لا أتقبل أي تصرف من طفلتي !

لا أتقبل أي تصرف من طفلتي !

  • 21823
  • 2010-12-30
  • 2693
  • الواثقه بالله


  • السلام عليكم..ابنتي تدرس ألأن بالصف الخامس ولاتزال تعبث بأي شي تجده امامها فهي كثيرة الحركه من يوم دخلت المدرسه ولاتحب المدرسه ودائما مدرساتها في شكوى دائمه منها عشان اهمالهاوعدم تجاوبها مع المعلمه

    وبعد ان وصلت رابع ابتدائي حولت الى صعوبات التعلم وعادت رابع ابتدائي ولم يتحسن وضعه زادت عند واذا جيت ادرسها تجلس تبكي واعصب عليها واضربها واحيانا ادعو عليها وعادت رابع والحين وديتها عند معلمه تتابع دراستها

    في بعض الاوقات تتحسن وبعض الاوقات تتصل علي المرشده الطلابيه تقول المعلمه الفلانيه تشتكي من مستوى بنتك وماعندها صديقات في سنها اعرفهم وعندها بنت عمها وبنت عمتها قريبين منها سنا لكن مايحبون يجلسون معها

    فاذا اجتمعنى لازم يزعلوها بانهم يطلوعها من المكان اللي يجلسون فيه فترجع البيت وتسير نفسيتها في ذلك الاسبوع زي الزفت ترجع تخرب وارجع اخاصمها وهي ذكيه لانا سوينى لها اختبار ذكاء نسبة الذكاءعندها90ودائما تكذب علي اذا جت من المدرسه

    واسألها عن المدرسه وعن اذاكان عندها اختبارات تكذب وتقول ماعندها واليوم الثاني تختبر وتجيب صفر وانا ازعل عليها واضربها اوادعي عليها وجت قبل يومين ماخذه نظارت زميلتها بدون علمها فرجعت اخذتها منها وقلت لها رجعيها والا اجيبها انا المدرسه واعطيها المرشده

    تعبت من تصرفاتها علما بأنها البنت الوحيده بين اربعة اولاد واحاول اني اجلس معها اواكسبها صديقه لكن ماعتمد عليها في حاجه تسويها الا تزود حاجه تفسد شغلها لانها تحب الطبخ وارجع احذرها ولكن ماتسمع ابدا

    اليوم شفتها من عند باب غرفتها جالسه قدام المرايه تتكلم مع نفسها وترد فاحس بالذنب ولمى اجلس انا واخوانها نسولف واذا واحد قال سالفه قالت حتى احنى صار اليوم عندن كذا ويجلس اخوانها يسكتوها واقول خلوها

    واحس اني اخاف عليها لانها جت تقول معهم بنت في الفصل تحب ولدعمها وتكلمه تلفون وتقول انها تغازله فتسالني عن معنى هذا الكلام واقول لها هذي البنت ماهي كويسه لان هذا التصرف خطأ لكن ترجع كل يوم وتحكيلي نفس الموضوع وانا ارد نفس الرد

    وتقول انها تطلع مع ولد عمها فأنا سرت اخاف عليها بس ابغى طريقه اعدل بها طريقتي في تعاملي معاها وطريقه انها تصير هاديه اذا رحنا عند احد لانها كثيرة الحركه وتقوم كل شوي وتجلس في اماكن مايصلح تجلس فيها

    بمعنى تدخل تجلس في المكان الضيق او في وسط المجلس واذاسمعت سالفه تجلس قدام اللي تقول السالفه حتى لواني ااشر لها بأن المكان اللي تجلس فيه غلط اوعيب كذا وانبه عليها لكن دون فائدة مادري ايش اكتب واخلي يعني

    ابغى مساعدتكم لي لاني احس ماعاد عندي غير اني ادعي عليها بالموت وهي تسمعني واذا جيت انصحها باسلوب تلف وجهها عني وسرت ماحس باي رحمه لها ارحم اخوانها اكثر منها وسرت مااتقبل اي تصرف منها

    وتحاول تجلس بجنبي وتحط راسها علي بس ابعدها باسلوب ان اخوها الصغير بيزعل وانا اللي مااتحملها
    وابغى اعرف طريقه ماتخليها تمد يدهاعلى اي شي ماهو لها وابغى اعرف كيف اتصرف مع كذبهاوابغى اكون لها صديقات وطولت بس الله يجزاكم الف خير

    • مقال المشرف

    قنوات الأطفال وتحديات التربية «1»


    أكثر من ثلاثين قناة تنطق بالعربية، تستهدف أطفالنا، بعضها مجرد واجهة عربية لمضامين أجنبية، وبعضها أسماؤها أجنبية، وكل ما فيها أجنبي مترجم، ومدبلج بمعايير منخف

      في ضيافة مستشار

    د. أيمن رمضان زهران

    د. أيمن رمضان زهران

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات