تزوجني بالغش وعاشرني بالذل !

تزوجني بالغش وعاشرني بالذل !

  • 15226
  • 2009-08-09
  • 2769
  • أم صبا


  • السلام عليكم ورحمة الله وبركاته
    حياتي معلقه بين خيارين لابد ان اختار احدها هاليومين فلا تتأخرو بمساعدتي
    الخيار الاول : العوده لجحيم زوجي والصبر أو الخيار الثاني : الحياه بكرامه وراحه نفسيه في بيت اهلي

    ما راح اطول عليكم واحكي لكم موجز عن حياتي التي دامت 4 سنوات مع زوجي حتى تحكمو بعدها وتساعدوني لاني حتى النوم ماعرفته من الحيره اللي انا فيها
    ماقدرت اقرر اخاف اختار الخيار الاول فأندم او اختار الثاني فأندم والله احترت تكفوووون ساعدوني

    بدأت حياتي الزوجيه بغش وكذب من زوجي عند الخطوبه قال انه مطلق زوجته ولديه 3 اطفال وليس لديه زوجه ترددت في البدايه بقبوله لاني خفت منه لانه مطلق فرجع اكثر من مره وحاول ان يقنعني وقال اني سوف اسكن بفله وراح يوفر لي كل شي

    واني الوحيده في حياته وافقت- قدري- وبعد الزواج بيوم واحد اخبرني انه لم يطلق وانها معه في البيت ومعها 4 اطفال وانهم يعيشون بالفله واني سوف اسكن بشقه في هذه الفله رضيت بالامر الواقع لان لاخيار لي وهذه زوجته ام عياله واولى مني

    ولم يدم مايقولون عنه شهر عسل الا يوم واحد وارجعني للبيت بحجة ان اطفاله بحاجه له ومن تلك الساعه الى اليوم ماشفت يوم حلو حبسني في البيت لاطلعه ولاسوق ولا مطعم طوال الشهر الاول بعذر انا عياله بيزعلون لو طلعني

    قلت انا عروس ومن حقي على الاقل الاسبوع الاول والله العظيم طوال هذي الاربع السنوات مانزلت سوق الا مايقارب 3 مرات كانو اهلي يجون ينزلوني اذا احتجت شي وانحرمت من كل شي حلو وعشت زوجه وام لاربع اطفال من ثاني يوم وفتح باب من شقتي لفلة عياله وصارو عندي اربع وعشرين ساعه

    وتحملت آذاهم عشانه حتى النوم ماأعرفه زين ولا الاستقلاليه والاستقرار وحملت وجتني بنت واصر انا نجتمع مع بعض على طول يوم هنا ويوم هنا وزوجته عندها شغاله وانا لا وحتى بنتي والله العظيم مقصر معها مره والله العظيم انها تمرض ويرفض يوديها المستشفى يقول مشغول

    ويقول البنت بخير مافيها شي حتى سرير لها من ولادتها ماجاب لها تنام على الارض بعذر ماعندي وقت مشغول بعدين حسيت بالذل والاهانه بتقصيره معي -اكثر من مره اروح لأهلي ما تحملت مرضت نفسيا واجلس 6 اشهر ويرجعني وعلى هالحاله اربع مرات يمكن

    وكلها حياته وعود وبس تمنيت اعيش زي بنات خلق الله استقل في بيتي مع زوجي وبنتي لوحدي لو ساعات بس لكن ما رضى اذا جا للبيت كانو عياله معاه حتى كلام خاص معاه ما اقدر واذا ناقشته في هالموضوع رفض قال الاعيالي مع اني ماقصرت

    عاملتهم بكل احترام زوجته وعياله وتحملت الكلام القاسي من زوجته وكله عشانه هو وما قدر حتى الكلمه الزينه منه مافيه كان يكرر علي اكثر من مره الزوجه للمطبخ والفراش بس لاتتطلبين اكثر ومافيه اكثر من ضيوفه حتى طبخ المناسبات الكبيره الذبائح كان في البيت بدل المطعم

    وتعلمت وطبخت عشانه حاولت اكسبه حتى يغير من حياتي بدون فائده وفوق هالعيشه والحرمان والذل راعي بنات ومكالمات وسهرات وشراب واذا كشفته يكلم صارحها في وجهي انا حر اكلم واشوف اللي ابي غصب عنك وصار يتعمد يكلم البنات قدامي ويرسل صوره لهم

    حتى وهو عاري مرضت نفسيا ماتحملت اهماله لي وعيشة النكد وآذية اطفاله وزوجته لي والحرمان حتى من الظروريات سفرياته الكثيره واستهتاره وسهره وسكره والاجهاد الجسدي في شغل بيته وتركه لصلاته وكل شوي يكرر علي راح اتزوج

    حتى المصروف يعطي عياله قدامي وانا نادر يعطيني انا مانكر عليه انه كريم مره في اغرض البيت اكل وغيره بس ويشوف انها اهم شي الاكل-و يتعمد يدخل على اي حرمه تزورني عشان يشوفها وكل ماقررت اروح وارتاح عند اهلي صرت افكر في بنتي وكيف راح تصير حياتها

    لكن والله حرام اقضي بقية حياتي على هالحاله جربت اربع سنوات ماسوى حاجه من وعوده كل مارحت عند اهلي جا يتبكبك انا احبك والله اعوضك واشترطو اهلي عليه شروط ومانفذ اي شي منها وصار عمري 30 وانا لسه ماشفت يوم واحد حلو واتعذب كل ماشفت اللي حولي وحياتهم

    والله اني بكيت في هالسنوات اللي عشتها معه اكثر من صياح الام على فقد ولدها تكفووون ساعدوني على الاقل لو ساعدتموني في الاختيار راح يقل الندم مع مرور الوقت لاني عارفه انو مو رأي انا بس الكل موافقني عليه

    ( علما انا وحيدة اهلي ويحبون بنتي كثييييير ولو على رأيهم هم يبوني اطلق اليوم قبل بكره مارضو على عيشتي ) ساعدووووووني تكفون بسرعه قبل يرجع من السفر لازم اقرر-

  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2009-08-12

    الشيخ صالح بن عبد العزيز التيسان


    الأخت الكريمة أم صبا :

    السلام عليكم ورحمة الله وبركاته .

    أشكرك على تواصلك مع الموقع , وأسأل الله جل في علاه أن يجعل لك من كل هم فرج ومن كل ضيق مخرج ومن كل بلاء عافية وهو القادر على كل شيء.

    وبعد فحياة بدأت بالكذب والغش والخداع لا تستقيم أمورها وإن حاولنا وخصوصا في مثل حال زوجك الذي ذكرت من العيوب الشرعية والاجتماعية والأخلاقية ما يقبح .

    أختي الصابرة :
    أنت بين خيارين كما ذكرت الصبر والتحمل والله أعلم متى يصلح الحال , أو الخروج بأقل الخسائر لبيت أهلك بطفلة بعيدة عن والدها واسم مطلقة .

    وأنت الآن تريدين المساعدة على اتخاذ قرار بشأن علاقتك مع زوجك والقرار هو قرارك أنت وسأبين كيف تتخذينه :

    1- قارني بين سلبيات أي قرار وإيجابياته ومتى رأيت الإيجابيات علبت على السلبيات فاتجهي إليه دون تردد.
    2- شاروي أهلك ليعينوك ولا يلوموك مستقبلا وليكونوا عونا لك على تحمل تبعات القرار.
    3- استخيري الله في قرارك وطريقة الاستخارة كالآتي :

    عن جابرٍ رضي الله عنه قال : كان رسول الله صلى الله عليه وسلم يعلمنا الاستخارة في الأمور كلها كالسورة من القرآن ، يقول إذا هم أحدكم بالأمر ، فليركع ركعتين من غير الفريضة ثم ليقل : اللهم إني أستخيرك بعلمك ، وأستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر( ) خير لي في ديني ومعاشي وعاقبة أمري » أو قال : « عاجل أمري وآجله ، فاقدره لي ويسره لي، ثم بارك لي فيه ، وإن كنت تعلم أن هذا الأمر شر لي في ديني ومعاشي وعاقبة أمري » أو قال : « عاجل أمري وآجله ، فاصرفه عني ، واصرفني عنه، واقدر لي الخير حيث كان ، ثم رضني به » قال : ويسمي حاجته . رواه البخاري

    1- تصلين ركعتين من غير ركعات الفريضة.
    2- بعد السلام تدعين بالدعاء وتذكرين الأمر الذي تستخيرين الله فيه .
    3- تعرف نتيجة الاستخارة براحة القلب نحو القرار المستخار فيه .
    4- وفقك الله لما يحبه ويرضاه (أخوك المستشار) .

    • مقال المشرف

    إذا ارتاح الوالد.. تعب الولد

    "إذا ارتاح الوالد تعب الولد، وإذا تعب الوالد ارتاح الولد"، سمعت هذه العبارة من بعض كبار السن كثيرًا، وقد تجد أحدهم يبني عليها مواقف حياتية كبرى، بل يحكيها ب

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات