كيف أزيد ثقتي بنفسي ؟

كيف أزيد ثقتي بنفسي ؟

  • 21850
  • 2010-12-30
  • 5740
  • صغيرا علمته الحياه


  • انا بتقابلنى مشاكل كتير منها اهم مشكله عندى هى ابويا من واحنا صغيرين متعود انه دايما يزعق ومش بيدينا الحق اننا يكون لينا رأى فى اى حاجه كنت زمان حاسه انى معدومه الشخصيه لكن دلوقتى لما كبرت وخصوصا لما دخلت الجامعه حسيت انى لازم اساعد نفسى بنفسى وانى ازيد ثقتى بنفسى

    وادفع نفسى انى اعمل حاجات انا ماكنتش بعملها وانا صغيره زى مثلا اتكلم مع حد اشترى حاجه كنت بخجل من كدا لكن دلوقتى بقيت الحمد لله قادره انى اطور نفسى وحاسه ان انا ذو شخصيه كويسه محبوبه من الكل بس المشكله ان انا لسه فى بعض الحاجات مش قادره اتغلب عليها

    يعنى بخاف من الصوت العالى بتوتر بسرعه بخاف لو كانت فى اى خناقه بين بابا وماما او مع اى حد من اخواتى فى مره كان بتخانق مع اختى جامد اوى وكان عصبى جدا لقيت نفسى بصوت مش عارفه ليه وايه السبب وماكنتش قادره اخد نفسى

    ولما هديت كانوا بيكلمونى بس انا ماكنتش برد عليهم مع انى حاسه بيهم دا كله خلانى احس انى عمرى ماهلاقى اللى يعوضنى عن حنانه ليا هو انا بحس انه حنين بس دا كنت بحسه زمان لكن دلوقتى لاء من وانا صغيره لما كان بيجى جنبى ويحضنى ودا ميحصلش كتير كنت بكون قلقانه مش مرتاحه

    واانا جنيه حاسه كانه حد غريب عنى مابحسش بالامان وهو موجود فى البيت مش عاوزه تكون فى اى فرصه ان اقعد واتكلم معاه بحس انى بهرب دايما منه مع انه بيحبنى عن اخواتى بقول يمكن يكون السبب انى اشطرهم فى الدراسه انا بحس بكدا لانه بيعامل اخواتى الباقيين مش اوى يعنى

    او ممكن يكون بسبب انه لما كان بيزعقلى وانا صغيره كنت علطول بعيط على فكره انا حساسه جدا بزعل بسرعه لكن بلاقى نفسى بصفى بسرعه يمكن يكون هو دا السبب انه اتعود انه ميزعلنيش اوى زى اخواتى بس دلوقتى لما كبرنا كلنا اخواتى البنتين اللى اكبر منى خلصوا وانا خلا ص هتخرج السنه دى ان شاء الله

    كلنا بقينا عنده زى بعض بقيت احس انه بيبعد عننا دايما على فكره هو بينام بمنوم ودا بقاله سنين على كدا دلوقتى بنقول ان اللى بيعمله بسبب المنوم الكتير وانه أثر عليه بس برضو انا لما بفكر بقول اه ممكن يكون دا جزء من الللى هو فيه لكن زمان انا مش شايفه ان فيه حاجه حلوه تبرر دا

    يعنى هو بردو مش انسان كويس ومتفاهم اوى علشان اقول ان المنوم غيره انا نفسى اقربله لكن مش عارفه حاسه انا كل ماحاول اقرب اللى بيعمله بيبعدنى عنه مش انا لوحدى دا اخواتى كمان وماما وبيحاول انه يزعل كل الناس منه مابقاش يخاف على احساس حد دايما تلاقيه متضايق يزعق بسبب او من غير سبب

    دايما يشك فينا مش بيصدقنا وحتى لو كان لسه صاحى من النوم مش بلاقيه بيضحك دايما مكشر فى وشنا بقيت احس ان الحزن دا بقى فرد عايش معانا فى البيت مع ان الدنيا دى ماتستهلش حاجه وان ربنا له حكمه فى كل شىء وان الحياه لما نعيشها بروح صافيه وبالتسامح هتكون جميله اوى بس مش لاقيه حد حوليا فاهم كدا دى مشكلتى مع ابويا

    وفى مشكله كمان بس انا بعتبرها تجربه عدت علينا وبعتبر نفسى اقوى منها بس فى بعض الاحيان بيغلبنى ضعفى وبلاقى نفسى متضايقه التجربه دى انى حبيت شخص عرفناه تقريبا من سنتين بس مش انا اللى بدأت بحبه انا عمرى ماكنت بفكر فى الحب كنت اه بلاقى اصحابى واحنا لسه فى ثانويه عامه ليهم قصص فى المواضيع دى لكن انا ماكنتش بفكر غير فى دراستى

    ولما دخلت الجامعه كنت كدا لحد متعرفنا عليه هو انسان يتحب على طول بس هو كبير عنى بسنين مايقرب 20 سنه كلنا فى البيت نعرفه وكان بيجى عندنا يقعد معانا وياكل كمان معانا يعنى اعتبرنا اخ لينا وبابا وماما بيحبوه فى يوم ماما قالتله انها بتحبه وتحترمه وانه اللى عاوزاها مننا يقول وهى تجوزهاله

    وساعتها قالها انه لو هيفكر فى حد مش هيفكر انه يرتبط غير بيا انالكن هو مش عاوز يظلمنى علشان فرق السن بينا وهو بنفسه قالى الكلام دا وقالى باللى ماما قالتله ليه وقالى رده عليا وبدأ التفكير من هنا وخصوصا انه بدأ يلمح يعنى بكلام بنظرات

    وخصوصا دا زاد وانا خلاص قربت اخلص دراستى انا بجد كنت حاسه انه بيحبنى ازاى معرفش بالرغم انه مقلش انه بيحبنى بس الحب دا احساس يتحس من غير كلام وبناء على كدا انا كنت مبسوطه جدا بس حاولت انى مابينش انى بحبه انا كمان لانى بنت

    وكان لازم يعرف انى مش سهله لاى حد ممكن يلمحلها بنظره او او حتى كلام وانى بنت ناس محترمين عرفوا يربوها كويس بس هو بمجرد مااختى خلصت واتخرجت هى اكبر من بسنه لقيته بيقولها انه عاوز يتقدملها وهيطلع يكلم بابا بس شويه كدا

    انا ساعتها حسيت ان انا متضايقه اوى لان دى اختى وهو ازاى مش فاهم كدا يمكن حضرتك تقول ان انا ممكن كنت عايشه فى وهم بس اكيد لاء لان دا مش رأيى لوحدى دا كان رأى كل اللى حوليا انه عاوزنى انا بس مش عارفه ليه فكر فى اختى بس جه مره زعلها زعل جامد اوى يهين كرامتها

    وبعدين هى اتقدملها واحد كنت بتحبه من زمان بس قاطعوا بعض فتره ورجع اتقدملها وبابا وهى وافقوا عليه واتقرت فاتحتها فهو زعل جدا وراح قالها انه كان بيحبها من 3 سنين وطلب منها انها تسامحه لانه ظلمها وغلط فى حقها وطلب منها انها متقولش لحد

    وخصوصا انه عيط وهو بيقولها كدا بس هى قالتلى وانا الوحيده اللى تعرف على فكره هى ماكنتش تعرف تفاصيل اوى انه كان عاوزنى انا وانه كان بيفكر فيا المشكله دلوقتى انا حاسه انى متضايقه ونفسى اسأله هو عمل كدا ليه مش ليه سبنى انا وعاوز اختى لاء

    بس ليه علقنى بيه وانا ماعملتش فيا حاجه وحشه استاهل عليها دا كله انا دلوقتى فعلا اتغيرت فى معاملتى معاه بس مش اوى علشان ميحسش انى فى يوم من الايام كنت انا اللى بحبه مش هو بس انا لسه بحبه لكن بحبه كأخ بفرحله لما يكون فرحان وازعل لزعله وبحاول اوصله المعنى دا

    بس تقريبا هو فهمنى لان انا من النوع اللى بيبان عليا لما بكون زعلانه من حد مش بعرف اتصرف معاه طبيعى الا لما اعاتبه واتصافى معاه بس انا عارفه انى مينفعش اعاتبه لانه مااكدش حبه دا بكلمه انه بيحبنى او عاوز يرتبط بيا لانه ممكن ابسط رد منه انا محبتكيش

    بس بعد الموضوع دا لقيته بيقولى عاوزك تكونى راضيه عنى سألته ليه قالى كدا عاوزك تكونى راضيه عنى فرديت عليه وقولتله ان انا راضيه عنه طول ماهو راضى عن نفسه ومبسوط قالى انا لا راضى عن نفسى ولا مبسوط ودا كمان اكدلى انه كان ولو مره واحده فكر انه يرتبط بيا ولمحلى عن كدا

    انا بلاقى نفسى بفكر كتير فى الموضوع دا اه مرتاحه انه مش هيكون لاختى بس انا شايفاه علاقتها بيه قويه حتى بعد ماتقرت فاتحتها بس انا حاسه انها مش بتحب اللى اتقدملها مبقتش تحبه على فكره انا عمرى ماهفكر انى اوافق عليه حتى لو رجع تانى واتقدملى لانه زعلنى وكان ولا همه اى حاجه وكانه معملش حاجه وماخدش باله انه دخل مابيين اختين

    وكمان لانه علق اختى بيه تقريبا حبته هو انسان ماهر جدا تخليك تحبه بسرعه انا متضايقه وخايفه فعلا اكون غلطت فى حكمى عليه انه كان بيحبنى ومتضايقه انه عمل كدا فيا ونفسى اعاتبه واسأله ليه لكن ماينفعش انا مش عاوزه افكر فيه بس بلاقى نفسى غصب عنى بفكر فى اللى حصل

    وخصوصا انا حاسه انى مغلطتش فى حاجه وحافظت على كرامتى وعلى نفسى وحاولت اكون انسانه عزيزه مش من السهل الوصول لييها كاى بنت محترمه على فكره هو لف كتير وعرف بنات كتير وهو اللى قايلنا كدا بس بجد انا شايفاه انه انسان متردد

    مش عارف ياخد قرار فى حياته هو حنين جدا ويمكن دا اللى عجبنى فيه واحيانا بقول انا كنت شايفه فيه ابويا مش حبيبى مش عارفه على فكره انا حاسه انى غيرت فيه حاجات كتير انا كنت بساعده انه يقرب من ربنا وانه يسيبه من اللى يعرفهم حسيت انى غيرت فيه جزء كان مش حلو فى حياته بس مش كله قدرت اغيره

    انا سعيده انى عملت كدا وخصوصا كانت نيتى انه يكون انسان كويس لانه حقيقى من جواه بحس انه طفل صغير محتاج ايد تطبطب عليه لكن اللى ظاهر من بره انه جامد اوى بس هو مش كدا

    انا مش عاوزه اشغل نفسى بالموضوع دا ومش عاوزه افكر فيه عاوزه اعتبر ان دى تجربه واكون انا المستفيده منها بس ازاى مش عارفه

  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2011-01-16

    د. العربي عطاء الله العربي


    السلام عليكم ورحمة الله وبركاته .

    أختي الفاضلة حفظك الله ورعاك ، أشكرك على ثقتك بموقع المستشار وإن شاء الله ستجدين الحل وتتحسن أمورك إلى الأفضل .

    أولا : أنا أحيي فيك هذه الصراحة والقدرة على الإعتراف على أن هناك خلل في حياتك يحتاج إلى علاج ، وخاصة الثقة بالنفس ، فمعاملة والدكم من الصغر غرست فيكم الخوف والتردد والهروب من مواجهة الآخرين ، ولكن هذا لا يكون عائقا في وجه الناجحين الذين يحبون أن يغيروا ما بأنفسهم إلى الأفضل والأحسن ، فمعاملة الوالد قد تكون لها أسباب متجدرة لا يمكن أن تغير في يوم وليلة ولكن تحتاج إلى صبر ، ولكن بأنك عرفت العلة فتستطعين علاجها والخروج من دائرة القيد والسيطرة والسلطة الأبوية بأدب واحترام ودون مواجهة ، وأنت ولله الحمد أصبحت جامعية لك تفكيرك وآرائك فحاولي أن تحترم الوالد ولا تدخلي معه في جدال وحاولي أن تبني مستقبلك بنفسك ولا تتأثري بأي شيء خارجي ، فأنت قطعت شوطا كبيرا في حياتك العلمية ، يبقى الآن تفكيرك في حياتك العملية بإذن الله تعالى .

    أما بالنسبة لسؤالك عن الرجل الذي يكبرك ب 20 سنة ، فأنا أرى أنا هذا الفارق كبير جدا ، وقد لا يسعدك في حياتك وقد تجدين فيما بعد صعوبات في التعامل معه لأن جيله غير جيلك وتفكيره غير تفكيرك ، ففارق العمر آراه كبير جدا ، فلا تقحمي نفسك في هذا الأمر ، ولا تترك للعاطفة أن تتحكم فيك بل حكمي العقل ، وشاوري أهل الرأي أيضا ، ولو تلاحظ أن الرجل نفسه متردد في الزواج وقال لك أنه يكبرك سنا ، فتقارب السن يلعب دورا كبيرا في الحياة الزوجية .
    لذا أنصحك أن تعيدي التفكير جيدا في الموضوع ولا تتسرعي .

    وبالله التوفيق .

    • مقال المشرف

    الرحلة الحفراوية

    حطت طائرتي في مطار (القيصومة) على إطلالة شتوية رائعة، الحرارة لم تتجاوز 7 مئوية، ومع ذلك فقد شعرت بالدفء مباشرة حين احتضنت عيناي ذلك الشاب المنتظر بلهفة على بوابة الاستقبال، أبديت له اعتذاري لما تسببت له من إزعاج بحضوره من (حفر الباطن) في هذا الوق

      في ضيافة مستشار

    د. سعدون داود الجبوري

    د. سعدون داود الجبوري

      استطلاع الرأي

    أحرص على ممارسة رياضة المشي
  • نعم
  • أحياناً
  • لا
    • المراسلات