طفلتي تسألني عن الجنس !

طفلتي تسألني عن الجنس !

  • 22597
  • 2011-03-03
  • 3886
  • الصباح الندّي


  • السلام عليكم ورحمة الله وبركاته
    بنتي عمرها 10 سنوات (بنتي البكر) سألتني سؤال قبل يومين تقول وشو الجانس أو الجنسي ما عرفت تنطقها صحيحة قلت لها وشو ؟!

    الجنس قالت: إيه الجنس سويت نفسي مشغولة وما طالعتها قلت ليش ؟! قالت يوم تزوجتي أنت وأبوي وش سويتوا ؟! قلت: جينا البيت وجلسنا شوي وتفرجنا على التلفزيون وتعشينا وبعدين بابا نام وجلست شوي وقمت أنام ,,

    قالت لااا وهي محرجه وتضحك ووتمايل يوم كنتوا في العرس قلت عادي شربنا عصير وصورنا قلت لها ليش ؟
    قالت صديقتي الفلانيه تقولي إذا تزوج الرجال مع الحرمه ( عذرا على الوصف والتفصيل ) بس مضحك نوعا ما

    الحرمه توقف والرجال يوقف من ورا !! قلت لاا هذا الكلام غلط بس بعدين بقولك الصح بس أنا مشغوله ألحين وأصرت أني أقولها وأصريت إني أأجل الكلام وقت ثاني بحجة إني مشغولةوأنا بس أبي مخرج لغاية ما أسئل أحد متخصص ,, وأعرف كيف أرد لها ؟!

    وسألتني برضوا أمس وقالت ألحين أنت فاضيه ومافيه أحد علميني قلت بعدين بقولك ,, تعبانه ألحين
    المشكلة ما أبي أقمعها وأسكتها وأقولها عيب وحرام وأعقدها ولااا تدّور من يسمعها

    وأبي أكون مثل صديقتها وتقول لي كل شي وخايفه منها خايفه تفتح عيونها علي أنا وأبوها وتقعد تحلل ولا تفكر ما أدري وش سوي ,,,

    وقبل مده برضوا تعلمني عن البنات اللي في سنها من أقربائنا والأولاد هذا من يحب وهذي من تحب
    فضحّتهم وقالت أنا أحب فلان قلت هذا الكلام عيب وما يصلح والمفروض ما نتكلم كذا

    الوحده تحب أبوها , أخوها , أمها , صديقاتها
    بس الأولاد ما تحبهم عيب وإذا كبرت وتزوجت تحب زوجها
    وقلت لو قلتي لهم أنا أحب فلان بعلمون أهلهم وبتنحرجين بعدين
    أفيدوني الله يجزاكم خير كيف أرد على أسئلتها
    وكيف أكسب ثقتها وتقولي كل شي يصير معها ..

    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات