يكذب عليَ ليتزوج أخرى !

يكذب عليَ ليتزوج أخرى !

  • 13888
  • 2009-05-10
  • 2549
  • ميمي


  • ارجو منكم مساعدتي فانا متزوجه ولدي طفل واحد والان حامل فبل شهر تقريبا اخذت جوال زوجي واكتشفت تنه يكلم بنات ودقيت على وحده منهم وجا اول ماردت وطحت انا من الصدمه لاني ما توقعت ولا كنت مصدقه ووعدني انه ما يكلم وانه تاب

    واليوم الثاني قالي انه فيه وحده خاطبها وهي الوحيده اللي بيتواصل معها انا ما صدقته اخذت الرقم وكلمتها وطلع صدق لكن المصيبه انه طلع يكذب عليها وقايلها انه مطلقني من خمس سنوات وماعنده الا ولد واحد ووحيد هو وولده

    وانصدمت يوم كلمتهاوسالتني كيف انتي عنده هو دايم يكلمني انه مطلقك ولا عاد بينكم شي وزعلت مررة ليش يكذب عليها وقالتله خلاص انسى اللي بيننا ولا تكلمني هو هنا انقلب علي وصار يصارخ فيني وقالي ولله اذا ما تزوجتها مابينا شي

    وخلاص يعني انه مايبغاني وراح يطلقني انا وقتها كنت مرره مصدومه من الكلام اللي قاله عني عندها ولا كنت افكر بشي لاني حسيته كاذب وخاين ولا ابغاه اليوم الثاني كلمتني وقالتلي انه دق عليها في الليل وهددها اذا ماوافقت بمكالماتها معاه لمدة سنتين ونههم على خطبه بس

    حتى اخوانه مايدروا ولا اهله انه يكلمها وكانت خايفه منه وقالت انه قالها انه بس ينتظرني اولد وراح يطلقني وانه مايحبني ومغصوب علي من اول زواجناوانه مابغى من قرايبهم المشكله اني ماني قريبته وهو اللي جا خطبني وكان مقتنع تماما

    حتى دايم كان يكتب لي رسايل انه توفق باختياره لي وانه يحبني وقالهاانه دايم يوديني لاهلي وان ابوي يرجعني للبيت وهذا كله كذب انا هنا انقهرت ليش يكذب ويقول كذا عني كانه مايبيني واهلي يرموني عليه غصب ليه الكذب

    قلت لها دامك تكلميه من سنتين اكيد انك تذكريين فبل تقريبا سنه ونصف يوم سوى حادث وجاته غيبوبه 7 او 8 ساعات قالت ايه قلت اهله دايم يقولوا لي انه من بعد الحادث صار غريب وكانه جاه شي راسه لان الضربه جت براسه فصار يتصرف بغرابه ويفوت كثير

    فالكلام اللي قالك ان اهلي يرجعوني من اوهامه والله ماعمر اهلي رموني عليه وهذا الكلام لمن قلته لها وانا والله صادقه دايم امه واخته يقولو لي ماجبت شي كذب وبعدين جاني قال ليش تقوليلها كذا تخربين بينا قلت له انا قلت لها اللي دايم اسمعه انت وهي تقولون ان امك واختك هم اللي راحو خطبولك

    وهذا الكلام اللي دايم اسمعه منهم قال والله اني انا اخذتهم وهم مايدرون على عزا ابو البنت ويوم طلعو بعد العزا قلت تراني خطبت بنتهم وهم تفاجؤ قلت المهم وكل يوم توديني لاهلي ترميني وابوي يرجعني غصب ليه تكذي

    والمصيبه الاكبر ليه متحملني لين اولد خلاص خليني اروح لاهلي ماابغاك دامك تنتظر ولادتي بس قال والله كذب قلت احلف انك ماقلت لها كذا سكت مارضي واخر شي قال والله قلت لها كذا عشان توافق بس بعدين امي واختي والله مالهم بالسالفه انا صرت مهبوله ماادري من الصادق فيهم والكذاب

    وصار الحين يقوللي تكفين كلميها حاولي فيها قوليلها كنت اكذب انا جدا جدا محتارة وش اسوي قلت له اخاف اكلمها القالي صدمه ثانيه من كذبكم .. واحيانا يقول والله اذا ماوافقت احس ان حياتنا خلاص بتنهدم لاني راح ابقى بعينك خاين ولا راح تتعدل نظرتك لي

    حاولت اقنعه انا نبدا من جديد وانسى انا كل شي بس يرجع يذكرها ويقول بروح اخطبها رسمي واخذ اخواني واشوف يمكن توافق احسه مرره متعلق فيها ويقولي الحمد لله كنت اعقل مني لحظة الزعل قلتلك جهزي اغراضك خلاص بسرعه انا ماادري وش اللي جاني

    قلت لا مانيب رايحه انت زوجي وهذا بيتي ولا طالعه منه الا اذا جا ابوك ولا اخوك وقالي انتي غلطانه صدق واطلعي لحظتها ابشر ماراح تشوفني ابد وبعد يوم انا ماقدرت اتحمل يوم قالت انه يبغى يطلقني وصرت اقوله وديني ماابغاك وهو يقول اعقلي خلاص ولا رضي يوديني

    وقالي الحمد لله انها عرفت انك باقي معاي عشان ماتنصدم اكثر بعدين بس مشكلته مصر ملزم يقول لازم توافق غصب ويقولي توك تتعاملي معاي عدل وانا والله من دخلنا بيتنا هذا وانا معدله نفسي وحاولت اعوضه عن كل اللي فات

    لان لي سنتين ونص عند اهلي لانه ماكان عندنا بيت وكان يبني ملحق عند اهله في الحوش وسلم الشقه وماكان فيه بيت وكان دايم يبغاني اجي انام عند اهله في غرفة اخته وانا استحي انحرج منهم مااتخيل اني اقوم اتسبح الصبح عندهم ادخل قدامهم الحمام

    وكان يجبرني ويقول عادي وانا كنت ارفض واخرتها صار يستأجر شقه مفروشه يومين او ثلاثه واذا سافرو اهله يحطني ببيتهم وانا بصراحه انحرج مهما كان كل بيت له خصوصياته واسراره بعدين دايم اهله يتخاصمو قدامي حتى هو يخاصموه ويهزؤوه قدامي

    صرت اقلل زياراتي لهم وصار مايفكر بالبيت وقعد سنتين على ملحق يسوي شهر و4 شهور مايسوي شي قلت له خلاص لاتستاجر ولا شي عشان تجمع وتخلص البيت ويوم خلصه بعد شد وحط وكان دايم يتهزأ من اهله قدامي انه مهمل وبطيء ولايعرف واخوه اللي اصغر منه خلص قبله وصلح وهو موعارف يخلص ملحق

    ومن خلص بيته كنت دايم اعامله احسن معامله والله كلما دخل بعد الدوام حضنته وقبلته بس كنت ملاحظه انه مومعاي ودايم اتبسم له وكنت حاطه في بالي اني راح اعوضه بكل شي لكن كان غامض معاي واذا جا يطلع اقوله ممكن تجيب معك مثلا حليب او اي غرض

    كان يقول ايه عشان كذا من دخلت الابتسامه والحضن والمصالح وكنت اتحمل واكتم وقعدت تقريبا شهر على هالحال اخرتها حسيت انه مافيه فايده وتعبت صار يدخل ويطلع وانا جالسه بالصاله وصار يقول هذا استقبال الزوج ولمن قلتله

    اناسويت كل شي وانت اللي كنت ماترد حتى بكلمه زينه وكنت تقول مصالح وش ذي المصالح هذا الحب هذي الرومانسيه انت ماتعرفها قالي انا؟!! ماذكر اني قلت كذا وجحد

    والحين بعد هذا كله يقول توك الحين تتعاملي معاي زين انا ماادري هو اول ماكان يحس بشيء والحين بدا يحس ويستوعب تصرفاتي ومعاملتي معه!!!!

    انا ماادري وش اسوي وكيف اقنعه انه ماراح يظل خاين لانه حلف ووعدني انه مايكلم ولايراسل وانا صدقته بس يقول لا انا مايرتاح ضميري الا اذا اخذتهاوانتي ترتاحي ولايصير لك حجه علي في يوم من الايام

    ارجو منكم الرد علي باسرع وقت لاني لايوجد لدي نت بالبيت ولا افتحه الا عند اهلي اذا جيتهم وجزاكم الله خيرا ولا اراكم مكروهافي انفسكم ولا في من تحبون

  • رد المستشار

    يمكنك التعرف على السيرة الذاتية للمستشار وإستشاراتة السابقة بالضغط على أسم المستشار

  • 2009-05-12

    أ. دانة أحمد قنديل


    بسم الله الرحمن الرحيم والصلاة والسلام على سيدنا محمد وعلى آله وصحبه أجمعين.

    عناصر المشكلة :

    1-وجود أرقام لعدة بنات على جواله.
    2-يكذب على الطرفين: زوجته وخطيبته.
    3-العلاقة مع أهله ليست جيدة وهذا ما يدل عليه كلام الزوجة: (يتهزأ من أهله).
    4-تراجع مستوى المعاملة من قبل الزوجة بعد فترة من عدم تجاوب الزوج.

    الجوانب الإيجابية :

    1-حرصه على حب الزوجة.
    2-حرصه على عدم الظهور كخائن أمام زوجته.
    3-لم يتجرأ على أن يحلف كذباً.
    4-تعقل الزوجة وعدم تركها المنزل.
    5-صبر الزوجة في بداية الزواج قبل بناء البيت.
    6-رغبة الزوج في أن تعامله زوجته بحب.
    7-وعده لزوجته بأن لا يتركها ولا يعود لتصرفاته التي تزعجها.

    الإجابة:
    بداية أختي السائلة أهنئك على صبرك على زوجك في مراحل صعبة من حياتكما كنتما فيها تعيشان في بيتين منفصلين كما أهنئك على تعقلك وعدم تركك لمنزل الزوجية رغم غضبك وهذا دليل حكمتك وعدم تهورك.

    لا شك وأنك تمرين في فترة حرجة وصراع بين عقلك الذي يطالبك بالصبر والتعقل وبين عاطفتك ولكن ما دمت تستشيرين فهذا يعني أنك تبحثين عن أعقل الحلول لمشكلتك.

    تذكري يا عزيزتي أن زوجك يحبك وهذا واضح من حرصه على أن لا يظهر أمامك كخائن ومن رغبته في أن تعامليه بشكل مميز وقد يكون هذا شافعاً له كي تستمري بالصبر عليه وتذكري أن للصابر أجر كبير ، يقول الله تعالى: (إنما يوفى الصابرون أجرهم بغير حساب) . خصوصاً أنك بصبرك تحمين أسرتك وتحمين أطفالك من أن يكونوا ضحية لفترة طيش يمر بها أبوهم.

    1-أول ما أود أن أنصحك به هو أن تتوقفي عن الاتصال بالفتاة وأن تقاومي فضولك لمعرفة أخبارهما لأن هذا الأمر يؤثر سلباً على شعورك تجاه زوجك كما أنه يدفعه إلى الكذب أكثر وأكثر عليك وعليها كي يخرج من مشاكل فيجد نفسه في مشاكل جديدة تدفعه للكذب مرة أخرى وهكذا.
    2-أشعري زوجك أنك تنظرين إليه باحترام وأن معاملة أهله له لا تؤثر على شعورك تجاهه وأن ذلك لا يغير من كونه (رجلك ) أنت فهو وإن لم يبد لك ذلك بأمس الحاجة إلى احترامك.
    3-عودي إلى سابق عهدك من إظهار حبك واحتضانك له ولا تجعلي انزعاجك من تصرفاته يؤثر على ذلك. بالعكس قد يكون هو أحوج من ذي قبل إلى تقبلك وحبك.
    4-تذكري أن حياتكما السابقة في منزلين منفصلين قد تكون تركت آثاراً سلبية عليكما وأنك كنت تنوين تعويضه عما فات، فلا تجعلي من أخطائه سبباً لتراجعك عن عزمك على تعويض ما فات بل استمري وعل الله تعالى يرى فيك إصراراً وإخلاصاً فيعوضكما معاً بصبرك عن الأوقات العصيبة التي مرت.
    5-لكل رجل أخطاء كما لكل إنسان أخطاء لكن الرجل يظل دائماً بحاجة إلى أن يشعر بقبول زوجته له ولذلك أريه تسامحاً منك عندما يعتذر إليك وأشعريه بثقتك به وبتصديقك لوعوده وهذا ما سيجعله يعود إليك دائماً . وتذكري أن الله تعالى (ولله المثل الأعلى) يقبل توبة العبد دائماً ما دام يصدق في توبته.
    6-انصحيه بالرفق أن يتوقف عن الكذب عليكما وأريه قولاً وفعلاً أنك ستقبلين بالحقيقة مهما كانت مرة مادامت حقيقة حتى لا تتركي له سبباً للكذب.
    7-أختم كلامي بأهم النصائح وهي اجعلي الله تعالى محط شكواك ورجاءك واسأليه الفرج وادعي لزوجك بالهداية وتأكدي أن الله تعالى فقط هو القادر على تغييره وإعادته أفضل مما كان بل قد تحمل الأزمات في داخلها خيراً كثيراً خصوصاً عندما تكون سبباً في التجائنا إلى الله تعالى وتقربنا منه.
    8-إن رغبت في الاطلاع على ما قد يزيد من تفهمك لزوجك تستطيعين قراءة كتاب (الرجال من المريخ والنساء من الزهرة) وهو من الكتب المترجمة في مكتبة جرير أو كتاب (التفاهم في الحياة الزوجية) .

    • مقال المشرف

    قنوات الأطفال وتحديات التربية «1»


    أكثر من ثلاثين قناة تنطق بالعربية، تستهدف أطفالنا، بعضها مجرد واجهة عربية لمضامين أجنبية، وبعضها أسماؤها أجنبية، وكل ما فيها أجنبي مترجم، ومدبلج بمعايير منخف

      في ضيافة مستشار

    د. أيمن رمضان زهران

    د. أيمن رمضان زهران

      استطلاع الرأي

    هل تؤيد فعالية الأستشارة الاليكترونية في حل المشكلات؟
  • نعم
  • أحياناً
  • لا
    • المراسلات