    المشكله الثانيه دايم ماعندي فلوس واصدق واي واحد من اخوانه يحتاج فلوس تطلع وانا وعيالي ماعندي ناقصنا حاجات كثير وهو اصبرو الشهر الجاي وكل مره اصبروا لي 8 سنين الحين وانا ابي اشتري غرف نوم لعيالي وهو اصبرو قرفت منه ومن عشرته

    اخر مشكله جيت من عزيمه وكلعاده سمعت انه بيسافر وحاط جوازه والتذاكر عند زوجة صديقه وقالت لي معقوله متدرين وعلمتني متى بيروح ليش ماشال اوراقه في السياره اذا مايبيني اعرف لازم يفشلني رجعت وانا قرفانه من نفسي وسال ايش فيه

    قلت مع ليش ماابي اتكلم وثاني يوم جى يتحرش يبي يسوي مشكله ليش زعلانه وحاول يمد يده تركته ورجع فعلا ومد يده ضربني ضربني الحقيرعلشان ماابي ارد عليه وغير الالفاظ الوسخه

    وقال يالله شيلي اغراضك اطلعي قلت تحلم اطلع من بيتي انت الي اطلع روح لامك وماخليت ولاكلمه وسخه هو يقول وانا اردها عليه اول مره اردعليهواسبه حتى هو استغرب ووقف ضرب بس يطالع فيني

    قلت ليش احترمك وانت مو كفو.الحين ادري اني وصلت الى مفترق الطرق بعد الاهانه الي وصلناها انا وياه كلا ماقصر بلثاني يتهيأ لي الزوجه تبي حاجتين من الرجل يحسسها بالامان ويستر عليها انا محصلتها مع اني دايما اطلبهم منه

    والله اني كنت اترجاه بس كل مره يزيد زي جهنم هل من مزيد ماادري ايش اسوي اطلع وارحم نفسي من الذل الي محصلته نفسيتي مره تعبانه خايفه على اعيالي من المرمطه في بيت اهلي مع اني راح اعيش احسن عيشه ماديا

    وغير الطلعات وغير المدارس بتكون احسن من المنطقه الي انا اعيش فيها بس خايفه على نفسياتهم لما يبعدون عن ابوهم الحين هم بدوا يحسون انه في مشكله دايم يسالون ليش ماتجلسون مع بعض ليش ماتتكلمون وغير اني ابي اسوي مشروع صغير يلهيني عن المشاكل بس الحين

    هو طبعا ماراح يخليني اسوي شي ماادري تعبت من التفكير مشروعي الحين اهم منه هو وعلاقتي معاه ماادري اكبر الموضوع واطلب الطلاق اذا وقف في طريقي انا اصبر واطنش واعيش زي ماكنت محبوسه في هلبيت لا اروح ولا اجي مضطهته والله حتى الاكل ماعاد له طعم اكل بس سد جوع والصداع تاعبني

    ودايم احس بدوخه تعبت والله تعب حابسني في البيت وحتى الفلوس مايعطيني اذا احتجت شي مااقدر اجيبه صرت الحين امد يدي واخذ من غير مايدري لا ماديا ولا نفسيا ولا جنسيا مرتاحه ليش اصبر ليش يضيع عمري بس استناه يرضى ليش مااشوف نفسي اصبر

    ولا اطلع واشوف نفسي واشوف اعيالي واحسن تربيتهم ايش راح استنى بعد مدة يده علي بيجي من وراه خير لو فيه خير مايقصر علي وعلى اعياله علشان اخوانه وعيالهم حسبي الله ونعم الوكيل والحين المصيبه الاكبر امي تعبانه ومو راضي يخليني اروح اشوفه حسبي الله ونعم الوكيل

    • مقال المشرف

    السيرة النبوية بمنظور أسري

    تعددت نظريات التربية والإرشاد الزواجي بتعدد العلماء والباحثين، ولا تزال أضابيرهم تقذف بالجديد، وما من منهج بشري إلا يعتريه نقص ويحتاج إلى مراجعة، لقد تتبعت عددا كبيرا من البحوث، ودرست في الجامعات، ولازمت المختصين في قاعات التدريب، وحُبِّب إل

      في ضيافة مستشار

    د. سعدون داود الجبوري

    د. سعدون داود الجبوري

      استطلاع الرأي

    أحرص على ممارسة رياضة المشي
  • نعم
  • أحياناً
  • لا
    • المراسلات