كرامتي لا تسمح بترك العناد .

كرامتي لا تسمح بترك العناد .

  • 22196
  • 2011-02-07
  • 2769
  • ساره


  • السلام عليكم
    مشكلتي في تعاملي مع الاخرين وخوفي من تأثيره على عملي .. انا موظفه في ادارة نسائية لكن عملي يستلزم احيانا مكالمة الموظفين بالهاتف او ارسال ايميل ..

    انا شخصيتي هادئة وطيبه واخاف الله يعني ما اظلم احد او اتقول على احد .. لكن المشكله اذا احد طنشني او تركني انتظر وكذب علي اجامل في البدايه واتحمل واسكت لكن لازم اصل لمرحله انفجر واعصب واتكلم باسلوب مايصلح مع اشخاص اعلى مني

    ( يعني ما اغلط بكلامي معهم ابداً لكن اللي اشوفه انه الموظفين يسكتون ويحترمون اللي اكبر منهم حتى لو هو غلط ) وانا ماتعودت اني اسكت .. تعودت لما احد يتصرف معي تصرف غير جيد لازم اتكلم معه واوصل له الكلام كله اللي بقلبي ( بس بدون غلط ) ..

    اللي حاصل في عملي انه فيه موظف المفروض انه ينفذ لي شي معين لكنه طنشني, كلمت المدراء اللي فوقه واشتكيت بأدب .. لكن اخاف دايم انهم يقولون اني كثيرة الشكاوي ويفصلوني

    ماادري ليه كذا دايم خايفه اني غلطانه واني ممكن اعصب واتكلم مع شخص اكبر مني بالعمل ولا يتقبل اسلوبي ويعتبره قلة احترام ..انا اعترف اسلوبي مايصلح بس مادري كيف امسك اعصابي والله العظيم اعصب وارجع للبيت اقعد اصيح ما اتحمل ابداً انه احد يطنشني ..

    بعض المرات احس اني لازلت مراهقه لاني لما احد مثلا طنشني اعصب واتهاوش معه بعدين لو طلب مني شي اعانده .. العناد حتى بالدوام اخاف اعاند بس ماقد عاندت الا مره واعتذرت على طول ..

    اخوي يقولي بالعمل اذا كان المدير معصب وهزأني اسكت ولا ارد واقول حاضر , انا ما اتخيل انه لو بيصير لي مثل موقف اخوي بسكت ..

    احس دايم عندي كرامة وعناد . ومابي احد يعاملني باسلوب غير محترم وبعد كذا انفذ له طلب مستحييييل
    انا اعاند امي وابوي واخاف انه قياساً بامي وابوي بكون كذا بالعمل مع المديره او المدير ..

    ياليت تساعدوني كيف اضبط اعصابي واترك العناد والعصبيه وسالفة كرامتي ماتسمح ومب على كيفهم وهذي التصرفات ..انا انسانه هاديه وحبوبه واسمع الكلام وابداً محد يتوقع اني لما اعصب بسوي كذا

    وحالة العصبيه هذي ماتجيني الا لما احد يتجاهلني ويقلل من اهميتي ويعاندني ويخليني انتظر وهذا الشي مايصير الا قليل بس بالعمل صاير كثير وفيه شخص يسوي هذي الاشياء كلها معي وتعبت مره منه..

    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات