غلطة جرَت كل البلاء !!

غلطة جرَت كل البلاء !!

  • 16481
  • 2009-12-22
  • 3384
  • خالد


  • السلام عليكم ورحمه الله وبركاته
    انا مشكلتى كبيره شويه ياريت تستحملونى انا عندى 21 سنه انا بلعب رياضه كمال اجسم من سنتين ونص جالى فى يوم واحد صحبى قاللى لو تاخد دينابول هيعمل معاك شغل جامد

    اللى حصل انى اخدته بجهل اخدت 150 حبيه فى مده شهرين ونص انا خلصته اول شهر8 وحصللى اعراضه اول 9 وهى كانت ضيق فى النفس وكآبه بعد كدا بدأت افقد تركيزى جزء ف جزء تدريجياوبعد كدا لقيت شعر راسى بيقع وحواجبى وعمل معايا استريس

    بس خف دلوقت رحت لدكاتره كتير بعد ماجالى ضيق التنفس بس دى التنفس خف دلوقت وكل ماروح لدكتور يقوللى بتشرب حاجه او بتاخد حاجه(مخدرات يعنى) وانا اصلا مشربتش السجاير الا مرتين فى حياتى

    المهم كنت بقول لا وانا اصلا مكنش فى بالى ان الدينابول هو اللى عامل معايا كدا فقالولى روح لدكتور نفسيه وعصبيه رحت للدكتور وانا برضه فى بالى ان مش الدينابول اللى عمل معايا كل اللى انا فيه المهم عرفت متاخر ان الدينبول سبب كل البلاوى

    دى قولت لدكتور النفسيه انا كنت باخد لدينابول قاللى خلاص خليك معايا وبالوقت الاعراض دى هتروح
    عطانى تربتيزول واندرال التربتيزول 25 حبايه الصبح وحبايه بالليل واندرل الصبح وزودلى الجرعه تدريجى لحد ماوصل دلوقتى اتنين الصبح واتنين بالليل ووقف الاندرال

    رحت لدكتور جلديه وتناسليه
    طلب منى تحليلين
    1-s.creatinine 0.7 up to 1.4
    2-DEA-s 252 80-560
    قاللى التحليلين دول تمام خلاص يبقى انت معندكش حاجه وانت واهم نفسك

    طبعا مقتنعتش بكلامه عملت تحليل كوليسترول
    colestrol 170
    hdl 43
    ldl 110
    triglyceride 81

    تحليل غده درقيه
    tsh 2.47
    t3 63.6
    t4 6.71

    عملت تحليل وظايف كبد طلع تمام وهيمجلوبين تمام وكلى تمام وسكر تمام رحت عند دكتور غدد صماء طلب منى تحاليل
    fsh
    lh
    prl
    testesterone

    وانا دلوقت مستنى النتيجه واروحله بيهم
    بس انا دلوقت حلتى وحشه اوى مكتئب ومش مركز بتكلم بحس انا مش بتكلم مش حاسس ان انا موجودجلدى مش بحس بيه زى الاول الاصوات وطيت او تخنت لسمع مش زى الاول يعنى بردان على طول

    بصحى من النوم بالعافيه كسلان حاسس ان الدنيا وقفت فى وشى حتى انا بكتب دلوقت وحاسس ان مش دماغى اللى بتخلينى اكتب الكلم ده لو روحت مشوار برضه مش حاسس ان دماغى اللى بتحركنى

    حاسس ان دماغى فى حاله خمول جامده اوى انا دلوقت حاسس بزياده فى جسمى من ناحيه الدهون فى الارداف ولفخاد والبطن والبنش دماغى وجسمى فى حاله خمول فظيعه انا لما قريت عن الدينابول بعد كدا عرفت ان المفروض كان يتاخد وراه مضادت للاستروجين عشان بيزود الاستروجين فى الجسم

    ياترى اللى حاصلى يكون نتيجه لزياد الاستروجين فى الجسم ولا ايه ولا انا حصللى ايه وياترى فى يوم ممكن ارجع زى الاول ؟ نفسى حد من الخبراء يقوللى انا حالتى دى ممكن تتحسن وارجع زى الاول واخف؟

    والمفروض انى اروح عند دكاتره ايه ؟أنا بجد تعبت اوى ونفسى اطلع من اللى انا فيه بقالى اربع شهور فى الموضوع ده يعنى عشان بسبب غلطه تكلفنى حياتى كدا بالله عليكم لوحد يقدر يساعدنى ميتاخرش وانا هستنى الرد

  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2010-01-02

    د. قاسم بن محمد الداود


    وعليكم السلام .

    الأعراض المذكورة هي أعراض اكتئاب ولكن من الممكن أن يكون هناك دور للأدوية المنشطة وهي عبارة عن تستيرونات لبناء العضلات وهي ذات أثر سيء على المزاج وعلى وظائف الجسم وبالذات الكبد والخصيتين والمهم الآن علاج الآثار ومن الواضح أن التحاليل المعمولة مطمئنة وإن كنت أود عمل تحليل لوظائف الكبد وبإذن الله سوف يتم التحسن بشكل تدريجي وليس هناك داعي للهلع .

    وأتمنى لك الشفاء العاجل .

    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      في ضيافة مستشار

    أ. هيفاء أحمد العقيل

    أ. هيفاء أحمد العقيل

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات